في الديوان
دخل عمر فوجد علي شاردا بوجوم فقال :- خلاص يا خال كده نص المحصول خلص وفيه ناس مكلماني كمان علي شحنات جديدة
لم يرد علي فقال عمر :- خاااال ....مالك
نظر له علي ، لا يعلم ماذا يخبره هل كبر عمر لدرجة تسمح له ان يفضفض له ، تنهد علي وقال :- مفيش ...
عمر :- ايه رايك ننزل نتمشي شوي
علي :- لا ....كنت بتقول ايه من شوية ....
عمر :- ماشي ...هقول تاني .....
في المساء
عاد علي لشقته ، رائحة الطعام تداعب انفه ، وراىحة البيت الدافئ تهدء قلبه ، حين راته عهد نظرت لهيىته المتعبة ثم قالت بهدوء :- الاكل غلي السفرة ....
ذهب علي دون ان ينطق وبدل ملابسه وخرج فوجدها تشاهد التلفاز ، جلس علي الطاولة ثم قال :- مش هتاكلي ؟
عهد :- سبقتك ....
وضع معلقته وقال :- مش ناقصاكي يا عهد انتي التانية ، انا جاي هنا عشان ابعد عن الهم
قالت دون ان تلتفت له :- تبعد عن الهم ....تبعد عنه يوم ولا اتنين وهترجع له تاني ايه لازمتها بقي
وضع راسه بين كفيه ، شعرت بالشفقة عليه ولكنها تعلم انه لا يختلف عنهم فهم عائلته في النهاية ، ظلت تشاهد التلفاز دون اهتمام اما هو فترك الطعام وذهب للشرفة ....راته وهو يذهب وسمعت صوت ولاعته تبعها سحاب الدخان لم تهتم ...فقط ظلت تتابع التلفاز بهدوء دون اكتراث ....
في المشفي
فتحت منال عيناها بألم وهي تشعر بعظامها المنسحقة ووجهها الملى بالكدمات اغلقت عيناها مرة اخري بغضب وغل من هذا الظالم الذي يستمر في كسرها امام نساء القصر تارة عهد والان الخادمة صابحة ....اتت نجوي وقالت :- قومب يا بنتي قومي شدي حيلك وليكي عليا هرقدهولك رقدتك دي ....
نزلت دموعها بصمت وهي تتوعد له فمن الان انتهت حكايتهم للابد ....بالنسبة لها
في الصباح
استيقظت عهد مبكرا لتستمتع بالهدوء والخصوصية في الشقة بمفردها لعيدا عنهم ولكن يبدو انه أراد ان يضايقها ، حيث دخل لها الشرفة حيث تشرب قهوتها وقال بهدوء :- يلا عشان هنرجع
التفتت له باستغراب :- جينا في ايه وهنرجع في ايه
تركها ودخل فذهبت خلفه لغرفة النوم حيث يلملم اغراضهم وقالت :- ممكن تفهمني جينا هنا ليه لما هنرجع بسرعة كده
علي :- انا مش عاوز كلام كتير ...قولت يلا ...يعني يلا
عهد :- وان قولت لأ ....
ضيق عيناه فتابعت :- جيبتنا ليه من الاول يا علي ، فاكر انك هتهرب من اللي حصل ...اللي حصل ده انت جزء منه ومشارك فيه ، تقدر تقولي مروحتش مستشفي ليه ؟ ..عشان ميبلغوش الشرطة ومنال تتعاقب مش كده ....انت مشارك في الجريمة دي زيها بالظبط ..والطفل ده دمه في رقبتك يا علي انت كمان ....بكرة لما تعمل حاجة تاني ابقي داري عليها واي حد يغلط فيهم داري عليه وحافظ علي العيلة كويس اوي وخدهم في حضنك ....بس في الاخر هتلاقي انك حاضن ناس شريرة وهتتأذي منهم
YOU ARE READING
عهد ( ميراث الدم )
Romanceالرجال يخلقو مرة واحدة اما النساء فيعاد خلقهم مائة مرة ، في كل مرة تقع في يد رجل يشكلها حسب ما يريدها حتي لا تعرف الواحدة منهن نفسها الا من خلاله اما هي فكانت من طين عاصي كلما شعر انه شكلها بيديه ،تمردت وعادت لخلقها الاول ، جميلة وعفوية وتشرق الشم...
الفصل الثالث والعشرون
Start from the beginning
