هَواي بيّة عتِب
عن كُلشي سويتَه
داريّت وتحملِت
وحِبيت حَدما مَتت
بَس بالنهايّه شفَت
داريّت واحد
صِدك للاسف داريتهَ.
_تصويت للقصة
_تعليق بين الفقرات
_متابعة للحساب
#ظلمات_الرائد
الكاتبة:بنين أيتان
~•~•~•~•~•~•~•~•~•~•~•~••~
فيّ:
دكيت ع تلفون بيبي رن رن ماردت
توترت ضرب رجلي بالگاع..ورجعت دكيت مرة ثانيه
رن رن بالاخر نفتح خط سمعت صوتها خايفه
في:ها روحي شكلج الدكتور
الجدة:راح يسويلي عمليه
فيّ:شنووو من عمليه
الجدة:بطني بيها فتق وراح يسويلي عمليه
يشيله اذا ضل مو زين ينفجر
حسيت الدنيه نسدت بوجهي
وتمنيت لو اني وياها اخفف عنها شويه
اساندها بس....
قويت حالي حته اكدر اهدئها وماتخاف لان
مايصير تخاف مايسولها
رجعت حجيت وياها؛
فيّ:اي سويها وهسه راح اكول لعمامي وابوي
يجون يمج
الجدة:اي وكولي لام خضر هم تجي يمي
خاف يصير ميصير ماريد اموت وحيدتي(وحدي)
سمعتها هيج كالت حطيت ايدي ع حلگي
حته لا تسمعني وگمت ابجي
اشرتلي ضي حته ماخليها تبجي
اخذت نفس قوي وزفرته ورديت حجيت وياها
فيّ:لا مو وحدج احنه كلنا هنا منتظريج
حته ضي وايهم منتظرين ترجعيلنه بسلامه
اي متأكده تطلعين بسلامه
الجدة:اي اي ان شاء الله بحيل الله واهل البيت
اني جايتكم ماعوفكم وحدكم
فيّ:روحيي؟؟
الجدة:ها عيني
فيّ:انه دنياي ماتسوه بلياج
الجدة:يمهجتي وبنيتي انتِ،ديري بالج ع ضي وابنها غراضي وغرفتي.
فيّ:بعيوني في امان الله وحفظه
سدته منها وكعدت بالگاع ع ركبي وصرت ابجي
وحاطه ايدي ع وجهي وعيوني
اجتني ضي حطت ايدها ع ظهري وحجت؛
ضي:كومي صلي واندعيلها البجي مايسوي شي
كمت توضيت وكعدت اصلي اني مصليه الفرض العليه
بس هاي لبيبي حته تطلع بسلامه
صليت وكملت توجهت للامام علي وحجيت بحرگةقلب؛
_اني متحمله وعايشه بهل دنيا لخاطر عيونها
ولان هي ماعدها بنيه اعتبرتني بنتها واني أيضاً
اعتبرتها امي،
ف عشت يتيمه الاب وهو حي
لا تخليني اعيش يتيمه الام يبو الحسن
تحضر عمليه بيبي وتطلعها بسلامه
بجيت اثناء الدعاء،دعيت وكملت
كمت خابرت عمامي دزيتهم الها
وامي خابرت ابوي راح لها وبيبي ام خضر
وحسين راح أيضاً بس احنه بقينه بالبيت
راح مرت عمي مرتضى الها أيضاً
ضليت الوب الليل ماكعدت بالكاع ابد
افتر البيت كله ابدي اهج من البيت كله اروح الها
صوتها ورجفتها بالي
هي كلش تخاف من الموت
وتخاف ع روحها من الهوى
ضي وامي كعدن يسولف اني
ماتحملت طلعت للكراج
خابرت ع حسين گلي بعدها بالعمليه
اني اخابرج من تطلع،
