『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 47 (I'm back y'all)

နောက်ထပ် အများကြီးရှိနိုင်သေးတယ်!

အဓိကအချက်က... သူ အခုဒီအခြေအနေကိုဘယ်လိုကိုင်တွယ်ရမလဲဆိုတာကိုပဲ?

ချိယွီလဲတွေးမတတ်တော့တာကြောင့် ဖုန်းကိုဖွင့်ကာ စတင်ရှာဖွေလိုက်တယ်။

သူလက်ရှိရောက်နေတဲ့ ကမ္ဘာနဲ့ မူလကမ္ဘာမှာသိပ်ကွဲပြားလှသည်တော့မဟုတ်။ ABOလိင်ကွဲပြားမှုမှလွဲ၍ အားလုံးမူလကမ္ဘာနှင့်ဆင်တူသာဖြစ်သည်။ ထို့အတူ မော်ဒန်ကမ္ဘာဖြစ်သည့်အလျောက် သရဲတွေ ၊ monsterတွေ demonတွေနဲ့ heroတွေဆိုကလဲ ရုပ်ရှင်ကားတွေထဲမှာသာတည်ရှိပြီး လက်တွေ့ဘဝတွင်မရှိပေ။

ထို့ကြောင့် ရှောင်ကျိုးလေးရဲ့အခြေအနေဟာ အလွန်ကိုထူးခြားပြီး တခြားသူများသိသွားစေလို့မဖြစ်ပေ။

ထိုသို့သော သဘာဝလွန်ဖြစ်ရပ်ဟာ သူ့ကလေးစီမှာလာဖြစ်နေတာကြောင့်ဖြစ်မည် ၊ ချိယွီမှာ ကြောက်ရွံ့သွားသည်ထက် ရှောင်ကျိုးလေးအား စိုးရိမ်ကာ ပူပန်လာမိသည်။

ချိယွီက ကိုယ်ကိုကိုင်းလိုက်ကာ ရှောင်ကျိုးလေးကိုပွေ့ချီလို့ ကျောလေးအားညှင်သာစွာ‌ပွတ်သပ်ပေးလိုက်သည်။
"ကလေးလေး ၊ အမြှီးလေးပြန်သိမ်းလိုက်ပါအုံး
ပြန်သိမ်းလို့ရလား? ဟမ်?"

ကလေးပေါက်စလေးမှာ မျက်မှောင်ကြုံ့လို့ မပျော်မရွှင်ညီးညူကာ တစ်ဖက်သို့လှည့်လို့တစ်ဖန်အိပ်ပျော်သွားခဲ့ပြန်သည်။

ချိယွီက စိုးရိမ်ပူပန်နေပေမယ့် ရှောင်ကျိုးလေးဟာ ငယ်သေးတာကြောင့် သူ့ခံစားချက်ကိုရိုးရှင်စွာပဲနားမလည်ပေ။ထို့ကြောင့် သူကထိုအကြောင်းတွေးကြည့်ပြီး အိတ်ထဲကနေဒိုင်ဗာအသစ်တစ်ခုယူကာ ကလေးလေးကိုဝတ်ပေးရင်း အမြှီးလေးကိုလဲဒိုက်ဗာထဲထည့်ပြီး ဘောင်းဘီထပ်ဝတ်ပေးလိုက်တယ်။အစမှာ နဲနဲတော့ဖောင်းနေပေမယ့် ကလေးလေးသာသူ့လက်ထဲမှာဆိုရင် သာမန်လူတွေသတိမပြုနိုင်တော့ပေ။

ပြဿနာကိုဖြေရှင်းပြီးနောက် စိတ်သက်သာရာရသွားခဲ့ပေမယ့် ရှောင်ကျိူးလေးက သက်သောင့်သက်သာမဖြစ်စွာ နိုးထလာခဲ့တယ်။

ကလေးက သူ့ရဲ့လက်ပုတိုလေးများကိုဆန့်ထုတ်လို့ သူ့နောက်ကျောကိုထိဖို့ကြိုးပမ်းလို့နေတယ်။သူ့အမြှီးလေးကို အဝတ်တွေနဲ့ရစ်ပတ်ထားသလိုဖြစ်နမှတော့ ဘယ်လိုလုပ်သက်သောင့်သက်သာဖြစ်မလဲလေ? သို့သော် သူ့မှာလက်ပုတိုလေးတွေပဲပိုင်ဆိုင်ထားတာကြောင့် သူနောက်ကျောကိုလှမ်းမထိနိုင်ဖြစ်ကာ စတင်ငိုကြွေးတော့တယ်။