سبيل الغيب

الحلقه 30 (الأخيـࢪه)

ضرغام ـ بعدكم نايميين ، كعدي ليث عنده دوام .

سهى ، اوكف ، بعدت البرده وشفت الجو بارده مو مال يروح ، اليوم بقي .

ـ ماشي ، ليش متجاوبين عـلـىٰ الرسائل . !؟

ـ ما جاوبته عبرته ، بعدت الغطا وحضنت ازل ونمت اذا ما عندك شيء بعد  أطلع ورد الباب وراك لن الغرفه تصير بارده ، ما رد بس ركع الباب الا ازل فزت خبال أي والله .

ـ سهى أرجع أكسر حلكج .

ـ هذا شلون سمع

ـ سمعت .

ـ خرب حتى هايہ ، كمت قفلت الباب ورجعت فتحت تلفوني كومه داز رسائل واني ساده الباب على ايده من قفلت تلفوني وهو يحجي خرب شگد داز من ضمنهن .

ـ أحبج يالعاقله .

سهى ـ ما جاوبته هو جان فاتح نت ، أنتظرته يروح يلة نزلت وهو جان رايح ، جانت بالـ ١١ عمتي مسويه الغده بس نظفت وصعدت رتبت غرفتي وكعدتهم غيرت ملابسهم ورتبتها ونزلنا ولكيت بان موجوده وتبجي خيـــࢪ شصاير أنوب .

بيان ـ هو الحقير شلون يضربج هيج صدك حيوان ميخاف الله ، الله لا يوفقه .

بان ـ لا تدعيين عليه أني الصوج مني رحت فضحتها كدام أهلها وكتلهم ينتكم عدها علاقه ويه رجال متزوج وسگتي وخليها ما اعرف شصار بالبنت

هيفاء ـ عزا العزاج شلون هيج تتصرفين من رأسج يمصخمه هسه أهلها ذبحوها على هالسالفه وبعدين هي شعليها غير رجلج لازك الها .

بان ـ لا هي لازكه اله اعرف بيها لن يعوفها وترجعله شلعت گلبي كل مشاكلنا من وراها وهو كل هذا يدافع عليها ورجع ضربني وما كال مرتي حامل وخطيه الطفل خاف يموت ، يمه صدمني بي يكولي احبها والا احاجي اهلها واروح اطلبها منهم وأتزوجها .

هيفاء ـ صوجج كم مره أجيتي زعلانه گتلچ خل إحاجي أبوج وأخوانج يحجون وياه يلون أذنه أنتِ رأسج والف سيف ما قبلتي أستلمي هسه بنفسه يروح لأخوانج ويبلغهم على تصرفاتج اذا ما البنت أهلها ذبحوها .

بيان ـ هسه شنسوي

هيفاء ـ أني ادري منين الكاها من أختج لو من أخوانج هذاك غرب وما أدري بي بيا دوله وهذا ملتهي بمشاكله ويه نسوانه وكل وحده تتشرط عليه وحقهن بس هو خطيه تعبان سوده بوجهي .

سهى ـ رحت المطبخ والـ ٢ أجوا الولد وعمي مزعوجين ونزلوا حجي عليها لن تتصرف من رأسها

قيس ـ هيج ربيتج ولج شلون تتصرفين هالشكل بله هسه البنت اهلها أذوها شنسوي وكتها ، بابا مصير تسوين هيج والستر حلو والله وصانا بي ، عندج مشكله كعدي حليها ويه زلمتج لن هو أساس المشكله البنت ما دزت عليه لن شييء أكيد هو متعرف عليها .

علي ـ هو هم عيب عليه شلون يحب وهو متزوج وبان عين الله عليها جمال وأخلاق وكامله مكمله جان أستحى عـلـىٰ شاربه ما يخون الا العار والعنده نقص  .