وصية غيرت الكثير

آلبہآرتہ/13 الجزء الثاني

مرحبا حبايبي

وصيه*غيرت*الكثير

البارت*13

آلكہآتہبہعہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕

حسيت رجفه برجليه من سمعت حجي أسد كلت هاهيه جابو خبر يزن
أسد: مشكور يابه فيمالله
سد المبايل الكل باوعله بخوف
احلام: احجي ولك اخوك شبيه
أسد مابيه شي صاحبه يكول يزن من وصل جان الهجوم مخلص بس ملتهين بالجرحه والشهداء هسه راح يكله اهلك يخابرون عليك
الكل تنفس براحه واني حصرتني البجيه عفتهم ورحت للغرفه تمددت بفراشي وبجيت لحدما غفيت

فزيت من حلم مرعب جان يزن بصحراء وداير مادايره ذيابه وماعنده شي يدافع عن نفسه بيه بس عوده ينشهن عنه لحدما هجمن عليه هجمه وحده ومزقنه
كعدت عرگانه باوعت وحدي بالغرفه شلت مبايلي الساعه بتسعه كمت اشوف اذا اجه يزن لو لا
لكيتهم مجمعين بالصاله ويزن بنصهم بجيه لوين واصل وبعده بملابس العسكريه
أحلام: كافي ولك يمه كافي
يزن: ااااخ يمه ربعي كلهم راحو أستشهدو كلهم لو تشوفونهم وجوهم تشع نور تمنيت اني وياهم وخالص من هاي دنياي
احلام: اسم الله عليك ياروح امك
يزن: بسببي الصار التهديد جان الي عبالهم اني بالدوام وهجمو بسببي نصهم ماتو
أسد: لا تحجي هيج بيك وبلياك صاير الصار وهذوله ربك كاتبلهم الشهاده
ريم: الحمدلله على سلامتك يزن
الكل باوعلي وهو اولهم هزلي راسه بدون ما يحجي
رضا: كوم بويه اسبح واستراح شوف اهدومك كله دمايه
يزن: دم ربعي هذا يابه
حجاهه وبجه بحركه حظنه عمو رضا وبجه وياه خلونه كلنه بجينه الجاي يصير يبجي الصخر شباب بعمر الورد جاي تروح بلايه ذنب

شويه وكام يزن راح بوجه للحمام لحكته خاله بملامسه رحنه اني والبنات للمطبخ
أماني: شعجب ماودعتي عمو ومصطفى من راحو
ريم: شوكت راحو اصلن ناسيتهم
أماني: بالسته راحو شكد كعدناج ماكعتي
ريم: ولا ادري
تولين: اسويلج ريوك
ريم: لا ما اشتهي
اجت خاله احلام تمسح بدموعه فتحت الثلاجه تريد تسوي غده ماخلنه البنات كالن هنه يسون اجت كعدت يمي
شويه ودخل عليه يزن وجه كأيب وعيونه حمر وبلكوه يحجي
يزن: يمه اريد جاي اذا بيج حيل واذا اكو حبايت راس
احلام: اي يمه تدلل
حجته وكامت
ريم: لا خاله اكعدي اني اسويله ارتاحي انت
احلام: لا يمه انت هم تعبانه للصبح ظليتي كاعده ويانه اصلن روحي نامي وارتاحي
لا ارادياً اجت عيني على يزن لكيته يباوعلي
ريم: لا خاله مابيه شي اصلن كلنه البارحه ظلينه كاعدين وياكم مو بس اني
حجيته ورحت خليت قوري الجاي على النار
ألتفتت لكيت يزن ماكو
علما حمه الجاي حظرت الكوب وجبت كلاص مي خليته بالصينيه وعلاج وجع الراس
صبيت الجاي وأخذته أله دكيت الباب صاح ادخل
فتحته ودخلت خليت الجاي كدامه جان هو كاعد على الجربايه توني ردت اطلع حجه هو
: البارحه خفتي عليه
: اي
: جا انت مو ماتحبيني ليش تخافين عليه  وتظلين سهرانه للصبح
: شي طبيعي اخاف عليك لو اي واحد من اخوتك جان بمكانك تصرفت نفس التصرف
ظحك بستهزاء مثل المامصدك
عفته وطلعت رحت للغرفه مدتت بفراشي اباوع للسكف شأريد اني ما انهي هذا البعد ونرجع لبعض ليش محمله نفسي كل هذا الوجع
طلعت من افكاري على صوت مبايلي يدك
باوعت للشاشه مصطفى