" ကျန်းမာရေးဂရုစိုက်ရမယ်နော် နေးနေး ... လေးလေးတို့ကို နေ့တိုင်း ဗွီဒီယိုကောလ်ခေါ်ရမယ်နော် ဟုတ်ပြီလား "
" ဟိတ်... ပြန်ဖြေလိုက်ဦးလေ နေးလကျာ် ရဲ့ ... "
ဦးနော်စကားကို ပြန်မဖြေပဲ ခေါင်းငုံ့ပြီး နှုတ်ခမ်းကိုဖိကိုက်ကာငြိမ်နေတဲ့ နေးကို လျှန့်ပခုံးနဲ့ အသာအယာတိုက်ရင်း သတိပေးလိုက်သည်။ လျှန်ပြောကာမှ ခေါင်းလေးမော့လာတဲ့ နေးက လျှန့်ကို ဆူပုပ်ပုပ်မျက်နှာလေးနဲ့ ကြည့်ပြီးမှ ဦးနော်ဘက်ကို လှည့်သွားသည်။
နေးလက်ျာကျန်းမာရေးကြောင့် လျှန် ဒယ်ဒီနဲ့တိုင်ပင်ပြီး ခရီးကိုခပ်မြန်မြန်ပဲစီစဥ်ဖြစ်သွားသည်။ ဒယ်ဒီနဲ့အတူနေဖို့ပြန်လာခဲ့ပေမယ့် အကြောင်းတွေရှိလာတော့ ထပ်ပြီးခွဲခွာရပြန်သည်။ လျှန်တွေးနေမှာကိုသိတဲ့ဒယ်ဒီကတော့ လျှန့်ကိုတွေဝေမနေဖို့ပြောပြီး မတော်ရသေးတဲ့သမက်ကလေး အထူးဂရုစိုက်ဖို့သာမှာတမ်းခြွေလိုက်သည်။
" လေးလေးတို့လည်း လိုက်ခဲ့ပါဆိုတာကို . အခုတော့ နေးနေးတစ်ယောက်တည်း "
" နေးတစ်ယောက်တည်း မဟုတ်ပါဘူးကွာ... ကိုယ်လည်းပါတယ်လေ "
" ဟွန့် "
လျှန် စကားဖြတ်ပြောလိုက်တော့ မျက်စောင်းလေးထိုးလာတဲ့ နေးကြောင့် လျှန့်ရင်ထဲ ဒုတ်ခနဲတစ်ချက်ဖြစ်သွားသည်။ ဦးထုပ်အနီကလေးဆောင်းထားတဲ့ စတော်ဘယ်ရီသီးလေးက ချိုမွှေးလွန်းပါဘိ။ ဦးနော်ကတော့ လျှန်တို့နှစ်ယောက်ကိုကြည့်ပြီး ရယ်သည်။
" လေးလေးက လိုက်လို့မရလို့ပေါ့ နေးနေးရယ် ... ပြီးတော့ ခဏပဲလေ... နောက်ပြီးရင် ဂရင်းလိုက်ခဲ့မှာပဲကို "
" အဲ့လိုလိုက်လာမယ်ပြောတဲ့ ဂရင်းက အခုတောင်မှ နေးနေးလေဆိပ်ကို လိုက်မပို့ဘူးမလား "
" အော် ကဲ ... ဒီကလေးနှယ်နော် "
နော်ရန်ဇ တူဖြစ်သူရဲ့ ဆံပင်လေးတွေကို အသည်းယားစွာ ချစ်စနိုးနဲ့ ဆွဲဖွပစ်လိုက်သည်။ ဒီတူလေးနဲ့ ခွဲရတော့မှာမလို့ စိတ်မကောင်းဖြစ်နေပေမယ့် ဆုံးဖြတ်သမျှက တူငယ်လေး ကောင်းဖို့အတွက်သာမလို့ သူ့အတွက် ဖြေသာပါသည်။
YOU ARE READING
My Beautiful SPOUSE
General Fictionဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••