سبيل الغيب

الحلقه 16

ـ خليني محترمتج لاتخليني أتجاوز بحقج وأنتِ أختي الجبيره ، أي نعم حبيت متزوج وأنعمى على گلبي واساساً عبالي اعزب وتعلقت بي ،، لو من أول يوم لطشلي وكالي اني متزوج جان ركعته بحظر زين
لهذا لا كلمه والثانيه تعيروني بحبي لمتزوج مو لهل درجه ناقصه غيره وشرف اسوي علاقه ويه حماج

ـ والمراسلات شفتها بينج وبينه هسه زوجته هدت عليه ما خلت ما حجت على داخلات على طمع ومنحطات وتعيرني بحملي قبل الزواج صرت بكد النمله كدامها .

ـ تأكل نعل مكطعه هي ورجلها شايفتنا جوعانين وكاتلنا الجوع ندخل على طمع هو انتوا طمكم كاتلكم وتتبجون بوجه الله ، هو بنفسه اجه يشگي من ضيم ابوه وطمعه ، على يا طمع وخيسه ندخل وقحط بس رجلها ضال كطعيه اي والله .
وبعدين خل تحجي عدل لا والقران اهد عليها وع الخلفها انعلهم واحد واحد وارجعهم لاصلهم واكسر حلكها الخايسه شنو منحطات والكلام الجبير بحقنا هايہ بدال ما تروح تربي رجلها الساقط ابو النسوان هو لازلكي وَ؏ معجب بيج واحبج ومن هالخريط .

ـ يعني ما عندج شيء وياه .

ـ سهى لاتصيرين مطي شعندي قابل هو دخلي خاص ويريد يتعرف وما تصدكين ركعته حظر وما كتلج لن سالفه متسوى ولو رايده اسوي علاقه جان من زمان من يوم جان يوصلنا اني وأمي للبيت ويشمر كلام مو هسه أنتِ جنتهم والحجي يصير بوجهج ، وتنحسب عليج لا عبالج ما أفكر هيج لهل الدرجه أني نذله وأسبب الج المشاكل لا خيتي مو اني هو لازكي مثل الصمغ ويتشكى من مرته أكل رأسي .

ـ ماشي

ـ امشي روحي صيحيها اريد احجي وياها واعلمها الحجي شلون ينحجي .

ـ لا عوفيها ختولي .

ـ لا خيتي مو نهى التسكت اني ما اصير مثلج حلكج ما تفتحينه ، امشي .

ـ عفتها ورحت دكيت باب غرفتها طلعت وعبوه مفجوره بيها ملابس مطشره والكنتور مكسر هايہ شگوو شصاير

رشا ـ تعاركنا اني ويحلف الا يتزوج أختج وعافني وطلع خلاني احترك بناري ، حسبي الله ونعم الوكيل

سهى ـ تعالي لغرفتي أختي تريد تحجي وياج هزت رأسها ومشت دخلنا وأتصلت على نهى وجاوبتني ها نهى

نهى ـ أنطيني بنت الاوادم

سهى ـ تمام أخذت التلفون وحجت

رشا ـ ها يا حلوه رجلي راح يتزوجج شتردين بعد

ـ هلا والله ، يتزوجني مو الزواج عـلـى كيفه ، منو كلج اوافق اتزوجه عشتوا ، وبعدين اني ضاله بالدار لو كاتلني الجوع اتزوج رجلج وادخل على طمع شوفي يا بنت الناس رجلج لا اريده ولا يعجبني اخذي هو وفلوسه اني شكوو بيكم

ـ لا خطيه مسويه روحج الشريفه العفيفه والماكو منج ولسانج يلعع بالخاص على حجي وسوالف وسهرات ورة الـ ١٢