အခန်းထဲမှာ ရှေ့လျှောက်လိုက် နောက်လျှောက်လိုက်ဖြစ်နေတဲ့ နေးက လက်ထဲမှာ ဖုန်းလေးကို ကိုင်ထားရင်း အတွေးများနေသည်။ အချိန်အားဖြင့် ညနေစောင်းနေပြီဖြစ်သည်။ ကျောင်းပိတ်ရက်ဖြစ်ပြီး ဆေးရုံလည်းမသွားရတဲ့ နေးက အိမ်မှာသာနေဖြစ်သည်။ ကိုကိုကတော့ အလုပ်ကနေ ပြန်မလာသေးတာကြောင့် အခန်းထဲမှာ နေးတစ်ယောက်တည်းသာရှိသည်။
" အာ မသိတော့ဘူးကွာ "
စဉ်းစားဆုံးဖြတ်ပြီးတာနဲ့ အခန်းထောင့်က နေးရဲ့ စာကြည့်စားပွဲလေးဆီကို လျှောက်သွားလိုက်သည်။ စားပွဲပေါ်မှာ အတင်သင့်ရှိနေတဲ့ လက်တော့ပ်ကို ဖွင့်လိုက်ရင်း အွန်လိုင်းပြနေတဲ့ ကိုကိုရှားမြတ်ဆီကို ဖုန်းခေါ်လိုက်သည်။
" ဟေး နေးနေး ... ဒီနေ့ ဆေးရုံမသွားရဘူးလား "
တစ်ဖက်က နေးရဲ့ ခေါ်ဆိုမှုကို လက်ခံသည်နှင့် ကိုကိုရှားမြတ်ရဲ့ အသံချိုချိုလေးကို ဦးဆုံးကြားလိုက်ရပြီး ခပ်ပြုံးပြုံးမျက်နှာလေးက စခရင်မှာပေါ်လာသည်။ ဘယ်အချိန်နေနေ ကိုကိုရှားမြတ်က နေးအတွက် တိုင်ပင်ဖော်ကိုကိုဖြစ်တာကြောင့် အသံလိုက်ရရုံနဲ့ နွေးထွေးသွားစေတာကြောင့် နေး ပြုံးလိုက်မိသည်။
" နေကောင်းလား ကိုကိုရှားမြတ် ... ကိုကိုရှန်ခိုက်ရော . နေးက သတိရနေတာ ... ကိုကိုရှားမြတ်ရော ဆေးရုံမသွားရဘူးလားဟင် "
" အို့ နေကောင်းပါတယ်နော် ... ဒီနေ့က အစ်ကို့နားရက်လေ ... နေးနေးက အစ်ကိုတို့ကို မေ့နေပြီလို့ထင်တာ "
" ဟွန့်.. နေးနေးက ကိုကိုရှားမြတ် အလုပ်များနေမှာစိုးလို့ပါနော် "
ကိုကိုရှားမြတ်ရဲ့ ခပ်ပြုံးပြုံးမျက်နှာလေးကြောင့် နေးကို စနောက်နေမှန်းလည်းသိသည်။
" ဟုတ်ပါပြီဗျာ... အစ်ကို့ကို ဗွီဒီယိုကောလ်ခေါ်တယ်ဆိုတော့ ကိစ္စရှိလို့လား နေးနေး "
" ဟိုလေ ကိုကိုရှားမြတ် ... "
ဆက်ပြောမယ့် နေးရဲ့စကားက ပါးစပ်ဖျားမှာတင် ရပ်တန့်သွားသည်။ တစ်ဖက်က နေးရဲ့ အရိပ်အကဲကို ဖမ်းမိသွားပုံရတဲ့ ကိုကိုရှားမြတ်ကလည်း နေးကို စူးစမ်းသလိုကြည့်လာသည်။
YOU ARE READING
My Beautiful SPOUSE
General Fictionဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••
