وصية غيرت الكثير

آلبہآرتہ/18

مرحبا حبايبي

وصيه*غيرت*الكثير

البارت18

آلكہآتہبہهہ♕كہؤثہر حہسہنہ

قراءه ممتعه
♕
♕
♕
♕
♕
♕
♕
♕
♕
♕

قررت بهاي اللحظه احجيله كلشي
بس كبل لا احجي صارت عيني على ايده وذكرت البارحه شلون روحه محروكه على هبه وشلون تحمل نار الجكاره وماهامه الوجع
مستحيل احجيلة عن حبي ويشفق علية لو ينسى هبه بيه اني ماناقصني شي واخلي روحي بهيج علاقه الكاتبة الله يصير
: مابيه شي صدكني واذا ابجي مو معناته طايحه بمشكلة جبير او شي ثاني انت ما تدري البنات يبجن على اتفه الأمور
توه راد يحجي وطبت امي وزينب بيده الجاي
شرب جايه بسرعه وكام
: يله اني اروح يمج العافيه مهرة
: وين يمه ظل على العشى يمنه
: لا عمه عدي شغل خيره بغيره ها زينب اظلين لو ترحين وياي
: اروح وياك
: يلة مشينه

سلمت على مهرة وعمتي ورجعنه للبيت من طبينه للمطبخ لاكانه كرم بيده خياره ياكل بيه
: ها اكو خيانه وين جنتو طالعين من دوني
: اخذت زينب ورحنه نشوف مهرة مريضه كلش اخذتلة دوه ورحناله
باوعت لكرم رمق سلام بنظرة مثل حد السيف بس سلام ما انتبهلة
عافنه سلام وراح باوعت لكرم يغلي كعد على الكرسي وعاكد حواجبه العصبيه واظحه علية
: كرم تعال بالحديقه اريد احجي وياك
: شكو شتردين
: تعال نسولف بره
زفر بقلت صبر وكام طلع برة طلعت وراه
كعد بالحديقه وكال يله احجي
بقيت ساكته شوية ما اعرف شلون ابدي
باوعلي وكال: شبيج ماتحجين

: ترى اني شفتك شلون خزرت سلام وشوف شلون صرت عصبي بس سمعت رايح يشوف مهرة
: هو شعده رايح يشوفه ونوب ماخذلة دوه
: هاي شبيك كرم واذا ترى مابيه شي اي واحد بمكان سلام يسوي نفسة
: همه من شوكت حبايب شو كلما كعدو سوه يتعاركون شصاير هسه لو هذا حظي
: لا حظك ولا شي وانت تعرف كل الزين سلام لا يحب مهرة ولا شي فمالة داعي كل هاي العصبيه انت تدري سلام يحب هبه وبس
: بس هبه راحت وخاف يكوم يحب مهرة وياخذه ولج غير اموت احبه انه
: اول شي سلام يرادلة هواي يلة يتشافه من حب هبه وشغلة ثانية انت مالازم تخاف يصير شي لان الشغلة محسومه مهرة مستحيل بيوم تقبل بيك
حجه بعصبيه: ليش ليش شناقصني انه
: انت ماناقصك شي بس مهرة تحب اخوك
: يجوز تعوف حبه وتنساه هي لو بس تطيني فرصه اخليه تنساه وتحبني بس اني
: الحب مو اختيار ولا غصب هو شي يجي وحده ومهرة من حبت سلام ما اختارت هذا الشي ولو جان اختيار ماصار كل هذا ليش تحب واحد يحب وحده ثانية وامل اصير اله مستحيل فلا انت ولا غيرك تكدرون تنسون مهرة حبه لسلام
: لا اكدر انسييه سلام
: كرم حبيبي انت ليش ماتفهمني اني اقرب وحده لمهرة من الزغر واحنه روح وحده اخيتي واني اعرفه كل الزين حبه لسلام شي اعجز عن وصفه وحتلو تكدر تنساه مستحيل تقبل بيك مو قصت ناقصك شي بس ماتكدر تاخذ اخو التحبه انت فكر بيه صعبه حتلو تنساه وتحبك ما راح تعيشون مرتاحين
هي ماراح تبقه طول عمره بدون زواج بس اكيد ما راح تختارك انت ومثل ماكالتلك هي ماتاخذ واحد من ولد عمي حتى ماتكون قريبه من سلام فمابالك انت تريده
: اي صخميه بوجهي صخميه
: مو اصخمه بس هاي الحقيقه كرم عليك الله لا تخلي حبك لمهرة يخرب خوتك انت وسلام ترى ماعندك غيره اخو لا تحملة ذنب مو ذنبه
بقه ساكت ماكال شي
فجأه سمعنه صوت سلام
: كرم عندي شغل ومابيه اسوق ماتجي اتروح وياي
باوعلة كرم بدون مايحجي انوب رجع باوعلي وكام من مكانه وكال
: يله امشينه
باوعتلهم طلعو ثنينهم دعيت ربي مايتخاربون وصير بينهم عداوه