حكايه عمر

مناقشه في أحداث الروايه

: انا قررت اتجوز ...حتي لو انت مش موافق هتحمل نتيجه قراري ....!!
عمر وقف قدام عاصم بمنتهي الهدوء وقال الكلمتين اللي ريقنا نشف عشان يتشجع ويقولهم من أول الروايه ....قالهم من غير ترتيب ولا تفكير ولا حتي لحظه تردد واحده ...عمل كده مع ثراء بنت بصرف النظر عن سوء طبعها إلا أنها بالنسبه له ولا حاجه .....بنت مش بيحبها ولا شايفها اصلا ....عمل كده بمنتهي الجرأه ...اتحدي أبوه ومفرقش معاه ....لييييه ؟!
اد كده الصدمه ممكن تغير الإنسان ....مش الصدمه بس موقف معين ممكن يقلب كل الموازين في لحظه .....عمر اللي كان فارق معاه كل لحظه صورته في عيون عاصم بس بعد اللي حصل ملقاش شماعه يعلق عليها كل أخطاءه الا عاصم وبالتالي مبقاش فارق معاه بالعكس ده عاوز يتحداه اكتر بمعني اصح واقف قدام القطر اللي هو أبوه وفاتح صدره وبيقوله هتعمل ايه هات اخرك ....عمر هو هو متغيرش هو هو نفس الطفل اللي من اول يوم بيحاول لفت نظر أبوه له بس اللي اتغير أنه من كتر اليأس أن أبوه يشوفه بقي يخرب ويكسر وعقاب ورا عقاب مبقاش فارق معاه ..... عمر كان في نفس الحاله وقت ما وسيله دخلت حياته واستغنى بيها عن كل اللي حواليه بس دلوقتي مفيش وسيله في بس الناس اللي حواليه واللي مش لاقي نفسه معاهم وبالتالي العجز خلاه يترجم مشاعره للكراهيه مش حابب حتي اخوه وبقي بيعترف عادي أنه بيغير منه ومن حياته السعيده مع مراته وابنه ....فقد كل حاجه وبقي يكره اللي عنده اي حاجه ....شعور طبيعي ساعات بنحس بيه ولكن شخصيه عمر عنده جرأه في التعبير عن ده .....عمر بيتخبط في الحيطه الف مره عادي ولا أنه يقول اي بس مستني أبوه اللي يسأله مالك ومش مره واحده لا يلح في السؤال .....عمر عارف ان زينه وتينا وجوري وسيف بيحبوه وبيلمسوا ليه الأعذار ولكن عاصم هو الحيطه اللي نفسه تتفتح قدامه مع أن الباب واضح بس هو مصمم يضرب نفسه بالاسمنت والطوب .....تحدي مرينا بيه في فتره المراهقه وأوقات بيفضل جوانا وأوقات بنتجاوزه وأوقات مش بنمر بيه ولكن أغلب الشخصيات المتمرده مرت بيه ....عاصم زي عمر بالضبط بيعيش اصعب مراحل حياته بيضرب رأسه في الحيطه ولا أنه يتراجع عن موقفه قدام ابنه لانه من وجهه نظره صح وانا معاه لازم الحزم في وقت ما ...عاصم لوحده والكل بيتهمه أنه السبب وبالتالي عايش صراع داخلي زي عمر بالضبط عمر اللي وقف قدامه وفرض بنت بالنسبه لعاصم شاف وشها الحقيقي لما حاولت تتقرب منه بس ازاي يقول لابنه كده ..سيف عنده حق في كلمته لابوه أنه وعمر محتاجين قعده طويله مع بعض بس ده كان زمان ةهما فعلا كتير اتكلموا مع بعض بس في أول موقف حقيقي الكلمات بتتبخر وعمر بقي محتاج صدمه محتاج يقف قدام مرايه نفسه ويشوف هو عمل ايه واتسبب في ايه ...... وسيله شافت وعاشت وخسرت كل حاجه وخلاص مبقاش قدامها آلا أنها تقف علي رجلها واد ايه موقف بسيط قادر أنه يخلينا نكون اقوي ويأثر فينا زي موقف شافع فياريت نكون لينا دائما علامات في حياه بعض ....هدي متعرفش أن شافع بشخصيته الطيبه هو السبب اللي هيحميها من أن وسيله تتكلم ....وهدي دي في حد ذاتها حكايه ....منقدرش نقول طيبه أو شريرة ولكن تصنيفي لمثيلاتها أنها شريرة بس تعالوا نسأل نفسنا سؤال هو مين مننا مستعد يهدم حياته عشان حد تاني وده الاختبار الحقيقي لما قبل كده سالتكم ايه الصدق والكذب وقولنا الصادق هو اللي يقول الحقيقه لما يكون الكذب بالنسبه له النجاه وبالتالي هدي زي اي حد هتحتار نفسها واحنا زي اي مشاهدين هننظر ونقول لا وانتي تعمل كده وحرام بس الفيصل قبل الحكم هل ده هيكون رد فعلنا لو كنا في نفس الموقف ...لا ابرر ولكن اتناقش ....لو انا بسمع هقول رأيي بس لو اتحطيت في نفس الموقف هيكون نفس رد الفعل والاجابه المنطقيه اننا فعلا ضعفاء وربنا من جميل ستره علينا أنه حاطط فوقنا الستر ولذا فعلا ربنا لا تبتلينا بما لا نستطع عليه صبرا ....يعني مهما نتكلم عن موقف هدي محدش مننا يتمني يكون مكانها لأن الحقيقه مش هتدمرها هي فقط ولكن ابرياء هيدفعوا التمن أولهم شافع ...هي تستاهل ولكن الباقي لا ....وسيله بقي في اختبار واحسن حاجه انها لغايه دلوقتي عدت مراحل الاختبار دون أن تضعف وبقيت نقيه ولكن هي في الاول والاخر بشر والعين بالعين ..... مش هتكون عاوزة حاجه الا انها تشوف بعينها ثأرها بأي طريقه .......
جوري ومراد بينهم نقاش انا مش معاه ولا ضده ولكن فعلا من كتر مابقيت اشوف في الحياه بقي نفسي امسك كل بنت لسه صغيره اقولها فوقي ....بشوف بنات لسه صغيرين دماغها وتفكيرها في عريس زي الروايات تبقي في المدرسه او الدرس عشان تلفت النظر ولو شاب في محيطها يكون اسمي أمانيها غلط يا حبايبي والله اه مرينا زيك بالمرحله دي بس لو تعرفي ان المذاكره اللي بتسبيها وتقفي قدام المرايه هتندمي عليها ...اهتمي بنفسك وابني شخصيتك كوني حلوة بس مش عشان شاب حتي لو بيحبك اللي بيحبك هيحبك احسن واحسن الواحد بيشوف رجاله للاسف وجوازات بتفشل بعد شهور ومع ذلك بيكملوا ذل واهانه عشان ولاد ومجتمع وفي الاول والاخر بيحاسبوا علي اختيار خطأ تحت مسمي جالها عريس حلو عنده شقه ...بنات ادرسي واهتمي بنفسك واشتغلي اشتغلي اي حاجه وبعدين فكري تتجوزي اللي بيحبك هيستناكي والله الحياه فعلا بعد الجواز بتتنازلي فيها كتير حتي عشان ولادك وبالتالي اختاري اللي تتنازلي عشانه .....من هنا بقي اقولكم ده اللي منجح قصه ايهم وغرام أنهم شايفين ايهم بطل بنات صغيرة لو يعرفوا هيشوفوا غرام اد ايه بتضحي أو بلاش بتضحي هي خلاص عائشه قصه حب معاه بس الله اعلم القصه أساسها سليم تتحمل امواج الحياه ولا لا ..... زينه بقت ضايعه ومتلخبطه بي هي ام ...ثراء اعتقد عندنا زيها كتير اوي يلا منهم لله ....مستنيه رايكم ....