وصية غيرت الكثير

آلبہآرتہ/24 الجزء الثاني

مرحبا حبايبي

وصيه*غيرت*الكثير

البارت*24

آلكہآتہبہهہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕
♕
♕
♕
باوعت من شباك الطياره للغيوم
ياترى بأي مكان انت بهذه السماء
لو تعرف محبوبتك شكد مشتاقتلك وكلبه محروك على غيابك اني ادري انت زعلان ولهذا السبب ما جاي تزورني بحلمي لتزيده عليه ياروحي انت تعال خل اشوفك وهونه عليه

غفيت واني افكر بيه كعدت على صوت تولين
: ريم اكعدي وصلنه
فتحت عيوني الطياره فارغه بس اني وهيه
: لعد وين مصطفى
: نزل يتصل بصديقه يجي ياخذنه كال اكعدج ونروح وراه
كمت بسرعه ونزلنه لكيناه ينتظرنه
مشينه للمكان المتفق عليه اجه ناحيتنه شاب مرتب مبتسم مدري شحجه بالتركي بس اكيد سلم همه ردو عليه واني بس صافنه كلشي ما افتهمت
صعدنه بسيارته انطلقنه
جان طول الطريق يحجي ويه مصطفى بس كلشي ما افتهمت حسيت نفسي مثل الاطرش بالزفه قررت بس نستقر اتعلم لغه تركيه
ساعتين تقريباً يله وصلنه للبيت جانت بوابته ذهبيه اول ما ندخل تلاكينه حديقه كلش جبيره والبيت عملاق لاكانه رجال جبير وواحد يبين عمرة 16او 15 وتلث نسوان ثنين عمرهن وسط ووحده شابه
ما فهمت شحجو بس جان مبين يرحبون بينه
تولين: هذوله الخدم
هزيت راسي بدون ما احجي اول ما دخلنه لزم مصطفى ايدي وحجه وياهم بالتركي بعدين باوعلي وكال
: بلغتهم انت زوجتي وصاحبت هذا البيت
ابتسمت بدون ما احجي سحبني وصعد فوك للطابق الثاني
وكف كدام احد الغرف فتح الباب ودخلنه انبهرت من تصميم الاثاث
: هاي غرفتنه عجبتج
: اي كلش عاش ذوقك
: بعد صارت غرفتج الشي الميعجبج تكدرين تغيرينه
: لا حلوه نبقيه هشكل
: روحي اسبحي وارتاحي الخدم يفرغون الجنط
حجاهه وعافني وطلع

ريم: مر شهرين واني بتركيا نطلع دوم للمطاعم لو نفتر كلش حلوه بس عدم معرفتي بلغتهم حيل مظوجتني من نطلع والخدم ما افهم عليهم وتولين ومصطفى مرات يحجون بالتركي كدامي حيل انزعج لان ما أفهم قررت ادخل دورة حتى اتعلم أللغه التركيا
علاقتي بمصطفى عاديه مثل قبل صح تجمعنه غرفه وحده وسرير واحد بس ما حاول يتقربلي لأن صديته اول مرة اكيد هو يريد هذا الشي خصوصاً يحبني بس احترم رغبتي صح يحظني ومينام اذا ما انام بحظنه بس ما حاول يتقرب وياخذ حقه الشرعي وهذا الشي كبره بعيني
وزاد معزته عندي وكمت اكثر أحترمه

اماني يوميه اتصل بيه سعيده بحياته الحمدلله ومهرة وساره ما اتواصل بيهن يومياً كل يومين او اكثر يله نتصل ابعض
مهرة دوم تشكي من ثقل حمله ودكول احس بحركه لطفلين بس من تفحصه الدكتورة يطلع طفل واحد وهم بنيه
تولين صح تركت كرم بس بعده تحبه وتنزل دموعه من تذكرة
ويزن اااخ يايزن كلبي راح ينفجر لان صار شهرين مزايرته ابد ما متأخرة هلكد عليه وفوك هذا محلمانه بيه اول مره ما يجيني بالحلم هلگد