سبيل الغيب

الحلقه 26

" هسه تلكينه يسولف ويضحك هو مرته وجهاله ويروح ويجي من دوامه وطلعات وطبات وتالي الليل يحضن مرته على غزل على حب على حضن وسهى بالطكاك سهى منو أصلاً ما تخطرين على باله عبالج الزلم مثلنا يموتون ارواحهم ورانا اصلا مو وفيين مثلنا بس شنسوي لا حول ولا قوة .

ـ لا تكملين فدوة .

ـ لأ أكمل وتسمعيني اريدج تكونين قويه وتنفضين حبه الما شفتي منه بس الظلم والقهر والأذيه حرمج من دافع عن شرفج حرمج من أطفالج حرمج من حقوقج حرمج من گلشي واحد كواد حسبي الله عليه هو وأخوه واهله عائله منحطين وفالتو عود ابوهم عسكري متقاعد المفروض يكونون عائلته ملتزمه وصاحبه قوانين وأنضباط وصاحبين وظائف يعني عقولهم منفتحه ويعرفون الحق من الباطل بس هيج ناس الله منطيهم نغمه مو نعمه وعائله خراب بخراب  عدهم مصالحهم فوك گلشي والبشر مثل العبيد الهم

ـ شيفيد الكلام بعد .

ـ لا يفيد ، أحمدي ربج الله خلصج منه ومن أهله حتى لو جانت سبب خسارتج صحيح صعبه عليج وموقفج صعب بس هو ما أنطاج فرصه ولا سمع منج حكم عليج بالأعدام بدون دليل .
طبه مرض هو وأهله وسلالته كلهم ، وهسه اللي اريده منج تروحيـن تسوينه وبكافة قناعتج بدون تردد خليج قويه واصحي من ماضيج گافـي سهى ترى هو شاف حياته من دونج وتزوج وخلف بنت ومستمر بحياته وعمله وعادي الأمور ولا كأنما سهى كانت بيوم من الايام حبيبته نساج وتعدى إمرج وأنتِ هم أنسي وأعبري هو وكلشي يخصه گافي تعانيين من هالحب لوحدج .

ـ يعني ما أتأمل .

ـ شتتأملين بعد !! يرجعج عـلـىٰ ذمته .

ـ أي

ـ سهى مستحيل يسويها نفرض حتى لو يحبج وواثق من برائتج بس أنسيها هو رجال والزلم صعبه يتقبلون هالشيء وكل ما يباوعلج يتذكر أخوه نايم وياج شلون يرجعج هاا بس كوليلي شلون .

ـ ما أعرف .

ـ شلون ما تعرفين ضرغام أنتِ أعرف بي .

ـ نفسه عزيزه وطبعه صعب .

ـ خلص لعد وهاا نسيتي هو تزوج وراج وكون عائله يعني أكيد زوجته ما ترضى يرجعج ، سهى هواي أسباب تمنع رجوعج وأولهن نفسه ما اظن بعد اله نفس بيج وحقه لن صعبه لهذا لا تزعلين وتتأملين عـلـىٰ الفاضي ضرغام خلاص راح عافج عايش حياته أنتِ هم عيشي حياتج لن أنتِ بريئه ومظلومه .

ـ شلون أنساه عبالج بهالسهوله ترى الكلام سهل بسـَـہ الفعل أصعب ، ما أكدر خليني عايشه على ذكراه .

- ليش تعلين گلبي خرب ولج نفسج رخيصه عليج !! تبقين عايشه بحساباته وتتغذين عـلـىٰ منشوراته وستورياته وشنو علق والمن أنطه أعجاب ومراقبه اخر ظهور اله وشوكت يكون فاتح نت ونشط وشنو نشر ، عاجبج ترخصين نفسج بهل السوالف .

ـ أحبه وأعرف بي يحبني لو ما يحبني جان ما مبقي الصداقه بيني وبينه وجان ما ينطيني أعجاب على كل منشور وستوري أنشره ، جان حذف صور أيدينا اني وياه والتعليقات والردود مع بعض هايہ شُنــــوْ معناها .