أحببت المطلقة💗

الحلقة 29

الحلقة 29
بعد 4سنين
أسماء-ياشهيناز إيجا ياماما وين ماشية
-نحب نلعب في الذنينة ( الجنينة)
-تو نلعبو مباعد ياروحي توا بش نمشيو ناكلو راهي لطوفة عاملتلنا ماكلة بنينة
-يا ذو ذو (جو جو)
بالطبيعة لازمني نقلكم شكون شهناز ياسيدي هي بنت هدى و بهاء عمرها 3سنين تتڨرمش و هوما في voyage أذاكا علاش خلوها بحذا أسماء و هي تحبها برشا حاسبتها كيف بنتها و شهناز زادة تحب برشا لطيفة و أسماء و إسماعيل ماقلتلكمش ماو حتى إسماعيل عرس و جاب وليد صغرون سماه نور عمرو عام بالنسبة لأسماء ولات ديما تزور في تيم ولات تتوحشو كان ماتمشيلوش كل يوم حتى من الشركات متاعو طلعو ولاو أقوى من قبل بفضلها هي و مع جلسات لبسي عرفت أسماء لهي بالحق حبت راجل برك في الدنيا هاذي و هو تيم و مافماش راجل يستحق حبها غيرو هو قاعدة تستنا فيه لين يكمل ها5 سنين ماعاودتش حياتها بالكل و زادت زيانت على قبل و كملت قرايتها حياتها ولات باهية و منظمة 
كملت فطرت هي و شهناز و لطيفة و حليمة و جاها تاليفون من الشركة قالولها لهي لازمها تحضر الكوليكسيون ليوم قبل غدوة خاطر عندهم إجتماع
-أمي أنا لازم نمشي نخدم و يمكن نبطا في اليل تو نكلم إسماعيل يروح بيا ماتخافش و بربي شهناز أمانة عيش أمي⁦❤️⁩⁦❤️⁩
-تهنى بنيتي عالعسلة في الحفظ و الآمان برا ربي يعينك💗💗
مشات أسماء ملي وصلت و هي تخدم و ترسم مع 18 تع اليل الخدامة الكل روحو و قعدو كان العساسة شدت شعرها بقلم و فرشت لأوراق على القاعة و رجعت تخدم
هي هكاك و يدخل من وراها خيال راجل تشوف فيه مقابلها بحكم هي عاطية بضهرها على الباب تفجعت مسكينة قامت بش تتلفت ياخي نڨز عليها غمضلها عينيها قبل ماتشوفو و هي بقات تعيط لسوكيريتي و شي ماجاها حد أما حست بحاجة غريبة ريحة البرفان هاذي ماتنسهاش و لمسة ليدين كيف كيف مستحيل تنساها زعما هو زعما حبيبها هذا رجعلها ؟ كفاش هو محكوم عليه 5 و هذا 4 قلبها بدا يدقق تكلمت بنبرة خوف و إستغراب و بشويا -ت..تتي.مم؟!
حللها عينيها و لفتها ليه ياخي تصدمت اي والله هو تيمم بطولو بجهامتوو واقفف قدامهاا مش مصدقة
-اي ياروحي تيم إيجا إيجا راني توحشتك و توحشت ريحتك لبنينة 💔⁦❤️⁩ (حل يديه يعني بش تجي تتحضنو)
أسماء لتو مش مصدقة قامت تبكي و مشاتلو تحضنتو حضن متع وحشششش كبيييرررر قداش فرحهم هكا الحضن عوضلهم 4 سنين غياب و تعب و سهر ⁦❤️⁩⁦❤️⁩
شدتو من وجهو تشوف فيه و هو يضحكلها محلاه و محلا ضحكتو و غمازتو زايده فيه الشطر نشاءالله يبقا ديما يضحك بقات تشوف فيه و قتلو -تيمم الحمدالله الحمددالله كيف خرجت والله فرحتننييي سنيين و أنا نستنى فييككك😭😭⁦❤️⁩
-ياحبي علاش لبكاء تو هاني جيت و ماعادش بش نخليك بالكل ماتتصورش قداه متوحشك صغرونتي عشت لعذاب في فراقك
هو يحكي و هي شادتو من وجهو و لاصقتو ياخي قربت و باستو من شفايفو بوسة خفيفة و قتلو بتوشويش -توحشتك بااااارررششاا💗💗
هو قاعد باهت مالفازة لعملتها و قداش عجبتو جرأتها لصقها ليه و غطس معاها في بوسة كان لقا ممايسيبهاش مالوحش ماسيبها كان كيف تقطع عليهم النفس💋💋
-تيم كفاه خرجت؟
-ياروحي عملولي عفو في عام على حسن السيرة والإنضباط لمهم أنا خرجت توا و بش نتلها بيك نعرف لأنا تعبتك معايا برشا سامحني ويعطيك الصحة علي عملتو الكل معايا و على وقفتك⁦ نحبك برشااا❤️⁩⁦❤️⁩⁦❤️⁩
-حتى أناا نح..ببك 🤭⁦❤️⁩
تيم قريب بش يطير مالفرحة خاطر أول مرة يسمع هالكلمة من فم أسمااءء⁦❤️⁩⁦❤️⁩⁦❤️⁩
-حبيبي ماعادش نصبر رانييي غدوةة نعرسسوو⁦❤️
-هههه باهي أماراني مانحبش عرس كيف ما عملنا قبل كرهت لأعراس نكتبو صداق و كهو
-تدلل يا روحي😘⁦❤️⁩