سهى ـ جريته منها ورفضته واخذته امي مني وتعصبت .
جنان ـ منو كلج ترفضينه شبيـــچ تخبلتي راح تخليني أرجع خبالي عليج خل نشوفه شيكول وكتها بيج خيـــࢪ عنفصي عليه ، مو جنتي تحنين وتونين شو هسه صحيتي وصار ضرغام كخاا .
سهى ـ تكلب بالتلفون تريد ترجع تتصل ورجع أتصل هو وراحت الصاله وجاوبته وفتحت سماعه وخلت ايدها على حلكها معناها سگتي ولا حرف أجاها صوته .
ضرغام ـ هـلأ عمة شلونج .
جنان ـ هلا بيك يمه والله الحمدللة ماشيه على الله .
ـ الله يجعلج ، عمه رايدج بموضوع لن الأبواب سدوها بوجهي عمي والولد وعلاء واكف بطريقي .
ـ بابك مفتوح يمي ان شاء الله .
ـ وهذا عشمي بيج ، أريد ارجع سهى على ذمتي .
ـ مو بعد وكت .
ـ والله ولدج ما يقبلون قابل كيفي .
ـ ما فهمت يمه
ـ ولدج ما يردون خط الوصل نهائي حتى ليث حرموا من شوفة أمه أكثر من مره أجيت وأنطردت شحجيلج بعد .
ـ وليش ما اجيت عليه .
ـ عمه ما ترهم عـلـىٰ التلفون هواي كلام عندي والافضل وجه لوجه ، بس قبل لا اجي اليمج واعرف بيها تسمع صوتي موافقه ترجع .
سهى جاوبته ـ لا ما موافقه ولا تجي ولا أتعب نفسك والدرب التجي بي ارجع ولا تلفت خوش .
ـ عمه راح اجي نص ساعه بالقليل اني يمكم .
جنان ـ تعال يمه ونشوف تاليها .
ـ عمه من هسه اكولها الج ما ارجع اذا ما ترجع وياي
ـ مصمم على قرارك .
ـ كلش .
ـ دتعال لعد والله كريم احجوا وتفاهموا
ـ ماشي عمه مع السلامه .
سهى ـ إنتهى الأتصال كعدت أخذ نفسي أنفعلت ما اعرف شبيه اعصابي فولت وفكره الرفض ترست راسي اجاني عناد مو طبيعي ويمكن اشوفه هسه اتعارك ويه اريد اشرب من دمه واطلع قهر السنوات بي ، كلش لا واضح كلش اني اعلمك بس تجي .
" صاحت بيه امي وفززتني .
جنان ـ گومي لبسي ثوبج هذا نهى جابته الج كلش يلوك الج شوندري يطلع تملخين .
ـ شُنــــوْ هالأغراءت جنان تريدين البس واكشخ مو .
ـ اي شگوو بيها ، ولج گومي لبسي وخلي حمرة خد خبلي عليج وهو مبين من لهفة صوته متلوع ومتشعوط عليج .
ـ لا ما البس ولا اكشخ ، نفضت نفسي وكمت وامي كفختني ، ذبت عبايتها ورزان رشت معطر بالاستقبال باوعت الساعه بالـ ١٢ لازم اليوم مجاز شوي وأندك الجرس أجه .
CITEȘTI
سبيل الغيب
Dragosteرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
الحلقه 27
Începe de la început
