أحببت المطلقة💗

الحلقة 2

قداش وجعها بالكلمة حطمها غرس سكانين في قلبها صحة ليه ديما يعرف وين يضربها هو عمرو ماحبها و ماخلاهاش تحبو لتو ماهيش عارفة علاش خذاها بيرو غارق تحسو إنسان بلا مشاعر
خرج و خلاها تبكي بالشهقة
نعرفكم على تيم هو راجل أسماء تيم الجماعي 29 سنة من أغنى رجال الأعمال في تونس و خارج تونس زينو زين تركي لعينين الشهل لمكحلة و حرجو لكحل بدنو مسكل طول و قد و وهرة أما كاسح مايضويش قلبو عافس عليه ناس كل تقول تعرفو لهو قلب حجر
في قصر الجماعي أسماء تحكي لأمها لطيفة على الطلاق
-ووه ووه يابنيتي علاه تعمل فيا هكا قلي و إنا لشكون بش تخليني و هكا هكا بعد 4سنين بش تطلق لا مستحيل نخليك تمشي وراس بنتي ماتتحسن لأومور بينك و بين تيم غير أبقى إنت برك
-أمي إنت أكثر وحدة تعرف لإنا تعذبت مع ولدك كل ليلة يجيني شارب ليزاني نعاني فيه و زيد ناكل في الضرب من فوق وزيد مايحبنيش و ماعناش صغار شنو سبب ليخلينا نكملو
-عزيزتي تيم ولدي وإنا جايبتو ولدي حنين أما مايحبش يبين موت سي يانس وأحمد الله يرحمهم أثرو فيه يابنيتي مش بالساهل (يانس بابا تيم وأحمد خوه التوأم عملو أكسيدون قبل 15سنة لتالي)
-نعرف يامي الفراق صعيب أما ماعادش نجم نحب نرجع نقرا نعيش حياتي نحب نشوف الدنيا راني شبه ميتة في هالدار
-إنت بنتي و بش تبقى بنتي حتى كان طلقت من تيم بش تبقى تجيني و تطل عليا مش هكا؟
-اي ووه ياميمتي هذا كلام ننساش مزيتك و لعملتو معايا الكل⁦❤️⁩
في الليل هبطت أسماء للكوجينة تهز في دبوزة ماء وتسمع كان الباب تحل تشوف فيه داخل يتمايل مش منجم ياقف على ساقيه مشاتلو شداتو و تهز فيه بش تطلعو لفوق
تيم-تعرف يامزيانة مرتي ليوم تحب تطلقني
أسماء تمتم -الحجرة ماتذوب والطحان مايتوب
-نعم؟؟
-لا ماقلت شي قلتلك علاه تحب تطلقك
-ماتحبنيش إنا مانحبهاش تمشي و تبعد عليا مانحبش نطلق