أحببت المطلقة💗

الحلقة 14

-وليدي أنا نجمش نقلها و زيد شبينك و بينها سيب الطفلة خلي تفرح أصلا عرسهم بعد 12يوم (تفاهمو أسماء و أمين بعد 12 يوم بعد ماتكمل أسماء القراية أما بهاء و هدى الجمعة الجاية خاطر كل واحد يحب يعمل عرسو في بلاصة بهاء في صالة و أمين في دارو)
-ههههه بجدك تحكي يامي؟؟؟ توا تقلي هالكلام؟؟؟؟
هو كمل هالكلمتين و هز روحو و خرج مايحبش يبلبز كلام مع أمو
-آلو إسماعيل إيجاني توا توا للشركة
- أوك بوص
وصل إسماعيل للشركة دوب ماشافو تيم مشالو يجري قالو يتحرا على بروف في فاك***** و يلزمو قبل الصباح يعطيه المعلومات الكاملة
مع 5 متع الصباح إسماعيل دخل لبيرو تيم وجهو ملخلخ و أصفر
-شبيك إسماعيل شفما؟ ماعرفتوش الط***؟
-لا بوص عرفتو أما..
-أما شنوا؟؟ إسماعيل ياصاحبي أنطق ياز**
حكالو إسماعيل لعرفو على أمين الكل تيم تصدم أسماء شموصلها للشخص هذا و من بين الناس الكل ماطاحت كان بالشخص هذا جن بيرو كامل كسرو لازمو يلقا حل على قريب مالازموش يخليها بين يدين حتى ط***
                         **********
-صباح الخير هدهد هي فيق عندنا برشا قضيات راو
-اممم تي خليني نرقد برا أقرا على روحك
-مش ماشية ليوم لازمنا نبداو ماليوم نقضو و شوف نخلطو و شوف لا
-باهي هاني بش نقوم
قامو لبنات فطرو و حضرو رواحهم  أسماء كلمت أمين بش يهزهم ياخي قلها لهو لاهي يشوفو بهاء جاهم بهاء و هزهم ثنية كاملة و هما يضحكو و يحكيو مشاو في اللول خذاو رونديڥو مع الحجامة و باعد تعداو للبوتيكات أسماء عطشت مشات بش تاخذ دبوزة ماء مالعطار و خلات هدى تقيس و معاها بهاء هي هكاكة و تاقف قدامها كرهبة كحلة فيمي يتحل باب و يهزوها زوز رجال يطلعوها و يمشيو عجاجة كإنو ماصار شي
هي تبكي و تتصكك تحتهم و ماهي فاهمة شي و لا شكون هالرجال و شيحبو عندها
-سيبوني أماانن شكونكم إنتوما😭😭😭😭💔 يا أمييينن بههاااءء هددىى إججرييولييي😭😭😭😭😭
-تي أسكت كسرتلي راسي يا ن** (هو جابش يضربلها و يوقفو صاحبو)
-شبيك أصاحبي نسيت شوصانا البوص تحب يقتلك؟؟
-شكون البوص شيحب عندي أماان سيبوونيي😭😭😭 ياخي ماعندكمش خوات؟؟؟ ااااا يامي شو وين خليتنيي😭😭💔💔💔💔
زادو شويا وغمضولها عينيها بشوليقة كحلة
-شفماا شبيكم غطيتولي عينيا؟؟؟💔💔💔💔
-إمشي أهبط و أسكت خيرلكك
دخلوها لڨاراج كبيير و قعدوها على كرسي و ربطوها و خلوها هكاكة تعيط
                         *******
-اي سيدي قلنالك معلومات لكل كان تاليفونها هزاتو معاها ماهيش ضايعة و لا هاربةة
-أسماااء أختيي خطفوها يابهاء خطفوهااا يا ناري على أخخختي😭😭😭😭😭💔
-تي علاش تقول هكا حبيبي تفائل خير و زيد أسومة نعرفها قوية
-شنوا بش نقولو لأمين بش نقولولو ضيعنالك مرتك؟؟؟
-ماتخافش ياروحي تو نتصرف أنا يزي مالبكاء
خرج بهاء هو وهدى من المركز بعد ماعطاهم نمروها بش يا
تبعوها بج ب س  بهاء كيف حكا لأمين جن جنونو قلب البيت سافيها على عاليها
-كفاش تضيع من بين يديكم بهااء قللييي كفااشش تخليها تخرجج وحدها أماننة بعثتها مععااكك ااااهه ياأسمااء كان نعرف هكا مانخليكش وحدك
-يزي ياخويا هدي أعصابك بالك مشات لبلاصة و زيد أسماء مش صغيرة بش نمنعها مالخروج وحدها
-أنا نعرف شكونن ورا هالعملة أنا نعرف والله مانقتلو و نشرب من دمو
هو قال هاك الكلمتين و خرج و خلا بهاء مبهم مافاهم شي بالطبيعة أمين كان يعرف لباز تيم هو مولا العملة عارفو مش ناوي عالخير