"الصاله"
دخل عليهم ونطق: صباح الخير
الكل: صباح النور
قرب وهو يقبّل راس امه و ابوه
هيا: تعال يمه افطر
ابتسم لها و جلس
"بعد عشر دقايق"
وقف وهي يمسح يده ونطق: بالعافية عليكم
وطلع وقفت هيام وهي تمشي وراه وقف عند المرايه اللي عند البوابة وقفت معاها ونطقت: بتروح الدوام؟
ناظرها باستغراب ونطق: اي ليش؟
هيام: بتروح للدوام بذي الكشخة ؟
رفع حاجبه ونطقت: اذا رايح مكام قول لي عادي
سلطان: مكان وين؟
هيام بابتسامة: يعني مكان معين راح موعد شيء
ناظرها من فهم قصدها ونطق: بـنـت!
ابتسمت باستهبال ونطقت: امزح معاك شفيك
ناظرها وهز راسه بأسف وطلع
__
«بيت إبراهيم»
فيصل: متى ناويه تجين الشركة ؟
ريناد: جهزوا المكتب؟
فيصل: اي من زمان
ريناد: تمام ان شاءالله الاحد اداوم
فيصل: ياويلك تكنسلين!
هزت راسها بتمام وقف ونطق: انا طالع تبين شيء
ريناد: لا
سحبت جوالها وهي تتصل على إيلاف
ريناد: كيفك ؟
إيلاف: تمام كيفك انتي؟
ريناد: بخير الحمدلله كيفك اهلك
إيلاف: الحمدلله كلنا بخير
ريناد: اي يقولون صاير شيء عندكم؟
إيلاف: بسم الله وش صاير؟
ريناد: يقولون انك انخطبتي صدق!
عضّت شفتها ونطقت: اي صدق
ريناد: اي متى كنتي ناويه تقولين لي!
إيلاف: والله كنت بجمعكم كلكم و اقول لكم بس ما فيه وقت
ريناد: ليش ما فيه وقت؟
إيلاف: حددوا الملكه
ريناد: ماشاءالله متى؟
إيلاف: بعد عشر ايام تقريبًا
ريناد: حلو متى تبدين تجهزين؟
إيلاف: ان شاءالله من بكرا احس ما فيه وقت صح؟
ريناد: الا فيه ما عليك
__
«بيت احمد»
نزلت أليس وجلست مع امها ناظرتها باستغراب ونطقت: ما عندك دوام انتي؟
أليس: لا
نوره: اي اليوم الجمعة
أليس: يمه صار لي سنه اشتغل و كل جمعة تسألين عندك دوام لسى ما حفظتي ؟
نوره: لا والله انسى
ضحكت ونطقت: يوسف طلع لدوامه ؟
نوره: اي
__
«المركز»
سلطان يغضب: كيف يعني ؟
فهاد بتوتر: طال عمرك نفس ما قلت لك لما رحنا ما كان موجود
جسّار: متاكدين؟ فتشتوا زين؟
فهاد: اي حتى شفنا الاستراحات اللي قريبه من استراحتهم كلها ما فيه احد
سلطان: فخ؟
جسّار: اكيد
يوسف: يعني ارسل وهو موجود بالاستراحة وهو متاكد اننا بنحدد الموقع و بعدها غير مكانه
سلطان: كيف ما فهمنا خطته
فهيد: الغريب بالموضوع انه بعد ما ارسل شيء
سلطان: ارسلوا اثنين يراقبون المكان ممكن يرجعون
بأي لاحظه
__
«بيت راشد ، جناح ناصر»
جود: عندي موعد بكرا
ناصر: بنعرف وشو الجنس؟
جود: اكيد لاني دخلت الرابع
ناصر: لا تروحين مع السواق انا بوديك
جود: تمام بس لا تتأخر لان الموعد الساعه ١٠
هز راسه بتمام و طلع من الجناح
لفت من دخلت عليها ساره اللي نطقت: صباح الخير
جود: صباح النور
ساره: كيفك اليوم ؟
جود: الحمدلله اخف بكثير
ساره: الحمدلله ، طيب احنا بنطلع بتجين معانا؟
جود: وين؟
ساره: إيلاف بتجهز لملكتها
جود: تمام بس متى؟
ساره: شوي العصر
جود: طيب قبل ما تطلعين قولي لي
__
«بيت مشاري»
عبدالعزيز: انتي تستهبلين ؟
ترف: لا
عبدالعزيز: تبين تسوقين من جدك!
ترف: اي شفيك عادي شوف كل البنات يسوقون
عبدالعزيز: طيب خلاص اسجلك بدورة ونشوف
ترف: لا ما ابي دوره ابيك انت ولاسلمان يعلمني
عبدالعزيز: طيب الحين انا مو فاضي بعدين
ترف: متى بعدين ؟
عبدالعزيز: اذا خلصت شغلي ولا شوفي سلمان
ترف: سلمان وين؟
عبدالعزيز: اكيد بدوامه
ترف: وانت ليش ما رحت دوامك؟
عبدالعزيز: بروح بس مو الحين
__
«بيت بدر»
راكان: طيب متى تبون؟
رتيل: يمدي شوي الليل؟
راكان: لا طبعًا
ورد: طيب بكرا!
رتيل: لا بكرا ما يمدي تستهبلين
ورد: ليش؟
رتيل: متى نرجع و متى انام لا لا مستحيل اذا مو اليوم خلوه الجمعة او الخميس الجاي
أثير: خلاص اجل خلوها الخميس الجاي مره حلو
راكان: تمام بس مو يوم الخميس تأجلون ترا بسحب عليكم
رتيل: لا ما راح نسحب بس نبي نطلع من بدري
__
«المستشفى»
مشى متجه لمكتبها وقفته خلود اللي نطقت: تبي شيء؟
سلطان: لا ابي مكتب الدكتورة أليس
خلود: مو موجوده ما تقدر تدخل
تأفف ونطق: عندها علم اني بدخل مكتبها باخذ شغله وبطلع
خلود: تمام بس ماني مسؤله اذا صار شيء
مشى متجاهل كلامها دخل المكتب
دخل المكتب قرب من الطاوله ابتسم من شاف خاتمه موجود عقد حاجبه وهو لسى مبتسم من شاف ورقه قريبه من الخاتم مسكه وهو يقرا
" موافقة بس مو الحين " تلاشت ابتسامة سحب الورقه و الخاتم و طلع قرب من خلود ونطق بغضب: ممكن رقم الدكتوره؟
خلود: ما اقدر والله
سلطان بحده: عطيني الرقم عندي شغل معاها و احتاجه
عقدت حاجبها ونطقت: متاكد؟
سلطان: اي
خلود: تمام ثواني بس
سحبت ورقه و كتبت فيه الرقم و مدتها له اخذها و طلع من المستشفى ركب سيارته سجل رقمها و ارسل "ليش مو الحين؟" قفل جواله و مشى
__
«بيت راشد»
سديم: كيفك الحين؟
ألين: الحمدلله اخف من امس
سديم: بتطلعين معانا؟
ألين: مدري بشوف
سديم: ترا احتمال نشوف لبس لنا برضو
ألين: تمام
وقفت وطلعت من غرفة اختها نزلت تحت
وقفت مكانها من طلع من قسم الرجال وهو يضحك
تجمد من شافها واقفه قدامه بدون ولا غطاء عجز يشيل انظاره من عليها هو لاول مره يشوفها بدون عبايه صحى على نفسه من سمع صوت فهد
شهقت من استوعبت وطلعت لفوق وهي تركض
__
«بيت خالد»
دخل البيت بكل غضب ناظرته هيام ونطقت: بسم الله شفيك؟ توك قبل شوي طالع ما فيك شيء
تجاهلها وطلع لغرفته دخل وقفل الباب
تنهد بضيق هو فرح لما شاف الخاتم بس تلاشت فرحته ليش مو الحين ايش السبب اللي يمنع انها مو الايام ذي جلس على السرير اخذ جواله شافها قرت
__
«بيت احمد»
توترت من شافت منه رسالة هي عرفت انه هو
بدون ما يقول كانت بتكتب بس شافته دق عليها
ترددت بس بالاخير ردت عليها سمعت صوته: ليش مو الحين؟
سكتت ما ردت زاد غضبه منها نطق بحده: أليس ردي
أليس بتوتر: مضغوطه الفتره ذي ما اقدر
عقد حاجبه ونطق: مضغوطه بـ ايش؟
أليس: الشعل ملكة اخوي كل شيء جاء بوقت واحد ما اقدر انتظر بس شوي
سلطان: مو سبب ابدًا
أليس: شلون مو سبب ؟
سلطان: اي مو سبب خطبه بس
تنهدت بضيق ونطقت: بس وقت شوي ما تقدر تصبر؟
سلطان: أليس بعد ملكة اخوك بيومين انا جاي أخطبك شوفي قلت يومين عشان ترتاحين فيه
موافقة عليها ولا لا؟
توردت ملامحها من نطق بـ أخطبك سكتوا اثنينهم ما يسمعون الا اصوات انفاسهم بس
عضّت شفتها ونطقت بهمس: موافقة عليها
ابتسم بخفه صوتها امتص غضبه همس بصوت مسموع لها: الله يصبرنا
__
«بيت سعد»
«بيت سعد»
إيلاف: اليوم بنطلع انا و البنات بشوف الفستان
فايزه: حلو طيب و الباقي؟
إيلاف: حجزت الميك اب ارتست الباقي بشوفهم اليوم
فايزه: القاعه؟
إيلاف: خليتها على أليس اثق فيها
اخذت جوالها من دق شافت من الشغل وقفت و طلعت لغرفتها
__
«العصر ، المول»
إيلاف: شوفوا المحل ذا حلو بادخل اشوفه
مسكت فستان بيدها ونطقت: شوفي ذا حلو
إيلاف: امم حلو بس بشوف غيره
ريناد: تمام بقول لها ممكن نرجع ناخذه
ألين: شوفوا حلو اخذه؟
ناظروا الفستان اللي بيدها نطقت ساره: حلو
سديم: اخذيه ما راح تلقين احلى منه
أليس: انا بروح اشوف محل ثاني ما لقيت شيء حلو هنا
لفت ريناد على جود ونطقت: خذيتي الفستان اللي قبل شوي؟
جود: اي اخذته
ريناد: اشوا كنت بذبحك
ضحكت بخفه ولفت على إيلاف اللي ماسكه فستان ونطقت: مره حلو
إيلاف: صدق اعتمد؟
سديم: اي اعتمدي ما فيه احلى منه
_
«عند أليس»
احتارت بين فستانين طلعت جوالها من شنطتها
دخلت على اول رقم صورة الفستانين وارسلتهم
" سدوم احترت ايش اخذ؟ " قفلت جوالها وهي تتمشى بالمحل انتبهت على صوت الرسالة فتحت جوالها شهقت من شافت الشخص اللي ارسلت له الصور دخلت شافت رسالته " الاسود" عضّت شفتها
بخجل شلون ما انتبهت انها ارسلت له اخذت الفستان الاسود و دفعت و طلعت من المحل
اخذت الفستان و طلعت من المحل
دخلت عليهم بالمحل لفتها عليها سديم ونطقت: خذيتي فستان؟
أليس: اي
ريناد: ليش ما انتظرني لين نخلص و نشوفه
أليس: عجبني مره ما قدرت ما اخذه
ألين: ورينا طيب
ناظرتها ساره بذهول ونطقت: اكيد مو قصدك انها تفتح الكيس هنا!
ضحكت ألين ونطقت: فيه حل غيره؟
أليس: اذا رجعنا اوريكم
إيلاف: انا خذيت الفستان باقي بس اشياء بسيطه
__
«الصباح ، الجامعة»
رتيل: صباح الخير
رفعت راسه هيام وابتسمت: اهلين صباح النور
جلست رتيل ونطقت: كيفك ؟
هيام: تمام الحمدلله انتي؟
رتيل: بخير
لفوا على صوت ريم اللي نطقت: بنت جديده و ما نتعرف عليها !
ضحكت هيام ونطقت: توي تعرفت عليها
ريم: مرحبا انا ريم
رتيل: اهلين رتيل
جلست ريم ونطقت رتيل: سمعت انكم اكثر من بنتين هنا !
ريم: اي الباقي بيجون الحين
هيام: شوفي هذا هم جو
__
«المستشفى»
خلود: بس شفته طالع وهو يحط ورقه في جيبه
مسكت راسها من زن خلود عليها و قالت: خلود حبيبتي كم مره قلت لك ورقه نساها عندي لما جاء اخر مره !
خلود: توه يتذكرها ؟
ناظرتها بذهول ونطقت: يمكن توه يفقدها
خلود: بحاول اصدق
أليس: خلود انتي من متى تعرفيني؟
خلود: من أيام الجامعة
أليس: حلو فيه مره كذبت عليك؟
خلود: لا
أليس: خلاص يعني الحين بكذب!
خلود: تمام تمام طالعه انا
طلعت من المكتبه وتنفست أليس براحة
__
«الجامعة»
ألين: بعد كم يوم ملكة ولد عمي تعالي انتي و اهلك
رتيل: متى؟
ألين: بداية الشهر الجاي ان شاءالله
ترف: يعني بعد اسبوع تقريبًا
ألين: اي
رتيل: تمام بشوفهم و ارد لك
هيام: ذكرتوني اشوف لي فستان
ريم: اذا رحتي قولي لي عشان اروح معاك
ترف: نطلع نشوف اليوم؟
هيام: لا اليوم مشغولة بكرا ان شاءالله
__
«بيت احمد»
أليس: تمام البطاقات بتوصل شوي
نوره: باقي القاعه نشوفها بكرا؟
أليس: تمام ، باقي المطربة ؟
نوره: تمام ذي عليّ بس كلمي حقت الشوكلت اكدي عليها
أليس: تمام
وقفت تطلع لغرفتها دخلت غرفتها وجلست على سريرها ناظرت فستانها اللي معلق قدامه ابتسمت بخفه لف من دخل يوسف عليها: اهلين
يوسف: شرايك نطلع نتعشاء سوا؟
أليس: انا وانت؟
يوسف: اي من زمان ما طلعنا سوا
أليس: تمام
يوسف: يلا بانتظرك تحت
__
«بيت بدر»
رتيل: اي و عزمتنا على ملكة ولد عمها
أثير: صدق؟ متى طيب؟
رتيل: تقول بعد اسبوع تقريبًا
ورد: احس ما يمدي نلقى فساتين
أثير: الا الا يمدي نطلع بكرا او بعده
رتيل: اي يمدي ان شاءالله لازم نحضر ابي اتعرف عليهم
ورد: ان شاءالله بس كلمي امي اول
راكان: تكلمها بوشو؟
رتيل: نروح حفله عازمتنا عليها صاحبتي
راكان: ليش ترفض؟
ورد: ما قلنا ترفض بس الحفله بعد اسبوع
__
«سيارة يوسف»
يوسف: اي وين تبين ؟
أليس: مدري على ذوقك
يوسف: يعني مو مشتهيته شيء معين؟
أليس: لا
اخذ جواله من دق و رد عليه: هلا سلطان
توتر من نطق باسمه سمعته يقول: اهلي معاي لازم الحين؟ ، تمام جاي بس انتظرني برا
قفل منه ونزل الجوال لف عليها ونطق: بنروح المركز اول تمام؟
هزت راسها و لف متجه للمركز
__
«بيت إبراهيم»
كانت جالسه تقرأ كتابها بهدوء لفت على جوالها
من دق اخذته وهي تشوف المتصل سديم ردت: هلا سدوم
سديم: اهلين ، اسمعي تطلعين معاي بكرا ؟ ما لقيت فستان و أليس عندها دوام و بعده شغل مع امها
ريناد: خلاص نطلع العصر بحاول اطلع بدري من الشركه
ضحكت سديم ونطقت: توك اول يوم و تبين تطلعين بدري ايش بقيتي للأيام الجايه!
ريناد: معليش والله ما راح اجلس بالشركة لين بعد الظهر بكرا بكلم اخواني واكيد ما راح يرفضون!
سديم: اكيد تعرفين انهم ما يحبون يضغطون عليك
بس حرام عليك لا تستغلينهم
__
«المركز»
كان واقف ينتظر يوسف برا وهو ماسك ملف بيده
رفع راسه من حس بنور السياره وقف يوسف وطفت انوار السياره ابتسم من شافها معاه نزل يوسف له
سلطان: اعذرنا يابو احمد جبناك و اهلك معاك بس
ضروري
ابتسم يوسف وهز راسه مدّ سلطان الملف و نطق: ذا ملف قضية عماد راح تمسكه انت
عقد حاجبه ونطق: فهيد قال انت اللي بتمسك القضية ايش صار؟
سلطان: انا عندي قضية الثاني عناد ، فيه ملف ثاني
بس نسيت اجيبه هو داخل بالمكتب بشوف احد يجيبه لك
يوسف: لا لا انا بروح اجيبه
داخل يوسف وهو لف عليها شافها مبتسمة
ابتسم من ابتسامتها ميلت راسها و استع مبسمها من دق لها تحيه ، تنهد من خطفة قلبه من حركتها
طلع يوسف وهو شتت نظره عنها ولف يناظر يوسف
اللي نطق: خذيت الملف بشوفه بس ما ابي أي شخص يتدخل فيها معاي!
ناظره سلطان ونطق: ليش؟
يوسف: لاني ابي كذا
سلطان: خلاص ابشر ما احد بدخل معاك فيها
-
ركب السياره ونطق: تأخرت عليك؟
أليس: لا
يوسف: قررتي وين نروح؟
أليس: قلت لك أي شيء عادي
يوسف: فيه مطعم مره حلو بس ما فيه الا بيتزا تبين؟
أليس: اكيد
__
«بيت راشد»
ألين: طيب ايش بتسوين؟
سديم: بكرا بنطلع انا و ريناد ان شاءالله
ألين: نفس اللي رحنا له امس؟
سديم: لا طبعًا
ألين: يمكن اروح معاكم ابي كعب يناسب فستاني
سديم: تمام حتى إيلاف يمكن تروح معانا تكمل الأشياء اللي ناقصتها
__
«المطعم»
نطقت وهي تضحك: تستهبل صح؟
يوسف: لا والله
أليس: طيب كيف ردة فعله؟
يوسف بضحكة: وجهه حمر
أليس: حرام عليك لا تضحك بكرا يصير لك نفس الموقف
ناظرها بذهول ونطق: طيب واللي يضحك قبل شوي مين؟
أليس: ضحكت منك انت مو من الموقف
يوسف: بزر انا عشان اصدق؟
ضحكت بخفه ونطقت: لا مو بزر بس جد ما ضحكت بسبب الموقف
ضحك يوسف ووقفت هي تغسل يدها ، غسلت يدها ورجعت جلست تشوف جوالها رفعت راسها على صوت يوسف اللي نطق:نمشي ؟
هزت راسها ووقفت تاخد شنطتها ، هو راح يدفع
وطلع معاها
__
«بيت خالد
دخل البيت شاف هيام جالسه بالحديقة قرب منها ونطق: ليش جالسه هنا برد
هيام: طفشت من غرفتي و قلت لهم يشغلون لي النار
سلطان: ليش ما شغلوها طيب؟
هيام: قالوا لي ادخل عشان يجون بس تكاسلت
لفت عليه من جلس بعد ما شغل النار ونطق: كيف الجامعة معاك؟
هيام: تمام
سلطان: فيه احد يضايقك شيء؟
هيام: لا ليش؟
سلطان: بس اسأل
تنهدت بضيق من فهمت قصده ، هي تعرف انه مستحيل يوصلون لها بالجامعة بس هو مو مقتنع
وقف ونطق: تصبحين على خير
_
دخل غرفته قفل الباب ، بدل ملابسه قرب من السرير وهو يرمى نفسه عليه اخذ جواله وهو يشوف رقمها ، تنهد من تذكر ابتسامتها دخل عليها و كتب
" ما ودك نقدمها؟ " ، نزل جوالها وهو ياخذ المويه اللي عنده يشرب منها لف من سمع صوت رسالة
اخذ جوالها وهو يقرأ " أيش هي؟ " طلع من المحادثة وهو يتصل عليها نطق من ردت عليه: يعني فوق ما انتي ما اجلتها ناسيه بعد!
ابتسمت من فهمت قصده نطقت بهمس: قلت لك مو وقتها
تنهد من سمع صوتها ونطق: ليش مو وقتها؟
أليس: قلت لك مضغوطه الفتره ذي !
سلطان:
مساء الخير ، لا تنسون النجمة و الكومنت⭐️🤍
