هَالمَرّة أحِس
مشتاقلَك فَد مَرّة
وبغيبتَك
عآيّش فَراغ شكُبره
_تصويت للقصة
_تعليق بين الفقرات
_متابعة للحساب
#ظلمات_الرائد
الكاتبه بنين ايتان
~•~•~•~•~••~•~•~•~•~•~•~•~•~
فيّ:
خنزرت ع شمس باوعتلي امي وحجت؛
نرجس:شتكولين فيّ تنزله لو لا
فيّ:تعرفين شبي التلكرام لو متعرفين
نرجس:والله شمعرفني اقرأ اكتب غير اني مأمنه بيج
حته اختج مأمنتها يمج.
فيّ:لعد خلي يولي،متروس كروبات وقنوات
وسوالف مو زينه
شمس:تره دراستي عليه شعليه بالسوالف المو زينه
ضلينا نتجادل اني وياها بالكلام
اني احجي كلمه وهي ترد بعشره
اي قفلت ماريد التلگرام؛
نرجس:خلي تسوي خطيه دروسها وانتِ راقبيها
اني مأمنه بنتي الصغيرونه ماعدها شي
شمعرفها هي بسوالف الي موزينه
فيّ:ينزل بس بشرط
شمس:اييي
فيّ:ينفتح يمي هم.
مع انو كلش اكره التلگرام اني
بس حته اعرف شيصير ميصير
ولو اني عرفت بس ماكدرت اسوي شي
كلش دا الوم نفسي ع سكوتي عنها
واخاف تزود وتسوي الاكثر،
صعدت لغرفتي فتحت تلفوني
رحت دخلت ع حسابها التيكتوك
اشوف شنو الي خلاها تبجي
وبعدين نزلت طلبت تنزل تلكرام
دخلت ع الرسائل شفت الولد الي اسمه علي
عايفته ومصاحبه غيره والي مصاحبته
هل مره علاقتها كلش قويه ويا
وعايفها لان ماترضه تنزل تلكرام
فـ هي تبجي عليه
شفت الرسائل منطيها يوزره التلكرام
وكايلها من تنزلي تعالي احجي وياي
هنا اني ماحجي شي
هزيت ايدي بمعنى ماعجبني الوضع
اجت هي للغرفه سوت التلكرام برقم امي
ونزلته بموبايلي أيضاً
شمس:احسج ماراضيه ع تلگرام ليش
تره هي لو اريد اسوي شي اسوي حته بدون تلگرام
فيّ:سمعتي امي شنو گالت
لو عندج شويه فهم وعقل يفكر كان فكرتي بكلامها
وگلتي خطيه
كلتلج اني ماعرف اقرأ واكتب عايفتها وراجن
مأمنه بيجن وكاسره ظهري وضاله يم علي الدر
لخاطرجن
انتِ عاد لخاطرها قدري هذا الشي
قدري انو هذا انسان اعمى ومأمنك ع
شي كون تصون الامانه مو تتلاعب بيها
من ورا ظهره.
شمس:انتِ شنو قصدج؟
فيّ:قصدي حزن ساعه ولا ندم العمر كله
والثقه اذا نكسرت بحياتها ماترجع تتصلح.
خلصت كلامي وياها ع امل تتغير
وتبطل هاي السوالف
وهي بهذا العمر لازم شخص ينصحها
ويعلمها لان تصير تطلب الحنان والحب
من اي شخص گدامها بس حته تعوض
النقص الي بداخلها
واحنه مادام ماشايفين محبه وحنان من ابونا
راح نضل عايشين بنقص كل كبير بحياتنه
وونركض ورا عاطفتنه وين ماكو احد يسمعنه كلمه
حلوه نتمسك بي بس حته نملئ النقص
وبهذا فتره المراهقه كلش تصير مريضه
اهتمام البنيه كلششش
