Page No.24 [ Completed ]

" 2 "

- Song Recommendation -

Wendy & Seulgi : Don't push me

__________📖 Page No.24📖___________

နာမည်ကြီး ဟိုတယ်တစ်ခု၏ အရောင်းရဆုံး restaurant တစ်ခုတွင် waiterတစ်ယောက်အနေဖြင့် service ပေးရသည့်အလုပ်မှာ ပင်ပန်းလှသော်လည်း Hotel life ကို သဘောကျသည့် ယူဂျင်းအတွက်တော့ အလုပ်လုပ်ရတာ စိတ်ဝင်စားဖို့ကောင်းသလိုပျော်ဖို့လည်းကောင်းခဲ့ပါသည်။

အဲ့ဒီနေ့ မတိုင်ခင်အထိပေါ့။

_______________________________📖

"" ဟန်ယူဂျင်း မင်းဘာလို့ငါ့ဆီစာတောင်မပို့တော့တာလဲ ""

ဖုန်းကို နားအနားကပ်လိုက်သည်နှင့် ကြားလိုက်ရသည့်ကိုကို့အော်ငေါက်သံကြောင့် ယူဂျင်း အသက်ရှူမဝတော့သလိုခံစားလိုက်ရကာ busပြတင်းပေါက်ကိုလှမ်းဖွင့်လိုက်မိသည်။

"" ငါမေးနေတာဖြေလေ ""

"" ဒီနေ့တစ်နေကုန်ဧည့်သည်တွေ‌ပြည့်နေတာနဲ့ဖုန်းမကိုင်ဖြစ်လိုက်လို့ပါ ""

အမှန်တရားတစ်ဝက် ၊ လိမ်ညာမှုတစ်ဝက်ဖြင့် အတတ်နိုင်ဆုံး နားထောင်လို့ကောင်းအောင်ဖြေလိုက်ရတာဖြစ်သည်။

တကယ်တော့ ကိုကို့ဘက်က ' အာရုံနောက်တယ် ' လို့ပြောလိုက်တဲ့အချိန်ကစပြီး သူ ကိုကို့ဆီကို ဖုန်းဆက်ဖို့မဆိုထားနှင့်၊ messageပို့ဖို့ကိုတောင် မဝံ့ရဲတော့တာပင်။

သူလိုလူက
ကိုကိုငြိုငြင်အောင်
ဘယ်လိုလုပ် လုပ်ရဲမှာတဲ့လဲ...

ကိုကိုငြိုငြင်တာခံရမှာကို
သေရမှာထက်ကြောက်တဲ့သူလိုလူ‌ကလေ။

"" ဒါဆိုမင်းကရှေ့လျှောက် မင်းရဲ့အဲ့သောက်လုပ်ကိုပဲဂရုစိုက်နေတော့မှာလား ""

ကိုကိုမို့လို့မေးရက်သည်။ တကယ်ဆို သူဂရုအစိုက်ဆုံးက ကိုကိုပဲဆိုတာကို ကာယကံရှင်ဖြစ်တဲ့ ကိုကိုကတော့ သိကိုသိသင့်သည်။

"" ကျွန်တော်မှားသွားပါတယ် ""

"" နောက်ဆုံးတော့လည်းဒီစကားပဲ
အမြဲတမ်းပဲမှားနေတော့မှာလားမင်း? ""