سهى ـ غمضت عيني والحجي دك خناجر بصدري دخلت غرفتي وأتصلت على نهى وردت عطت بيها
والقران اذا زواجج من أحمد تم لا أني اختج ولا أعرفج راح تهجمين بيتي بسوالفج بابا عوفيييي متزوج شلي بي وبمشاكله قحط زلم خلصوا بس أحمد .
نهى ـ شگوو بيها الشرع حلل أربع . !!
ـ حلل بس ما كالوا اهجموا بيوت عامره عوفي مثل ما عفتي هشام فدوة رحتلج قبل سلمنا هسه ما نسلم ناس متخاف الله انوب يلزكن النا مصيبه ونروح بيها گلبي ما مرتاح ولج بزواجج راح تشبين النار وتولعين الحرب نهى عوفي فدواتج ما ناقصه أني وضعي ترگدد والله كمت أخاف على نفسي وزواجي ما ناقصه .
ـ أحبه ويحبني فات الأوان ، والله حبيته شبيـــچ !
ـ حبتج حيه أم رأسين وخلصتني منج ، ابتعدي عن حياتي وعيالي الف خطوه عمي اتبروا مني ما اريدكم خلاص راضيه أعيش وياه العمر كله من دون أهل بس ما مستعده أعيش ويه أهل من دونه .
ـ شدعواج ما تردين الخير لـ أختج . !!
ـ يا خير !! يا خيرررررر نهى افهميني رجاءً زلمتي أحبه وشاب گلبي يله صرت حلاله وعايشين بحب رغم كل المشاكل وأكول ميخالف لخاطر عيونه اجرع المر وحتى السم هم بس ما أفترق عنه .
ـ أسفه
ـ يعني شُنـــــــــوْ !!
ـ أمي موافقه عـلـىٰ زواجنا واكفه وياي !!
ـ أمي !!
ـ أي والله شبيـــچ !!
ـ عليج الله صُدك تحجين .
ـ اي وغلاتج .
ـ من كُل عقلكم يعني !! لأ ما أصدك أمي مو طبيعيه
ـ ليش عيني شبيها ، وهاا حتى تواصلت وياه وكالتله جيب أهلك وتعال .
ـ أصدميني بعد أصدميني
ـ شبيـــچ أفرحي كلها أسابيع وأجي يمج ونصير أخوات لـ أخوان أثنين طاكين ونحتل الساحه .
ـ لحظه لحظه نهى عـلـىٰ كيفج وياي خل أفهم .
ـ شتفهمين !
ـ ليكون زواجج علمود ماده وفلوس وأملاك
ـ لا مــــنو گال ؟؟
ـ شُنــــــــو منو گال ، ما السالفة مبينه مثل وضوح الشمس مو عليه هايہ السوالف ، لاتخلين الماده والفلوس تغسل عقلج ترى وسخ دنيا والله ، نهى هذا زواج تعرفين شُنـــــــــــــو زواج يعني تعيشين عمر ويه أنسان أنتِ وياه مصيركم واحد .
ـ عود بعدين نحجي أحمد يتصل .
ـ أحمد
ـ اي حبيبي عندج مانع شُنــــوْ بس أنتِ تزوجين حلوين !!
ـ حلوين .
ـ أي شبيـــچ تخبلتي ، حلو وصاك فديته وفديت شخصيته .
ESTÁS LEYENDO
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
الحلقه 18
Comenzar desde el principio
