سبيل الغيب

الحلقه 20

ضرغام ـ أحمد شمدخله البيت والدنيا لليل كم مره نبهت عليج تبتعدين عنه وما تختلطين وياه ليش ما تسمعين الڪلام .

سهى ـ لاتصيح خل أفهمك .

ـ شتفهمينيييي وأني اشوفه طالع من البيت يضحك وضحكته شاگه الحلك لعد اني ليش طلعت من المهجوم البيت غير علمود تأخذين راحتج وأطمئن عليج ليش تشلعين گلبي بفهاوتج .

ـ دفع الگرسي ومشه وكعت المزهريه وتكسرت صارت طشار ، ودخل الغرفه ركع الباب بقوته أني هم صوجي المفروض أحطله حد فعـــلاً هم استجلب رايح جاي البيت ويدخل بدون أستأذان شسوي هسه

" لميت الكزاز وكنسته وجهزت العشه ورحت العنده كاعد بملابسه والعصبيه مبينه عـلـىٰ شگله حبيبي .

ضرغام ـ روحي من وجهي سهى .

سهى ـ ما اروح كعدت كدامه ولزمت أيده وبوستهن أسفه بعد ما تنعاد ومره ثانيه اطرده اني لن اخوك ما طردته .

ـ خليج صاحيه الفهاوه متفيد سهى وأني أحجي وياه واكسر حلكه ورجليه اذا يضل هيج .

ـ ماشي حبيبي أخوك وأنت احجي وياه .

ـ گومي

ـ الا ترضى عليه .

ـ أني ما زعلان علمود ارضى بس انزعج من وجوده هو من يوم يومه ما يحبني وغيور ونحس ويغار من كلشي أمتلكه منين اجته الحنيه والمحبه عليه ويسأل عنج او عني .

ـ تمام فهمت عليك ، گوم غير ملابسك أعرف بيك تعبان من الدوام وشغل العياده يلة حبيبي .

ـ ماشي جهزي العشه بين ما أسبح واجي .

ـ كمت بسته من خده ورحت جهزتله العشه واجه تعشينا وباوع عـلـىٰ علبة الحلو وكمل أكله حبيبي عادي تأخذني بيت اهلك .

َ ـ اي عادي بس العصر امي جانت يمج شعندج رايحه

ـ اريد أشوف اختي .

ـ ماشي تجهزي اخذج ونرجع من وكت لن تعبان

سهى ـ تمام ، تعشينا وطلعنا لبيت إهله ونهى شافتني كبل صاحتني ويـــن تردين بيه خل نكعد شويه .

نهى ـ وين تكعدين يا وجوه تستاهل واحد يسولف وياها كلهم وجوهم تتنفس حقد وحقاره وأولهم رجلج المغرور أبو صماخ  !!

سهى ـ مشيت وياها الغرفتها عفواً رجلي شگوو دخلتي وياهم وبعدين اللي ما ضارني شعليه بي شو حموايني محد متدخل ولا فاتحين حلوكهم

ـ وأحمد !!

ـ هذا رجلج ما ينطاق حتى ويه العسل .

ـ هاا ، شمسوي بله أكثر ما يسأل عليكم من دون الكل

ـ هالسؤال هم ما اريده من عنده .

ـ شگد حقيره وأنانيه والله قلبه طيب وحنون ودائماً يكولي روحي لأختج خطيه لوحدها لاتبقين بالبيت بس أنتوا مو مال واحد يسوي وياكم خير حقراء بالاخص زوجج سمنييي سم المغرب لازمه من ياخته ومرزله والله شعندك بيتي صدك ما يستحي لما أخوك هذا .