و تـَگلي الزَعل مَنك مَرة مَني
شوَكت سامَع حچايةَ مَره مَني
حَضن حاضَن سهامَك مِن رَمنَي
لأن ريّح من أديّك طَبعَن بَيهَ.
_تصويت للقصة
_تعليق بين الفقرات
_متابعه للحساب
#ظلمات_الرائد
الكاتبة:بنين أيتان
•~•~•~•~•~•~••~•~•~•~•~
ضي:
امير:تمشين لو لا؟اختاري لو تجين وياي لو تضلين هنا
وتجيج ورقه طلاقج باجر.
اني هنا ضليت محتاره شلون بيه ماريد
ارجع لهناك
ولا اريد اخسر امير واتطلگ
باوعت بعيونه نظره طويله واخذت نفس
فكرت بيني وبين نفسي گلت لو اروح لهلي
راح يلزمها نقطه ضعف عليه وع اهلي
تسجلون البيت باسمي لو اطلگ بنتكم
ولو اروح وياه ابوي اذا سمع هو راح يتصرف
واذا تصرف يخلي الصغير والجبير يجي يتوسل بي
ف اروح وياه وادز خبر لابوي هو يتصرف
جاوبته؛
ضي:اروح وياك
هو رفع حواجبه بتعجب ماعباله
راح اروح وياه
عافني وطلع صعد بسياره واني اخذت غراضي
وابني وطلعت وراه صعدنا بسياره
هو متردد مايكدر يكلي بطلت خلي نرجع
يكسر كلمته
ولا يكدر نروح لهله اخو يومين ويطرده مايتحمله
هو بدون شغل نايم يمهم واخو يصرف عليه
شغل السياره رحنه لبيت اخو الجبير ابو زيد
دخلنا هو راح ويا اخو يسولفله واني دخلت
يم زوجته استقبلتي ورحبت بيه هي وبناتها
بعد ماكملو هو واخو سوالف
اجه للصاله
امير:ضي فرشيلي بالاستقبال اريد انام
اليوم مانمت هواي من يصبون غده كعديني
رحت فرشتله وانتظرته يغفى اخذت تلفونه
خابرت امي كتلها؛
_ها يمه خلي ابوي يروح يقفل بيتي
وياخذ مفتاحه
_ليش شكو
سولفتلها كل الي صار
بسرعه وسديته
كعد امير صبينه غده
وكعدنا نتغده ونسولف
ابو زيد:راح اخابر علي الدر علمود البيت
امير:اي يلا خابره
اتصل ابو زيد ع ابوي
ابو زيد:الله يساعدك شلونك
علي الدر:الله يسلمك اهلا وسهلا تفضل
ابو زيد:رايدك بموضوع،هذا البيت الي كاعدين بي
امير وضي لازم يصير بأسم امير لو ضي
مايصير يضل بأسمكم انتَ والياس باجر عكبه
كلشي يصير هاي دنيا وكلنا نموت يلزمون الباب اولادكم
لامير يريدون منه بيت ابوهم صح لو غلط
علي الدر:اول شي والاهم البيت باسم
الياس مايقبل ينقله الا تدفعون فلوسه كاملة
عنده فلوس خلي يدفع لألياس وياخذه باسمه
يتهنه بي
وثاني شي اني ولدي ولد الياس مايلزمون الباب
لامير،لان ماتغرهم هاي ال100متر بأسمهم دوانم
الله شاهد
سجل يمك حسين بأسمه مزرعه كامله
هي ومحصولها شوكت مايريد يطگها يكعد بيها
وكرار بأسمه ثلاث بيوت ع كل بيت 300متر
وسياره لاندكروز يلعب بيها
ف هذا البيت اخر مطالبهم لاتخافون
هذا من طردتو ابنكم بشارع اني لفيته
وانطيته اله شفقه مني عليه ماريد منه لا ايجار
ولا شي،بس خلي يعيش روحه
بنتي اني معيشها تتغده وتتعشه يمي
وتاخذ مصرفها مني وابنها وياها
ها شو سكتت هيج احسنلكم يلا ردو عليه لو تكدرون
