كون تِلگاني بطَريقك
لمني بـ أيدَك
باردة الدِنيا بدونَك
و احر مِن تموز الحرورَة بوَريدك
انتَ بَس انتَ الصُدك من الله أريدَك .
_تصويت للقصة
_تعليق بين الفقرات
_متابعة للحساب
#ظلمات_الرائد
الكاتبة:بنين أيتان
~•~•~•~•~•~••~•~•~•~•~•
أبرهان؛
واني اباوع بعيونها
گلبي يريد يطلع من مكانه
لاول مرة احس بهذا الشعور عظيم عظيم كان شعوري،.
أبرهان:فيه شجابج لهنا وحدج وليش تريدين تبيعين ذهبج؟
دفعتني من صدري بعدتني عنها؛
ماحجت شي وياي فتحت الباب تريد تطلع
سحبتها من ايدها وسديت الباب
أبرهان:لا تخبليني شصايررر احجي
فيّ:توخر عني لا اصيح والم عليك العالم
أبرهان:ماوخررر وهسه تحجين شكوو
حاولت تسحب ايدها مني بس اني لازمها بقوة
فيّ:تره ايدي راح تنگطم هدني لطشت
أبرهان:فيّ دمي دايفوررر وعقلي افتر شوكت تطلعين الدرة من حلكج وتحجين
فيّ:اشتري الذهب وخليني اروح حته لاعقلك يفتر
ولا دمك يفور
أبرهان:شلون تريديني **** احجيييي يمعوده
هي خافت مني لان صيحت عليها
اني سحبت نفس اهدئ اعصابي وحجيت بهدوء؛
أبرهان:احجي بويه احجي يماي عيوني
ليش انتِ وحدج هنا وتريدين تبيعين ذهبج
الي اعرفه ذهبج كلش عزيز عليج وانتِ طالبته تصميم خاص شعده مابده هسه؟
رفعت رأسها باوعتلي عيونها تلصف بالدموع؛
فيّ:ماكدر احجيلك
أبرهان:ليش
فيّ:اخاف عليك ماريدك تتورط وياي
عگدت حواجبي ورديت عليها؛
ابرهان:بشنو اتورط مسويه شي انتِ
فيّ:اي شردت من اهلي...
وهسه اكيد ديدورن عليه اذا لگوني عندك
شيخلصك منهم بعد
اني نصدمت من كلامها ماحجيت شي؛
هيَ ضلت تباوع عليه لدقايق
ودارت وجها طلعت من المحل
اني صحيت من صدمتي
طلعت من المحل بسرعه قفلته
ورحت وراها امشي سرعت مشيتي
صرت بصفها
التفتت عليه باوعتلي وگفت
فيّ:أبرهان ...
قاطعت كلامها
أبرهان:امشي لا توكفين منا العالم خلي نكعد بمكان
ونحجي
مشت واني أشرلها ع الطريق
لان مانكدر نوكف او بالمحل ونحجي
الصياغ الي بصفي كلهم يعرفوني فـ يضل يحققون هاي منو وكذا
وصلنه لمطعم دخلنه كعدت حول طاوله واني كعدت مقابيلها
أبرهان:اول شي شنو تردين انزلج اكل شرب
فيّ:لا ماريد شي بس مي
أبرهان:صار
صحت للنادل جابلنه مي الها وجاي اليه
