أحببت المطلقة💗

الحلقة 8

-ألو 
-أهلا بهاء
-وينك ياراجل
-هاني ياخويا غاطس عندي برشا خدمة
-أيا تجي باعد عامل حفلة في داري
-والله تاعب و ماعيني
-تي هيا بدل الجو و هات معاك شختورة هههه
-باهي باهي تو نجي
أمين لقاها فرصة الحفلة بش يزيد يتقرب لأسماء جاء وقت المرواح و هما في الكرهبة و معاهم هدى (ملي ولاو صحاب هما و أمين و هو يوصل فيهم)
-أيا شقولكم لبنات بعتالي نمشيو لحفلة
أسماء -لا منجمش نخرج في ليل
هدى- تي هي أسماء محسوب شكون بش يشوفنا و زيد هاو معانا أمين
-اي بالطبيعة هاني معاكم تي هي عاد ماتڨينهاش
-ممم باهي تو كي نحضرو تو نكلموك تعدالنا
وصلهم للدار لبسو و زينو أسماء ليوم حبت توري زينها لأمين فماش مايحس بحبها ليه هو الوحيد لقبلها كيما هي و قبلها حتى وهي مطلقة لبست روب نوار طويلة محزوقة وفيها فونت طويل فوق الركبة و حلت شعرها و عملت مكياج سامبل لبست طالون فالنوار و بوشات في الروج خرجت تفتق ⁦❤️⁩⁦❤️⁩⁦  حتى هدى ماعندنا مانقولو عليها كان مشاءالله لبست عكس أسماء روب روج و بوشات نوار
كملو زينو و كلمو أمين جاهم أول ماخرجو أمين مانجمش يهبط عيونو من أسماء غارق في زينها و عينيها الخضر لي داخ فيهم
-بابابابا تي هاك طلعت قنبلة ياطفلة وين كان مخبي الزين هذا الكل
-هههه يزي أمين حشمتني
-ههه شقلنا نحنا على الحشمة و إنت هدهود صحة صحة ⁦❤️⁩
-يعطيك الصحة⁦❤️⁩
-هيا نمشيو الجماعة يستنو
وصلو للحفلة بعد ماعدوها ثنية كاملة محفلينها في الكرهبة غناء و تصفيق و جو أول مادخلو العينين الكل ترشقو في أسماء وهدى مشاءالله وحدها زينها غربي (أسماء) و وحدة شرقي(هدى) 
قدم بهاء صاحب أمين و هو يخزر لهدى كلاها ماكلة بعينيه لين حشمت و طبست راسها
-أهلا بعشيري
-تي وينك يالخو
-هاني وينك إنت هاك عامل جو و شايخ ههه
-خويا كي ماعندي حد هاني عامل جو شنوا أمين ياخويا تضرب بالزوز ماتعطيناش وحيدة ههه
-هههه ديما تتضومر باهي نعرفك هاذي أسماء تقرى عندي و صحاب و هاذي صاحبتها هدى
-نتشرفو لبنات
أسماء وهدى -عيشك💗
باهي بهاء العايش 30سنة رجل أعمال وولد خالة أمين ملي هما صغار مع بعضهم ماتفارقوش حتى نهار عينيه شهل يهبلو و مستسمر بدنو مخدوم بهاء راجل مع الرجال و طحان مع النساء ههههه
أمين شد في أسماء الصحيح بش تشطح معاه قامو الكوبلوات الكل يشطحو و عملو جو باعد قعدو يحكيو و يضحكو أمين مشا قعد بحذا لولاد بقات أسماء هي و هدى
-شنية ياوحيدة هههه تبادل النظرات بينك إنت وأمين ماعادش عادي راه هههه
-تي خليني ياهدهد نعيش حياتي ههه و أخيرا لقيت الراجل ليحترمني و يقدرني😻
-أهم شي عندي نشوفك فرحانة عزيزتي لباقي مايهمنيش⁦❤️⁩
تحملتها أسماء -عيش أختي لغالية⁦❤️⁩⁦❤️⁩
أسماء ناداها أمين مشاتلو قعدت هدى وحدها هي هكاكا و يجيها بهاء
-أهلا بالمزيانة
-عسلامة
-شنية ماعجبكش الجو قاعدة هوني
-لا عجبني أما حبيت نرتاح تعبت مالوقوف
-هههه لا خاطر قلت كان ماعجبكش الجو هوني نجمو نمشو لبلاصة ماخير
-نعم؟ مافهمتكش شتقصد
-شنوا قطوس بش نفهمك أنا توا في الخدمة
-خدمة؟؟ شتحكي إنت لباس ماو؟؟
-اااوف مرزن فهمك نعرفكم لبنات مالنوعية هاذي تحبو تزيدو في السوم
هدى فهمتو و تصدمت شدت كاس العصير و كبتو عليه الناس الكل شهقت و هو تصدم يخسايلهاش بش تعمل هكا
-شنية تخسايل روحك ياشسمك بش تشري بنات الناس الكل بفلوسك زايد مخك مسخ ماشي فيبالك البنات الكل كيف اللي تعرفهم إنت تعرف كان نشكي بيك قداه تقعد ولا تعرف شنية يسموه لتعمل فيه ؟؟؟ مرييضض مريضض والله ربي يشفييكك كان ماجيتش صاحب أمين والله ماندخلك للحبس هيا أسماء نروحو هيا
بقا مبهم مانجمش حتى يجاوبها لسانو بلعو أمين تلفتلو
-مش فازة رجلة صاحبي شبيك ياخي ماكش عارفها معايا؟؟؟  تو نتفاهمو مباعد ستناو لبنات تروحوش وحدكم