သိုင်းနတ်ဘုရားအသူရာ(ချူဖုန်း) အတွဲ(၂)သိုင္းနတ္ဘုရားအသူရာ(ခ်ဴဖုန္း) အတြဲ(၂)

1831--------1840

အခန်း(၁၈၃၁) ကြောက်လန့်ဖွယ်ကောင်းသော ချာတိတ်

''ရွှယ်ရန်၊ မင်း ဘာပြောလိုက်တယ် … မင်း အခု ပြောတာကို ပြန်ပြောပြစမ်းပါ''
စစ်ပွဲအုပ်စု၏ အကြီးအကဲတစ်ဦးက မယုံနိုင်သော အမူအရာတစ်ခုကို လှစ်ဟလာသည်။

''အကြီးအကဲသခင်၊ ချူဖုန်းက နဂါးဘုရင်သခင်ရဲ့ အမွေကို သိမ်းပိုက်ပြီး မင်းသမီးထင်းယွီနဲ့ စီနီယာတွေကိုပါ သတ်ခဲ့ပါတယ် … စီနီယာတွေက ကျုပ်ကို အသက်နဲ့လဲပြီး ကာကွယ်ခဲ့ကြလို့သာ ကျုပ် အသက်ရှင်လျက် လွတ်မြောက်နိုင်ခဲ့တာပါ''
ယောင်ကျောက်ရွှယ်ရန်က ပြောလိုက်သည်။

''မင်းက ဘယ်လို အဓိပ္ပာယ်မရှိတာတွေ ပြောနေတာလဲ … ချူဖုန်းက အဆင့်ခုနစ် သိုင်းဧကရာဇ်ငယ် တစ်ယောက်ပဲ … သူက သူတို့ကို ဘယ်လို သတ်နိုင်မှာလဲ''
အခြားသူများ မဆိုထားနှင့်၊ စစ်ပွဲအုပ်စုမှ အကြီးအကဲနှစ်ဦးပင် ယောင်ကျောက်ရွှယ်ရန်ကို မယုံကြည်ကြပေ။ တကယ်တမ်းတွင်လည်း အဆင့်တစ် သိုင်းဧကရာဇ် သုံးဦးအပြင် အဆင့်နှစ် သိုင်းဧကရာဇ် တစ်ဦးလည်း သူတို့နှင့်အတူ လိုက်ပါသွားခဲ့သည် မဟုတ်ပါလော။

''အကြီးအကဲသခင်၊ ကျုပ် မညာတာ အမှန်ပါ … ချူဖုန်းက သူ့ရဲ့ ကျင့်ကြံမှုကို ဖုံးကွယ်ထားခဲ့တယ် … သူ့ရဲ့ အစစ်အမှန် ကျင့်ကြံမှုက သိုင်းဧကရာဇ်ငယ် အဆင့်ရှစ်ပါ … ဒါ့အပြင် သူက သူ့ရဲ့ ကျင့်ကြံမှုကို လျှပ်စီးချပ်ဝတ်တစ်ခုနဲ့ လျှပ်စီးတောင်ပံ တစ်စုံနဲ့အတူ နှစ်ဆင့်လုံးလုံး မြင့်မားစေနိုင်တဲ့ အစွမ်းတစ်မျိုးကို ကျင့်ကြံထားတယ်''

''သူ့ရဲ့ ကျင့်ကြံမှု နှစ်ဆင့်မြင့်သွားတဲ့နောက်မှာ သူက အဆင့်တစ် သိုင်းဧကရာဇ်တစ်ယောက် ဖြစ်လာခဲ့တယ် … ဒါ့အပြင် သူက အရမ်း ယုတ်မာတဲ့ နည်းလမ်းတစ်ခုကို သုံးပြီး နဂါးဘုရင်သခင်ရဲ့ ဂူသချိုင်းထဲက ယန္တရားတွေကို နိုးကြားစေခဲ့တယ် … ဒါကြောင့် စီနီယာတွေတောင် သူ့ကို မယှဉ်နိုင်ခဲ့ကြဘူး''
ယောင်ကျောက်ရွှယ်ရန်က ပြောလိုက်သည်။

''အဲဒီ လူယုတ်မာ''
ထိုစကားများကို ကြားလျှင် မျက်မှောက်ရှိနေသည့် နဂါးဘုရင် သားရဲဘီလူးအားလုံး၏ အမူအရာများ ပြောင်းလဲသွားကြသည်။ ထို့နောက် သူတို့က မယှဉ်သာအောင် ဒေါသထွက်နေသော အကြည့်များကို ပိုင်လိရွှမ်းခုံးနှင့် ဟုန်းချန်တို့ထံ ရွှေ့ပြောင်းလာကြသည်။