أحببت المطلقة💗

الحلقة 12

في القهوة
بهاء كان يستنى في هدى لين دخلت هو هكاكا و يشوفها يتسحر في زينها مشاءالله عليها كاملة و الكمال للله هدى كانت لابسة روب بلو مارين قصيرة تهبل و عاملة مكياج خفيف و حالة شعرها لي كيف الليل لزاد خلا بهاء غارق في زينها
-نجم نقعد
قومتو من سرحتو بصوتها -اي تفضل
قام و قدملها الكرسي بش تقعد
-ماتصورتكش تكون جونتي هكا هههه
-علاه شبيني نبان شرير أنا ههه شو هدى أنا فاهم شتقصد و صحيح ماطلبتش منك السماح بطريقة باهية أما صدقني راني نادم علا لي قلتهولك الكل و ليوم جيت بش نطلب منك السماح بطريقة باهية
- ميسالش بهاء أنا مسامحتك
-لا نعرف من حقك ماتسامحنيش أما.. شنوا؟ سامحتني؟
-اي هههه سامحتك أنا قلبي باهي مانبقاش متغشة برشا على لعباد
-الحمدلله فرحتني و الله ماتتصورش قداه كنت نادم مالا كيف سامحتني نحب نقلك حاجة أخرى
-إنشاء الله خير هههه
بهاء وقف و هبط على ركبة و نص و جبد باكو صغير من جيبو و حلو هدى تصدمت
-هدى أنا ملي ريتك حبيتك حبيت كلامك زينك كل شي فيك ونتمنى إنك تشاركني نفس الشعور ميسالش قول مهبول قول متسرع لتحب عليه راني 5شهور نتبع فيك من بقعة لبقعة هدى تقبل تكون معايا تكون شريكة حياتي في الحلو و المر؟؟ أنا مش بش نغصب عليك شي و مش بش نلزك و رايك نحترمو أما نتمنى إنك تقبل
-شو بهاء أنا راو...
مخلاهاش تكمل كلامها حط صبعو فوق فمها بش يسكتها
-اشششش🤫 نعرف شنوا بش تقول أنا تبت ياهدى و راس أمي و بابا لي في قبرهم تبت و شديت الثنية و وليت إنسان باهي هدى مذابيا تجاوبني ماتتصورش قداه مزروب والله إنت تقول اي منا و من غدوة نمشي نخطبك من بوك منا تهنى والله كلمة رجال
-بهاء بهاء أسكت شويا أمان خليني نحكي🙂
أنا فايقة بيك تبع فيا ليك برشا ماتقليش كفاه فقت خاطرك بهلول ههههه علاش مشيت قلت لطفل لكان واقف معايا ماعادش يقربني ههه أما توا فهمت علاش
بهاء بش نكذب كان نقول مانحبكش أنا من ليلة لتغششت كيف جيت طلبت مني السماح حسيت بحاجة غريبة و مع طول المدة كيف نشوفك مع أمين قلبي يدق
-شمعناها لكلام هذا معناها حتى إنت...
قصت عليه و قتلو -اي حتى أنا نحبكك⁦❤️⁩⁦❤️⁩
بهاء مالفرحة قام حملها و بدا يدور فيها كالمهبول
-هبطني بهاء هبطني يامهبول هههه
-نوعدك ياروحي مستحيل نسلم فيك مانعيشك ملكة و مستحيل نخلي هالعينين يبكيو ⁦نموت عليك ❤️⁩⁦❤️⁩⁦❤️⁩
نمشو لأسماء لكيف وصلت للبحر غمضلها أمين عينيها
-أمان أمين ماتخوفنيش فين هازني
-تي يزي أسماء ياخي ماعندكش فيا الثيقة؟؟
-عندي أما أنا نخاف مالظلمة
-ماتخافش هاني معاك
هما يمشو هكاكة و يوقف أمين و ينحي يديه من فوق عينين أسماء منظر روعة مانحكيلكمش أسماء شهقت تشوف في البلاصة مزينة بالورد لحمر و الأضواء تهبل و الطاولة مزينة بكل أنواع الماكلة لتحبها قامت تبكي ياخي تلفتلها أمين -هههه زايد ماتكبرش ملي عرفتك وإنت تبكي ياربي يصبرني شيستنا فيا
-أممميي..نن. هذا الكل عملتو ليا أنا🥺🥺🥺
-مالا لشكون ياروحي
ستغربت مالكلمة قداش عجبتها من فمو أول مرة تسمعها من راجل الكلمة هاذي -ماتستغربش أسومتي شوف لفوق
هزلها راسها للسماء ياخي طرشقت طرشيقة فيها كتيبة    would you marry me
أسماء فرحت برشا الفازات هاذم تشوف فيهم كان في المسلسلات و ليوم عملهملها حب حياتها الراجل لحبتو و ملي شافتو تغرمت بيه ليوم أحسن نهار في حياتها