مو شمس حتى يشح ضُواكم
وتجفون واتراكض وراكم
مو صوجكم صوج الهواكم
_تصويت للقصة
_تعليق بين الفقرات
_متابعة الحساب
#ظلمات_الرائد
الكاتبة:بنين ايتان
•~•~••~•~•~•~•~•~•~•~•~•~•~
فيّ:
طلع ابوي من غرفته تمدد بالصاله بالگاع
وضل يتلوى
اني شفته ركضت عليه
فيّ:ها شبيك
علي الدر:راح امووووت
طلعت امي من الغرفة اجت عليه وحسين وكرار كلنا التمينه حوله
وصافنين عليه هذا شبي يتلوى مثل الواحد المتسمم
ويلوب مايعرف وين يروح
نرجس:شبيك عليييي لا تخوفني
علي الدر:ولج اخخخخخ راح امووووت خابري ع اخوتي
نرجس:شنو يوجعك گلي!؟
علي الدر:مختنگ وكلياتي احسهن راح يوگفن
راحت امي خابرت ع عمي خضر والياس
اجو عليه شافو هيج تخبلو
رفعو عن الارض لزمو ايده يمشون ويا
هو يمشى ويباوع عليه
فيّ:هذا شبي يباوع عليه
اني اصلا نسيت دعائه عليه البارحه
ولا بالي والله
طلعو اخذو للمسشتفى حسين راح وياهم
اجتني امي مخنزره عليه؛
نرجس:اكلج هاي شسويتي لابوج خليتي يتلوى
اول تالي هو حته راسه مايوجعه
دعيتي عليه متخافين من الله منو النه منو يعيشنه
فيّ:والله العظيم يمه لادعيت ولا بالي
بس رب العالمين بالمرصاد
وثلثين الدعاوي ع الداعي
الف الحمدلله والشكر مو شماته لا المرض مابي شماته
بس خلي يضوگ طعم المرض الي يتمناه الي
خلي يحس بلوعه الوجع من يكول عليكم انتو
جذابين مابيكم شي
ويكول ع شمس قز القرط مابيها
خلي يحس شويه بمعناتكم مابي شي لاتخافين عليه
عفتها ورحت صعدت لغرفتي
بعد ساعه اجه ابوي نزلت اشوفه
دخلو عمامي يمشي وبأيده كانوله
وبأيد عمي خضر علاگه ادويه
راح لغرفته وسد عليه الباب
خضر:بي كورونا وعنده رمل خشن بالكلى
نرجس انطي هذا الفوار والاوديه بوقتها
نرجس:اذا بي كورونا ماضل بالمستشفى لا يعدينه
الياس:انتِ مو صار بيج صرتي زينه لو لا
نرجس:لا بعدني
الياس:عوفي لعد شسويلج غير رجلج تدارينه وين نودي
راحو عمامي مگلوب وجوهم من ورا امي
لان ماتقبل تدخل لابوي تخاف يعديها
بعد ساعه احنه كاعدين نسولف دگ موبايل
امي ابوي يتصل
ردت عليه:
علي الدر: نرجس سويلي عصير ليمون
راسي يوجعني
وانطيني العلاج مالتي
نرجس:اكلك اني اليوم ياله صرت شويه زينه
ماكدر اجي يمك وارجع انصاب جهالي منو الهم
علي الدر:بس سوي ودزي بيد كرار
سدته امي منه وصارت تدردم حته العصير متقبل تسوي..
كرار:اني اودي لابوي عادي
نرجس:لااا انتَ ماتودي اخاف عليك
فيّ:يمه شنو سالفه شني بي جرب الرجال شبيج
جيبي انه اودي
نرجس:ولج انتِ الوحيده الصاحيه بينه لا تنصابين من وراه تعاي رجعي اني اخابره يطلع ياخذه
