وأول من اجت عينك بعيني
حسيت العمر ضاملي فرحه سنيني
انت وروحك وگلبي وحنيني
والمسافه المابينك وبيني
ماكو شي يصبرني عنك
انت كلشي شوصفنك
1_المتابعه للحساب
2_تصويت للقصه
3_تعليق بين الفقرات
#ظلمات_الرائد
الكاتبة:بنين أيتان
•~•~•~••~•~•~~•~••~•~•~•~•~•~•~•
ضي:
واحنه كاعدين يمها نغيرلها جو اجه ابوي بسرعه
واردف؛
علي الدر:ضي حضري روحج راح نروح
ضي:وين؟
علي الدر:للمحكمه
لطمت بيبي ع وجها؛
الجدة:راح تطلگ البنيه وهي ماصارلها سنه متزوجه
ابوي سكت مارد عليها
راح لغرفته طلع جنسيته ومستمساكاته
وگلي،يلا تعاي وراي
اني لزمت امي من ايدها اتوسل بيها؛
ضي:يمه ماريد اتطلگ اني احب امير
يمه مارييييييد
علي الدر:يلاااااا
رحت لبست شالي وعباتي
وطلعت وره ابوي ودموعي تجري
هو صح عذبني امير بس اني احبه
صعدت بالسيارة ساقها ابوي
يباوعلي ابوي من السياره ابجي ماوقفت بجي
ماحاجاني ضل ساكت
طلع كدام السياره رجال وكف وفتح ايده يوكفنا
ابوي كان يمشي سريع وگف السياره
من صار الرجال مقابيلنا
رفع راسه الرجال طلع هذا حماي ابو زيد
اجه للسياره من جهه ابوي
نزل الجامه ابوي
ابو زيد:لاتسويها علي اخيك انه واجيت
محضر خير وارجع البنيه
وكلشي يتصلح بس لا تطلگها تصير علينا سمعه صار جنتين نطلگ حته بعد محد ينطينه مره
علي الدر:والله لاندمكم،واشيلكم من المنطقه كلها
اناااا يطردني ويطرد بنتي انااااا
ابو زيد:حقك عليه وامسحها بوجهي
والله ماتنعاد بنتك حامل وهذا بزرنه
علي الدر:مو صعبه عليه هسه اروح
للمستشفى اخليها تذبه قحططط نمونه انتو وبزركم
اني مانكمش من ايدي التوجعني
اكصها واذبها
ابو زيد:لا لا ع بختك تذبه شنو كول يالله يخوي
شتريد احنه حاضرين مايكون خاطرك الا طيب
علي الدر:اريد مشيه تجيبون شيوخ كبار
وتمشون عليه وتعتذرون مني كلكم واولكم امير
وعندي هواي حجي اريد احجي كدام المشيه
وبهذيج الساعه افكر ارجعها وياكم لو لا
ابو زيد: سهله خويه سهله اليوم العصر نجي عليكم
ويصير خير ان شاء الله
بدون مايودعه او يرد عليه سد الجامه
وحرك السياره رجعنه للبيت واني متعجبه من ابوي
هاذا شنو داهيه وربي
استقبلوني اهلي بالباب
سألوني شصار كلتلهم،تالي طلعت بيبي هي مخابره
ع حماي ابو زيد
حته مااتطلگ،هاي حبيبه روحي مدري شلون اجازيها
انتظرنه للعصر اجت المشيه
انترس بيتنه ناس
اخوته لامير وعمامه وعشيرتنه كلها
فيّ ابتلت بالچاي تسوي وتنطي لعمامي
يقدوم وترجع ليوره ويجون يردون بعد
