في عيونك تاهت حكاوي الغرام

١٤

وقف عند سيارتها ونزل معاها لفت عليه باستغراب من نزوله و نطقت: تبي شيء؟
هز راسه بلا و فتح باب سيارتها لها ابتسمت بخجل و ركتب و نطق: انتبهي لنفسك
هزت راسها و سكر الباب و مشى متجه لسيارته
عضّت شفتها بحُب و لفت من دق جوالها ردت: هلا ألين
ألين: وينك؟
أليس: طالعه من المستشفى شفيك؟
ألين: ما فيه شيء بس بعد المغرب بنطلع للفندق تجهزي
أليس: تمام
قفلت منها و مشت متجه لبيتهم عقدت حاجبها من شافت سياره تتبعها تجاهلتها و كملت طريقها للبيت ، وقفت سيارتها و نزلت دخلت جوا شافت اهلها جالسين كلهم قربت منهم و قالت: السلام عليكم
ردوا عليها و جلست جنب ابوها و لفت على امها اللي نطقت: متى بتطلعون ؟
أليس: المغرب
نوره: ايش صار على الضيافة ؟
أليس: بتجي بكرا العصر ان شاءالله
نوره: كلميهم كلهم و اكدي عليهم انها بكرا توصل
هزت رأسها ونطقت: عن أذنكم بروح اجهز اغراضي
وقفت طلعت لغرفتها
__
« بيت إبراهيم »
دخل عليها بغرفتها و انصدم من الملابس المرمية على السرير و الارض نطق بذهول: بسم الله شصاير؟
ريناد: مو صاير شيء
فيصل: شفيك راميه الملابس كذا!
ريناد: جالسه ادور عقدي مو لاقيته
فيصل: كلمي الخدم يمكن يعرفون وينه ولا احد منهم حاطه بمكان
ريناد: سالتهم ما يعرفون
فيصل: طيب البسي غيره
ريناد: لا ابي ذا لانه مناسب مع فستاني
فيصل: طيب متى اخر مره لبستيه؟
ريناد: ما اذكر بس قريب
فيصل: دورتي بالخزنة؟
سكتت لثواني و نطقت: لا
فيصل: اكيد موجود فيها
قربت من الخزنة وهي تفتحها ابتسمت بفرح من شافت العقد موجود طلعته و ابتسم من شاف فرحتها و نطق باستهبال: اشكريني
نطقت وهي تعرف انه يستهبل: ليش ان شاءالله ؟
فيصل: انا اللي قلت لك مكانه
ضحكت و طلع من عندها
__
« بيت غازي »
شهقت ليالي بصدمه و نطقت: تستهبلين صح؟
جواهر ببرود: لا
ليالي: جواهر خلاص عاد الولد ما يبيك
جواهر: مو مهم
ليالي: كيف مو مهم! عادي تعيشين مع شخص ما يحبك
جواهر: يكفي اني انا احبه
ليالي بذهول: جواهر استهدي بالله الولد اختار اللي يبيها وهو اساسًا من قبل ما يبيك
جواهر: شعرفك انه ما يبيني!
ليالي: الكلام ذا كله صار و انتو صغار و لو يبيك كان خطبك انتي مو وحده غيرك
جواهر: اكيد اهله خطبوا له غصب
ضحكت ليالي و نطقت: خالتي قالت انه هو اللي اختارها و انتي شايفتهم الاثنين مع بعض وهم توهم بس خطبه
جواهر: ذا كله مو مهم المهم اني انا ابيه و راح اخذه
ليالي: بس هو ما يبيك كيف بتاخذينه وهو خاطب و وضح يحبها
جواهر: راح اخذه لو اذبحها
شهقت ليالي بصدمه من تفكير اختها و من حبها اللي وصلها للمرحله ذي ونطقت: جواهر حبيبتي اصحي لو ذبحتيها نهايتك السجن!
صدت عنها جواهر ونطقت: ليالي اطلعي برا
هزت رأسها ليالي بأسى من اختها و طلعت
__
« بيت سعد »
فايزه: متاكده اغراضك كلها موجودة ؟
إيلاف: اي كلها موجودة بس سطّام وين؟
فايزه: كلمته قبل شوي يقول جاي
صدت عنها وهي تشيك على اغراضها للمره الاخيره
لفت على امها اللي نطقت: اكدتي على الارتست؟
إيلاف: اي ان شاءالله ما تسحب عليّ
لفوا على دخلوا سطّام اللي دخل مستعجل ونطق: جاهزه؟
ضحكت إيلاف: بسم الله عليك شوي شوي اي جاهزه
ضحك بخفه ونطق: خفت اني تأخرت عليك
إيلاف: لا ما تأخرت
سطّام: طيب بطلع ابدل لبسي و نطلع
هزت راسها و قامت تلبس عبايتها
__
« الساعه ١٢ الفندق »
تنهدت بتعب ونطقت: بنام عشان اصحى بدري و انزل للقاعة
ضحكت ريناد و قالت: يوه الله يعينك على امك مشغلتك بالقاعة
ضحكت بخفه وهي تنسدح اخذت جوالها و عضّت شفتها من شافت رساله من يسألها اذا وصلت الفندق ولا لا ارسلت له " اي وصلت من زمان "
رد عليها: بدري؟
ضحكت بخفه وردت: والله ما انتبهت للجوال مره انشغلت
رد عليها: يمدي ادق؟
ردت: لا والله ما يمدي بنام و عمتي عندي
سلطان: تمام تصبحين على خير
قفلت جوالها و غطت بنومها
__
« الصباح الفندق »
صحت و اخذت شاور طلبت لهم فطور و بدت تجفف شعرها لفت من صحت ريناد ونطقت: صباح الخير
ريناد: صباح النور الساعه كم؟
أليس: الساعه ٩ يلا اصحي ورانا شغل
ريناد: مره بدري
ضحكت أليس عليها و كملت تجفف شعرها
ريناد: الساعه كم؟
أليس: ١٠ يلا قومي عندنا شغل
ريناد: مره بدري
ضحكت ونطقت: بدري اذا كنا فاضين
ريناد: والله ملكه مو زواج
ضحكت بعّلو صوتها ونطقت: قولي الكلام ذا لـ امي
ضحكت و قامت تاخذ شاور ، طلعت لابسه روبها
فتحت شنطتها تطلع ملابسها لفت على أليس اللي جالسه تشرب قهوه ، نطقت باستغراب: تشربينها قبل الفطور؟
رفعت انظارها لها ونطقت: اي
ريناد: شلون تشربينها قبل الاكل ؟
أليس: ما احب اشربها الا قبل الاكل
مشت تدخل غرفة التبديل ونطقت: طلبتني فطور؟
أليس: اي
طلعت بعد ما لبست وقالت: البنات صاحين
أليس: والله ما اعرف
اخذت جوالها من اتصل عليها يوسف ردت عليها: هلا
يوسف: محتاجه شيء؟
أليس: لا
يوسف: طيب شوي و اجي انا عشام اشرف على القاعه
أليس: لا ياعيوني ما يحتاج انا بنزل لهم
يوسف: كيف تنزلين و انتي عندك شغل و تجهيزات
أليس: يمديني
يوسف: تمام اذا احتجتي شيء كلميني ترا فاضي
أليس: ما عندك دوام ؟
يوسف: لا قلت لهم اخو العريس عيب اداوم و عطوني اجازه
ضحكت و نطقت: حلوه اخو العريس
ضحك و قال: صادق انا اخيرًا أستفدت من إبراهيم شيء
ضحكت بعّلو صوتها من سمعت شهقته و صوت الضربه اللي جاته ، نطق بغضب: حسبي الله مو يد ذي
رمقه بنظره و دخل لغرفته ، يوسف: تبين شيء؟
أليس: لا
قفل منها و قامت من دق الباب فتحته اخذت منهم الفطور
__
« العصر ، بيت بدر »
دخلت للغرفه شافت خواتها جالسين يسوون ميك اب نطقت: راكان وين مره تأخر
ورد: تونا بدري
رتيل: اخاف يسكرون لصلاة المغرب
أثير: لا اكيد بيجيبها قبل الصلاه
جلست تسوي شعرها و نطقت: اتمنى
ورد: روقي روقي شفيك مستعجلة
رتيل: مروقه انا بس اخاف يسحب علينا
ضحكت ورد ونطقت: لا ما راح يسحب عليك
__
« بيت خالد »
دخل غرفة هيام و انصدم من الفستان المرمية على السرير قرب منها و رفعت انظارها له ونطقت: جابك ربي
سلطان: وشو؟
هيام: ايش البس؟
سلطان: تسأليني انا!
هيام: يعني مين اي انت
سلطان: شعرفني انا البسي اللي تبينه
زفرة بملل ونطقت: شتبي انت ؟
ميّل شفايفه ونطق: اخذي ثوبي و غترتي من الغرفه و اكويهم
هيام: ما اعرف اكويهم
سلطان: مين اللي دايم يكوي؟
هيام: العاملة
سلطان: تمام خذيها انتي و عطيها العاملة تكويهم و رجعيهم انتي للغرفه
هزت راسها بفهم وطلع ، اخذت جوالها تتصل على ريم
لفت الكام على الفساتين ونطقت: محتاره ايش البس!
ريم: تبين تاخذين رأيي الحين؟
هيام: يعني ليش داقه؟
ضحكت و قالت: شوفي الابيض حلو
هيام: ايت ؟
ريم: اللي عند المخدة
هيام: تمام
قفلت منها و طلعت لغرفة سلطان
__
« بيت احمد »
دخل غرفة و رمى ملابسه دخل الحمام ياخذ شاور
طلع و لبس ، طلع ثوبه و شماغه و بشته نزلهم على الكنبة لف على دخول يوسف اللي نطق: ما راح تلبس هنا؟
إبراهيم: لا اخذت لي غرفه بنفس الفندق بجهز هناك احسن
يوسف: تمام انا بطلع الحين
إبراهيم: امي راحت؟
يوسف: اي من زمان
هز راسها بفهم وطلع يوسف و هو اخذ اغراضه و نزل و علق بشته و شماغه بالسياره
__
« الفندق »
تأففت بتوتر و ناظرت الارتست اللي تسوي الميك اب ناظرت ألين من المرئية و نطقت: ألين عطيني المويه
مدت لها المويه و نطقت من لاحظت رجفة يدها: شفيك ؟
إيلاف: ما اعرف مره متوتره
ساره: بسم الله من وشو؟
نطقت سديم بضحكة: ترا ملكه مو زواج لا تتوترين
جود: صادقه والله لا تتوترين و تخربين يومك روقي و بنجيب لك اكل عشان تاكلين
إيلاف: لا مو مشتهيه
ريناد: وشو مو مشتهيه من الصباح ما اكلتي شيء
ترا بتدوخين
جود: جيبي لها اكل بتاكل غصب عنها
ريناد: لو ما اكلتي بكلم فايزه ترا
ساره: بنزل اجيب لك
ريناد: لا لا خليك بنزل انا و بشوف أليس بعد
_
نزلت للقاعة شافتها واقفه تشرف على العمال
ريناد: الحين مو معاهم منسق ؟
أليس: اي
ريناد: طيب ليش واقفه عندهم هو يعرف يتصرف
أليس: ما اثق فيهم
ريناد: طيب كلمي احد يجي عندهم ترا الوقت راح
أليس: يمديني
ريناد: لا والله ما يمديك الساعه ٦ واحنا كلنا خلصنا
لفت لها ونطقت: إيلاف خلصت؟
ريناد: قربت تخلص كلمي يوسف يجي عندهم و انتي اطلعي جهزي
أليس: يوسف مو فاضي
ريناد: مطولين هم؟
أليس: لا نص ساعه و يخلصون
ريناد: انا بطلع فوق اذا خلصت إيلاف برسل لك تطلعين
هزت راسها و اخذت جوالها من دق ردت: هلا يوسف
يوسف: خلصوا؟
أليس: لا لسى
يوسف: تمام انا بجي عشان تجهزين
أليس: تمام
__
« بيت بدر »
دخل عليهم بالفساتين ونطقت رتيل: اخيرًا
راكان: معليش تأخرت بس زحمه موت
ورد: لا ما تأخرت
راكان: امي ما راح تروح معاكم
أثير: الا بس فوق تجهز
هز راسه بفهم و طلع لغرفته
__
« الفندق »
واقفه قدام المرئية تحط أخر لمساتها اخذت اسوارتها تلبسها ، مدت يدها لعطرها تحط منه بكثره ، تأملت نفسها بإعجاب من فستانها الأسود اللي طايح على جسمها لشعرها المرفوع لوجهها اللي مزينته بـ ميك اب ناعم يبرز حدّة وجهها وعينها
لفت على دخول سديم ونطقت: كيف شكلي؟
سديم: لك وجه تسألين بعد! خيال تحصني
ابتسمت لها و قالت: ننزل؟
سديم: يلا
__
« غرفة إبراهيم »
وقف وهو يسكر أزرار ثوبه الاخيره اخذ العود الثقيل
اللي يناسب يوم فرحته يحط بين عروق نبضه وخلف اذنه لف ياخذ غترته من الدولاب الموجود بالغرفة
لبسها اخذ عطره يتعطر منه ، لف من دخلت امه معاها البخور ابتسم لها قربت وهي تبخره بنفسها
طبع قبّله على راسها ، عضّ شفته من شاف دموعها
قرب وهي يمسحها بكفه ونطق: ليش الدموع!
نوره: دموع فرحه فيك يا امي انت
اتسع ثغرة من شاف ابوه دخل و اتجه ناحية الدولاب ياخذ البشت منه قرب وهو يرفعه فـوق كـتوفه لف عليه وهو يطبع قبّله على راسه
__
« بيت خالد »
دخل البيت باستعجال شاف امه و هيام ينتظرونه
قرب منهم ونطق: نص ساعه و انزل
هيا: احنا بنروح مع ابوك
هز راسه بفهم وطلع لـغرفته ، دخل و اتجه للحمام ياخذ شاور ، طلع اخذ ثوبه اللي معلق على الشماعة
لـبس ثوبه و اخذ شماغه يلبسه ، لف على جواله من دق اخذه ونطق: هلا
هيام: سلطان نسيت اسوارتي جيبها معاك
سلطان: وينها؟
هيام: شوفها في غرفتي بعلبه حمراء
سلطان: طيب
قفل منها و طلع لغرفتها شاف العلبه موجوده على الطاوله اخذها و طلع لـسيارته
__
« القاعة »
وقفت تتأمل القاعه اللي صارت مثل ما تبي
لفت من جاتها ألين تنطق: كلمي الصبابات يبدون
بـ الضيافة
أليس: ما تحسين ننتظر شوي باقي ناس ما جات
ألين: خلاص قولي لها ٩ تبدأ ترا خالتي نوره معصبة منهم
هزت راسها و اتجهت لهم و نطقت: مين فيكم المشرفه ؟
تقدمت وحده منهم و قالت: انا
أليس: الساعه ٩ تبدأ الضيافة نفس ما قلت لك قبل
و امشي على نفس الترتيب
المشرفه: ابشري
أليس: و ما ابي الضيافة توقف ابدًا انا طلبتكم عدد كبير عشان ما توقف الضيافه
طلعت من عندها اتجهت للاستقبال الموجود عند البوابة الخارجية ، وقفت تتأمل الترتيب ابتسمت من شافت نفس اللي تبيه قربت من المرئية الطويلة
تعدل شعرها
زفر بغضب من هيام اللي يتصل عليها و ما ترد
اتصل للمرة الرابعة و ردت نطق بغضب: بدري!
هيام: ما سمعته جيت؟
سلطان: اي واقف برا
هيام: تمام ادخل انا واقفه عند الباب الخارجي
سلطان: طيب
قفل منها و دخل تصنم مكانه من شافها واقفه قدامه بكل زينتها تأملها من فستانها الأسود اللي هو اختاره لها لعينها اللي جابته من اقصاه لـ ثغرها اللي مزينته باللون الاحمر هي جات كثيره عليه وعلى قلبه
_
عقدت حاجبها من شافت انعكاس ثوب بالمرئيه
لفت عليه و شهقت بخفه من كان واقف يتأملها
ركضت تدخل جوا وقفت وهي تحط يدها على قلبها اللي ينبض بقوه ، وقفت بثبات من شافت هيام جايه اتجاهها عضّت شفتها و مشت للبنات من اشرت لها
ألين قربت منهم و نطقت ألين: ذي أليس
قربت منهم و سلمت على البنات الموجودين
ونطقت ألين: ذي صاحبتي رتيل و خواتها ورد و أثير
ابتسمت أليس: اهلين شرفتونا
ابتسموا لها جلست و رفعت جوالها من جاها اتصال
ردت: اهلا
إيلاف: قولي للبنات وحده تطلع لي
أليس: ليش شصاير؟
إيلاف: بموت من الطفش
ضحكت و قالت: تمام بشوف لك سديم
لفت على سديم وقالت: تطلعين لـ إيلاف فوق؟
سديم: ليش شفيها؟
أليس: ما فيها شيء بس طفشت
سديم: تمام
__
« وقت الزفة »
عضّت شفتها بتوتر لفت من دخلت عليها ريناد
ريناد: الحين زفة الرجال عشر دقايق و تبدا زفتك
هزت راسها و مسكت يدها ريناد ونطقت: بسم الله شفيك ترجفين
إيلاف: متوتره مره
ريناد: ماله داعي تتوترين
زفرت بتوتر و جلست على الأريكة مسكت المرئية الصغيرة تعدل روجها وقفت تاخذ العطر تتعطر منه
_
اشتغلت أغنيه زفة الرجال و دخل معاه أبوه و أبوها
و سطّام دخلوا يمشون للكوشة ووقفوا عليها ، لفوا من تبدلت الاغنيه لزفة إيلاف تسكرات الأنوار و انفتحت البوابة ، طلعت قبلها المصوره اللي تصور زفتها ، ناظرها بتأمل مشى لها من وقفت قرب منها وهو يقبّل جبينها و مسك يدها تكمل معاه ، تكمل معاه باقي حياته تنور حياته بوجودها ، وقفوا من وصلوا الكوشة قربوا منها أبوها و خالها يباركون لها و يطلعون لفت على سطّام و حضنته ونطق: مبروك ياعيون سطّام
همست: يبارك فيك
طلع من القاعة و قربت نوره وهي معاها الدبل
مدت دبلتها لـ إبراهيم مسك يدها اليمين وهو يلبسها الخاتم و قبّل يدها اخذت خاتمه من يد نوره و لبسته الخاتم ابتسم لها لف على صوت أليس اللي قالت: خلاص انت اطلع
إبراهيم: ليش بدري؟
ضحكت ونطقت: وشو بدري ! الناس بتبارك لها
لف لها وهو يقبّل جبينها مره ثانيه و يطلع
ابتسمت من قربوا الحريم يباركون لها
لفت على ساره ونطقت: ابي اطلع فوق تعبت من فستاني
ساره: تمام اساسًا هم الحين بيروحون يتعشون
و تطلعين
تأففت بضيق من فستانها طلعت فوق اخذت
جوالها ترسل لـ سطّام انها بترجع البيت ، طلعت من الحمام بعد ما اخذت شاور و بدلت لبسها شافت البنات داخلين ونطقت ألين: بتروحين الحين؟
إيلاف: اي ميته تعب والله
سديم: ياروحي صدق
إيلاف: مطولين هنا انتو؟
ريناد: لا بعد العشاء بنطلع
تمددت أليس على الكنبه و نطقت: انا بنام هنا من كثر التعب مالي حيل اطلع للبيت
ألين: يوه انتي اكثر وحده تعبت شكلي ما راح اخلي
فهد يتزوج طلعت الشغله مُتعبه
ضحكت أليس و قالت: مره مُتعبه
سديم: بتنامين هنا لحالك؟
أليس: اي عشان انام بدون ما احد يزعجني
إيلاف: ما عندك دوام بكرا؟
أليس: لا
وقفت إيلاف ونطقت: يالله انا بطلع سطّام وصل
_
طلعت شافت إبراهيم هو اللي جاي عضّت شفتها بخجل ابتسم قرب منها ونطق: تطلبين سطّام وانا موجود ؟
صدت عنه و ضحك من خجلها فتح لها باب السياره
و ركبت ركب جنبها و نطق: تعشيتي؟
نطقت بهمس: لا
أتسع ثغرة وقال: حلو عشاك اليوم معاي
عقدت حاجبها من شافت الطريق هي تعرف الطريق ذا صدت من شافت اكثر مطعم تحبه
وقف عنده ونطق: يالله انزلي
دخلوا المطعم وهم شابكين أيديهم ببعض
جلسوا على طاولة بعيده عن الانظار اخذ الايباد من النادل يطلب لهم اكل مد له الايباد بعد ما خلص
مشى النادل و لف عليها يتأمل ابتسامتها ونطق بدون أدراك: ابتسامتك ذي جابت قلبي من اربع سنين
عقدت حاجبها ونطقت: كيف؟
ابتسم ينطق: قبل اربع سنوات و بالتحديد زواج ناصر لما طلعتي تكلمين سطّام شفتك وقتها ما كنت اعرف مين انتي لين ما شفت سطّام جاي لك من ذاك اليوم وانتي على البال كل يوم وكل دقيقه وكل ثانيه انتظرتك تتخرجين عشان أخطبك بس صارت أشياء خلتي انتظر اكثر بس اليوم انتي حلالي
ابتسمت وهي تمسك كفه تشد عليه ، ابتسم وهو يشوف اناملها الناعمة بكفه ايده ، دخل يده جوا جيب ثوبه وهو يطلع منه علبه نزلها على الطاوله
عقدت حاجبها باستغراب و فتح هو العلبه و طلع منها أسواره مسك اناملها بيده وهو يلبسها الاسوارة بنفسه و نطق: شفتها قبل كم يوم و حسيتها ما تليق الا على يدك
ابتسمت من حبه لها ، لفوا من جاء النادل معاه الاكل نزله على الطاوله و مشى
" بعد ساعه "
طلعوا من المطعم تحت رذاذ المطر ابتمست من اكتملت ليلتها بالمطر ركبوا بسرعه من زاد المطر
ابتسم من فرحتها بالمطر وقف عند بيتهم و نزل يكلم السواق يفتح البوابه رجع و ركب دخل جوا و نزل يفتح لها الباب نزلت وهي تاخذ شنطتها
قربت منه و طبعت قبّله على خده ونطقت: شكرًا على الليلة الحلوه
مشت تدخل جوا ، مسك خده بذهول من حركتها
ركب سيارته وهو مبتسم مشى متجه لـ بيتهم
__
« الفندق »
طلعت بعد ما اخذت شاور و لبست جلست على السرير تاخذ جوالها عضّت شفتها من شفت رساله
" تصدقين لاول مره احب اللون الأسود "
طلعت من الواتس وهي تقفل جوالها لجل تنام

مساء الخير ، لا تنسون النجمة و الكومنت⭐️🤍