انتَ كاسر كُلشي بيه
واني خايف لا اكسرك
ومن بعد كل هذا
اريدن سبب واحد
حتى عذرك
شنهو عِذرك ؟
_تصويت للقصة
_تعليق بين الفقرات
_متابعة للحساب
#ظلمات_الرائد
الكاتبة بنين أيتان
•~•~•~••~•~•~•~•~•~•~•~•~••~
فيّ:
فيّ:خويه جا انتَ ليش متضحك مو هاي العالم فرحانه وتضحك وهو عرس وفرح؟!!
دزيتها راضيت فضولي وطلعت ماعبالي راح يرد
ضليت اتصفح بالتيكتوك
اني دزيت الرساله ساعه بـ11:43 مساءاً
بعد 10دقايق رد عليه نصدمت فتحت عيوني وگلبي سرعت نبضاته لان اني اصلاً نسيت الرساله وماعبالي راح يشوفها ويرد؛
أبرهان:متلوگلي الضحكة😂
انتظرت دقيقتين ورديت عليه؛
فيّ:كل صورك گالب وجهك اضحك عليك الله
من اشوف ستورياتك تصير بيه كأبه هههه
أبرهان:😂😂ماعرف اضحك بالصوره والله.
قبل فتره نشرت صوره اضحك بيها
صار موقف گدامي وضحكت وطگلي صاحبي
نشرتها محد مصدك
فيّ:يااا يعني مو بس اني اعاني من هاي المشكله
أبرهان:شادين وياي
فيّ:هههه الله يحفظك شعليه بيك اني بس هيج
مجرد فضول
أبرهان:عادي ولا يمهج
فيّ:اخذ راحتك
أبرهان:غصبن عليج
فيّ:ههههه باي
أبرهان:بيباي.
طلعت من محادثه
رجعت اتصفح بالتيكتوك
كملت ضميت موبايلي ونمت
بعد مدة طويل من نمت اسمع شمس
تتعارك ويا واحد بالموبايل
وتفشر عليه فشاير مال كبار اول مره اسمعها
تلوث سمعي اصلاً لعبت روحي من كلامها
ضليت اتسمع عليها عرفت انو الولد
هم دايفشر عليها
وهي ترد عليه وعالگه بيناتهم
مايوصلني صوت الولد زين
بس كلمات متقطعه
أما شمس لا بصوت واضح ورزن
تفشر بكل بساطه ولا كأنو هي بنيه وعيب هذا الحجي
اني بطبعي اتخبل من الفشار والكفران
يعني شخص قريب مني يفشر ويكفر اموت منه
اتخبل
من كنا صغار وابوي مايخلي احد يفشر گدامنه
ولا يسولف سوالف مو زينه كدامنه
لو يگومنه نروح نكعد بغير مكان
لو يسكت الي يحجي بالسوالف موزينه
والكفران هم يتخبل منها
مره ضي قبل لا تزوج كفرت من الصبح
گطعها تگطع كلها من الصبح تكفرين
تريدين الله يفگرنه
