الحلقة 28
دخلت للإجتماع بكل ثيقة في النفس الناس الكل عجبتهم الكوليكسيون الجديدة كمل الإجتماع و خرجت إسماعيل فرح كفاه أقنعت الأجانب فيسع
-برافو أيوم زايد معاك❤️
-عيشك إسماعيل💗
-هيا نخليك مالا توا عندي خدمة الشركة أمانة توا في يديك
-باهي تهنى
هدى جات للشركة تطل على صاخحبتها في أول نهار خدمة ليها -مبروك يا حبي واتاتك برشا الخدمة ههههه
-هههه هيا تجي تخدم معايا
-ووه أسومتي كان عيني في الخدمة راني خدمت مع راجلي أما أنا نحب الراحة ههههه
-صحيتك يافالحة هدى نحب نقلك حاجة
-اي قول عزيزتي
-نحب نشوف بسي حاسة روحي متقلقة برشا و مش فاهمة روحي
-اي عزيزتي والله فكرة باهية توا نسأل بهاء على بسي باهي و نقلك
قعدت تحكي و تفدلك هي و صاحبتها أما إسماعيل وقت لخرج بالطبيعة مشى يزور في تيم بش يحكيلو لحكاية متع آمس أول ماوصل و شافو تيم قالو -يلا إسماعيل إحكي لتعرفو الكل راني حاسك من قبل مخبي عليا برشا حكايات
-باهي تو نحكيلك و تمالك أعصابك و ماتتغشش
-إسماعييل أحكي و ماتنرفزنيش
-ليلة صداق أسماء وقت لقعدو و جاهم العدل أمين جاه مساج لهوما شدوك قام و خلا أسماء مسكينة وراه قبل ماتولي حتى مرتو أسماء هبلت و كسرت الدنيا الكل لين داخت هزوها للكلينيك ليلتها إنت هوني و هيا في الكلينيك قال الطبيب جاها إنهيار عصبي و سترها ربي من الجلطة أما مباعد درا شنيا صار الماكينات بدات تصوني خرج الطبيب و قاللهم لهي دخلت في غيبوبة و مش عارفين أمتى تفيق منها أما الحمدلله جاو في 3 شهور كهو
كلام إسماعيل هبط عليه كالصاعقة حبيبتو صار فيها هذا الكل و هو مافيبالو بشي قداه سخفتو تنرفز عالخر و ضرب يدو على الطاولة - توا إسماعييللل؟؟؟ تواااا تقليي؟؟؟؟؟ يا ز** شبيك ما حكيتليششش من قبللل؟؟؟
-سامحني بوص الله غالب بلاصتك مش بلاصة واحد بش نجي نحكيلو على مشاكل هاك شفت شنوا صار توا
-معناها لصار لأسماء الكلوو من جرتي أنااا؟؟؟ حطمتلها حياتها قبل و زيد توااا؟؟؟؟ و هكا الط*** ما رجعلهاش ؟ ما تفجعش عليهاا؟؟؟ ما صلحش غلطتو؟؟؟؟
-قالو لهو 3شهور كاملين مايعرف عليه حد حتى شي كان لهو مشى للجنوب جاتو خدمة
-إسماعيل هاني نيه عليك عينيك من على أسماء ماتهبطش والله كان تصيرلها حاجة تتحمل إنت المسؤولية
-تهنى بوص ماعندك كان الرجال
-نعرف و الشي هذا لمخليني ناثق فيك و عينيا مغمضة
نرجعو لأسماء لدوب ماعطاتها هدى النيمرو كلماتو و خذات رونديڨو و نبهتها بش مايعرف حد غيرها هي و بهاء مشاتلو قعدت تستنى في الصال و مباعد ناداتها السكريتير و قاتلها تتفضل
-صباح الخير دكتور
-صباح النور مدام شتحس في روحك لباس
-الحمدلله دكتورر أما عندي برشا حكايات مش فاهمتها و قلبي معبي
-تهنى مدام بقدرة ربي ماتخرج كان مانفهم شنيا لمقلقك تنجم تبدا تحكيلي توا منين بدات مشاكلك و مذابيك تحكيلي كل شي
- باهي دكتور أنا مشاكلي بدات ملي توفات أمي و بعدها بابا بطلني من قرايتي و عرسلي بالسيف براجل لا نعرفو لا عمري ريتو عشت لعذاب معاه و قعدت 4 سنين ماجبتش الصغار لين طلقت و رجعت نقرا و تعرفت على الراجل الثاني لحبيتو من أول نهار ريتو فيه (كملت حكاتولو كل شي صارلها مباعد ليوم مس كفاه حست بحاجة غريبة تجاه تيم)
-لفهمتو من كلامك مدام إنت حسيت بحاجة تجاه سي تيم؟
-مانعرفش دكتور مش فاهمة شي أنا حبيت أمين كهو و تيم لا
--شوف مدام أسماء أنا حسب مافهمت من حكايتك إلي إنت ماحبيتش أمين زادة أما تعرف شيتسمى هذا إنت لقيت في راجل هذا الثاني لملقيتوش في تيم لقيت فيه تصويرة الراجل المثالي لحبك و عبرلك على حبو و ضحكك و فرحك مش كيف تيم كان صندوق مسكر و ماعمرك ماسمعت منو كلمة باهية إنت تعلقت بأمين بشخصية أمين لكانت شخصية أحلامك
-معناها دكتور تحب تقلي لأنا حبيت تيم أما مالقيتش فيه الشخصية لنحبها الشي لخلاني نتعلق بشخصية راجل آخر
- مانجمش نجاوبك توا كان كيف نزيدو نعملو برشا حصص أما نحب نقلك لي الحب لحبيتو لأمين كلو وهم
-باهي دكتور عيشك ماتتصوش قداه رتحت شوية كيف فرغتلك قلبي
-بلاغير مزية خدمتنا
