🍁قيد العراقي 🍁 (طور التنزيل )

part29

الحاج موسى ( بفخر ) : صدق رسول الله...الحمد لله لهلا يحشمنا و الله يلاقينا مع لي حسن منا ...

العراقي : امين.... كنشوف اهم صفة لازم تكون فالزوجة الاخلاق و حسن التربية ،  و ان شاء الله يكمل الله فهاد الزيجة و تكون بداية خير عليهم و الله يجمع بين اولادنا و يبارك لهما هاد الزواج ...
نطق الكل بامين ..و طال الحوار على الزواج و الاسس ديالو و قال الله و قال الرسول ...يسكت هو يدوي الحاج موسى والنساء ساكتين...! حتى تحط الاكل و الخدم غادين جايين و النساء جالسات بحال الملكات....حتى كلاو وسالاو و ناض الحاج موسى مع عبد الهادي تيوريه تيهدرو  و تيوريه تفاصيل الرياض بفخر...
_ فهاد البيت تزادت الحاجة نجمة و نفسو تزادت فيه  مريام فاول ليلة فرمضان كلشي على غفلة تزادت فعشر دقايق هههههه كانت ليلة مباركة دخلات علينا بالخير و البركة...

شاف عبد الهادي فين نعت ليه و نطق بهدوء...
_ اللهم بارك....

الحاج ( فرحان ماقاداه فرحة  ) اللهم امين...بين هاد الخصة تعلمات للملحون كانت تتعشق تسمعو من صوت الحاجة و ولينا نعشقوه من صوتها....

بقى تيدور و يدور و يعاود ليه و هدرة جوج مريام تيعاود ليه عليها وهو تيشوف و يتصنت باهتمام...حتى دخلو لواحد الجناح اخر بلدي و قال
_ تفضل اسي عبد الهادي ...غنجيب مريام حتى نهدرو بخاطرنا هنا....و غنبلغك حداها بالشروط ديالها لي علماتني بيهم قبل و  تسمعهم بوذنيك ...

عبد الهادي ( بجدية ) مرحبا الحاج...ان شاء الله خير....

الحاج : ان شاء الله يارب ...

خرج الحاج فرحان و المنديل فيديه تيمسح بيه وجهو كل شوية...تلاقا مع فاتي دايزة و قفها...
_ كلمي ليا مريام تجي لعندي لهنا...

قشعات فاتي عبد الهادي من الفتحة واقف تيشوف فواحد الطابلو معلق فالحيط قديم عاطيهم بالظهر....عرفات   غتجمع مع عبد الهادي....مشات تتبسم غمزات سلوى تنغز مريام  لي كانت تتهدر مع حنين و تضحك معاها...حسات بنغزة سلوى حداها سولاتها شنو نعتات ليها لفاتي ...ناضت مستئذنة و خرجات لعندها ...
_ مالكي ؟

فاتي ( بحماس ) نوضي سي عبد الهادي كيستناك...

مريام ( رمشات باهتزاز  ) فين ؟

فاتي : فالصالة  القديمة معاكم الحاج ماتخافيش هههههه...

ظهرت الراحة على وجه مريام ، تحركات ناحية الصالة تتحاول تحافظ على اتزانها ..وقفات حدى الباب و حطات يديها الباردين على حناكها السخان تتبردهم ..زعمات و دخلات بخطوات رزينة  صوت الطالون سبق صوتها فاش رمات السلام...شي لي خلى عبد الهادي يرد ليها البال  واول ماحط عليه العين هو صبيعات رجليها فديك السندال ناطق ببحة ...
_و عليكم السلام ...

شاف فيها الحاج مبسم...
_ تفضلي ابنتي اجي جلسي حدايا...

تقدمات و جلسات جنب الحاج ميلة رجليها للجنب و حواف الكسيوة  مايلة فوق سيقانها ساتراهم ، جلسة انثوية بحركات ناعمة و الحياء من اجمل صفاتها و على ملامحو هو الجد و الرزانة و الخشونة  كانو النقيض ديال بعضهم ... نطق الحاج بجدية...