_كانت جدتي حنونة،
لدرجة لم تستطيع الارض حملها،
فـ خبئتها بداخلها؛
_تصويت للقصة
_تعليق بين الفقرات
_متابعة للحساب
#ظلمات_الرائد
الكاتبة:بنين أيتان
~•~•~•~••~•~•~•~•~••~•~
ضي:
كعدت الصبح باوعت لتلفوني شفت 29مكالمة فائته من امي،
نهضت مرعوبه اتصلت عليهم ماكو رد
كعد امير راح للحمام
رجعت اتصلت نفتح خط بس محد يحجي
اجاني صوت صراخ كلش عالي
طرش أذاني شمرت التلفون عني وصحت
اميررررر
طلع امير من الحمام يركض عباله شصار بيه
_هااا ولج شبيج
_اهلي مدري شبيهم كلهم يصيحون
اخذ التلفون من الارض حطه بأذنه
_الووو عمه وينكم شكووو ردو علينه
ردت عليه شمس
_جيب ضي النه بيبي ماتت
_لاااااا
ولج عمتي ميته
اني لطمت ع وجهي كل قوتي وگطعت شعري
ماكان على بالي ابد انو بيبي تموت
من كلتلي فيّ كلت لا هاي جذب هي قابل الله وتحدد
ايام الموت
كل مره هي تتخربط وترجع تصير زينه
بس هل مره نغدرنه وراحت من ادينه
ضليت الطم ع وجهي،رفعني امير من الارض
وصاح بيه
_بدلي بسرعه خلي اخذ
راح جابلي شالي وعباتي واجه ذبهن عليه
وبدل هو ايضا
البس بالشال وابجي ومامصدگه ابد
امير كعد ايهم حطه بسياره واني صعدت
وصلنا لهلي نزلت اركض وامير راح وياهم للدفن
دخلت لبيت اهلي صارت مقابيلي شمس
_ضي بيبي ماتتت
ماتت وعافتنه
_ولج شلون ماتت شلووووون
ثنين ركبتي وكعدت بالكاع الطم واصرخ بصوت عالي وابجي دموعي ماتوقفن عن البجي
گابلتني شمس وتبجي وياي وتبعد ايدي عن وجهي لان الطم
بعد دقايق وعيت ع نفسي،،
گمت دخلت للصاله البيت كله نسوان جيرانه
يبجن وامي وياهن تبجي
رجعت طلعت للمطبخ
_شمس فيّ وين
_بغرفه بيبي تملخ بروحها وبشعرها،وتبجي
رحت لغرفه بيبي دخلت،
فيّ كاعده بالگاع وحاطه اديها ع جربايه بيبي
وراسها ع اديها
_فيّ
رفعت راسها عن ايدها باوعتلي
وجها مزلغ(مخرمش)وايدها كلها دم ماعرف بشنو ضاربتها وعيونها حمرررر دم دم
كلهن حمر الجفن والبؤبؤ والي جوه عينها كله احمر
من شافتني وگفت ع حيلها
اثناء ما وكفت ذبلت ووگعت بأيدي بسرعه
مالحگت الزمها وكعت وياها وصرخت؛
_يمهههههه الحگي ولجججج يمههههه
اضرب ع وجه فيّ اريدها تصحى واصرخ
_يمههههه فيّ ماتت الحگييي
اجتني شمس تركض كعدت بمستوانه
وتهز بـفي ماكو لا حس ولا نفس
ضي:اركض خابري ع امير خلي يرجع النه
راحت تركض لموبايلي خابرت أمير
اجت امي والنسوان صارن حولينه
امي گلبت الدنيا بالصياح والنسوان لازماتها
نرجس:هي كالت ماعيش بدون بيبي اموت وراها
شلون بيه ولج يمه لحكتج بنيتي
ضي:هاي هم ماتت وبيبي ماتت منو الي بعد اني
منو الي وين اروح،
شمس تبجي وحاظنه فيّ
واني املخ بروحي وامي تلمخ بروحها
دخل امير علينا بنص النسوان يركض؛
_هااا شبيها فيّ
_اختي ماتت امير اختي مااتتت ماضل والله ماعايش بدونها
_ضي شنو ماتت شبيج
نزل عليها شالها بحظنه وركض بيها للسياره
بس شنو هي سابله ايدها ورگبتها واخف من الريشه
صارت كأنو ميته
طلعت وراه اركض انطتني شمس شال وجبه منها
علمود فيّ البسهن الها هناك
_حطي الشال ع راسها تره هي تتحجب من رجلج
حرام عليج
_اي اي هسه احنه وينه وين الحجاب
