ويا هنيّ ويا شوگ روحي
يا عزيـز ويا مزارِ
يطفح بچفي حنيني
ومن حنيني إعليك إغار..
ظلمات الرائد
الكاتبة:بنين أيتان
•~•~•~•~•~••~•~•~•~••~•~•~•~•~
خلصت كلامي والكل مصدوم مني شلون طلع
مني هيج كلام درت وجهي ومشيت بكل صلابة وتمكن
بس كدامهم بالگوه لازمه روحي ماانهار بالبجي
صعدت لغرفتي..
فتحت الباب دخلت وقفلته وانهاريت بالبجي
فيّ:اللهي لا تختبرني بدراستي ولا بحلمي
ماكدر اختبارك صعب يااااااارب
بالربع ساعه اني ابجي
طلعت كل يلي بگلبي
يعني اني جنت مخططه لاشياء هواي اسويها
وهذا ابسط حقوقي ماطالبه منه شي
بس اكمل واصير دكتوره طب عام
حلمي جانت هاي المهنه البس اللب كوت
وسماعه القلب حول رگبتي وافتر
بالمستشفى وانقذ حياة ناس حملييي هذا كان
وفجأة تحطم حلمي
ندگت الباب سمعت صوت امي
نرجس:فيّ فتحي الباب انتِ زينه مابيج شي
مسحت دموعي واخذت نفس وزفرته بقوه
ومثلت القوة گدامها، فتحت الباب
فيّ:ها
نرجس:ها
فيّ:زوجج وين
نرجس:راح نام
فيّ:خير انشالله
بعدت عنها ونزلت جوه لكيتها مخابره عمي خضر
حته يجي يحاجي بلكي يقبل يرجعني
اجيت للصالة عمي كاعد ع تخم
باوعلي اني خنگتني العبرة بلگوه
لازمه روحي،ابتسمت اله..
فيّ:ها عمي شلونك
خضر:لتضوجين يبويه الله يعوضج ويجبر بخاطرج
فيّ بغصه:لا انه قوية ويلي مقويني أكثر ايماني بالله جبير،،راح يجي يوم واحقق حلمي واصير انسانه ناجحه
بس راح اكلكم شغله وتريدون كرهوني عادي
"انه حياتي كلها ماراح اسامح ابوي"
راح يجي يوم ويتندم ويشوفني من بعيد وينكسر
وانه على گد شلونك ومنتصرة
هو هذا ايماني بربي
ماگدرت اتحمل والزم دموعي غدرني ونزلن
دنگت راسي،،
تقرب عليه عمي خضر حضني اني تبعدت بسرعه عنه
فيّ:لا لتواسيني انه قوية ماحتاج شفقه من احد
عفتهم يباوعون بوجهي ورحت للمطبخ اسوي جاي
لعمي..
طلع ابوي من غرفته تالي كان ديسمع ع كلامي
خضر:علي خليها تداوم عليك الله خطيه
علي الدر:صار كم مرة تحجي عليه
وتسمعني كلام..واني ساكتلها
بس والله لأندمها واريد اشوفها شلون
اباوعلها من بعيد وانكسر
اناااا تگلي هيج هاي الجاهلة
انااا زلم مشوربه ماتحجي وياي هيج
بس اناا اخوك شوفني شسوي...
اني بالمطبخ واسمع لكلامه
بس ماخفت منه لان بعد ماعندي شي اخسره
شيسوي وياي خلي يسوي
كملت الجاي صحت لامي تاخذه
لعمي..ماريد اخذه اني
صعدت لغرفتي صليت وقريت قرآن
شويه اخفف عن نفسي
سمعت امي خابرت ضي سولفتلها
وخابرت خالاتي ونسوان خوالي
والعالم كلها خابرتها وسولفتلهم ع الصار وياي
