ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)

အခန်း-၁၁၀ အဆုံးသတ်တိုက်ပွဲ။

အဲ့လော့ကျွယ်၏ အကြည့်သည် မီးခိုးရောင် ၀တ်ထားသော အမျိုးသား၏ သွေးများ ဖုံးလွှမ်းနေသော အလောင်းပေါ်သို့ ကျရောက်သွားပြီး ရုတ်တရက် ရယ်မောလိုက်သည်။

"အဲ့လော့ယင်... ငါကိုယ်တော်ရဲ့ ချစ်လှစွာသော တူလေး" သူသည် ကုဖေးတိ၏ ထိုးနှက်ချက်ကို ခုခံလိုက်ပြီး မျက်ခုံးပင့်ကာ မေးလိုက်သည်။

"ကြည့်ပါအုံး။ မင်းရဲ့ ကျောက်စိမ်းအိမ်တော်က အတန်းဖော်က ငါ့ကိုသတ်ပြီး အာဏာသိမ်းဖို့ ကြိုးစားခဲ့တယ်... ဒါပေမယ့် အချည်းနှီးပဲ"

ကုဖေးတိ၏ လည်ချောင်း အနည်းငယ် တုန်ယင်လာသည်။ သူ အနည်းငယ် ထိတ်လန့်သွားသည်မှာ ထင်ရှားပေ၏။

သို့သော် လက်ရှိအခြေအနေအရ လော့ယင်ကို ဂရုမစိုက်နိုင်ပေ။ စုယန်၏အသက်သည် ချည်မျှင်ဖြင့် ချည်နှောင်ထားသကဲ့သို့ အလွန်အရေးကြီးသော အခြေအနေတွင် ရှိနေသည်။ သူသည် အဲ့လော့ကျွယ်နှင့် တိုက်ပွဲတွင်သာ အာရုံစိုက်ပြီး စုယန်ကို တတ်နိုင်သမျှ အမြန်ဆုံး ပြန်ခေါ်နိုင်မှရမည်။

တဖြည်းဖြည်းချင်း ကုဖေးတိ၏ဓားတိုက်ခိုက်မှုများသည် ပိုမိုအားကောင်းလာပြီး အဲ့လော့ကျွယ်ကို လွှမ်းမိုးလာနိုင်ခဲ့သည်။ ၎င်းဟာ သူကျွမ်းကျင်သည့် လေ့ကျင့်မှုတစ်ခုဖြစ်ကြောင်း သိသာထင်ရှားပါသည်။ သို့သော် သူသည် ယခင်ကနှင့် လုံးဝခြားနားသော အရှိန်အဟုန်ကို အကောင်အထည်ဖော်ခဲ့သည်။

သူသည် ရှေ့သို့ ပြတ်ပြတ်သားသား ဆက်တိုးနေပြီး နောက်ဆုတ်ရန် နေရာမရှိပေ။

ဒဏ်ရာဝေဒနာများက အရေးမကြီးပါ။ သေခြင်းတရားကို ကြောက်ရွံ့စရာ မရှိပါ...။

သတိမေ့နေသောစုယန်အား အဲ့လော့ကျွယ်၏လက်ထဲတွင် အသက်ရှူနှုန်း အားနည်းသွားသည်ကို ကူကယ်ရာမဲ့ကြည့်နေရခြင်းနှင့် ယှဉ်ပါက ဤကမ္ဘာတွင် တခြားမည်သည့်အရာကမှ သူအား ကြောက်ရွံ့စေရန် မစွမ်းဆောင်နိုင်ပါချေ။

သို့သော် အဲ့လော့ကျွယ်သည် အလွန်အစွမ်းထက်သည်။

ကုဖေးတိက သူ့ကို တောက်လျှောက် ဖိအားပေးနေချိန်မှာတောင် သူက သက်တောင့်သက်သာ ကိုင်တွယ်နိုင်ပါသေးသည်။