وصية غيرت الكثير

آلبہآرتہ/25

مرحبا حبايبي

وصيه*غيرت*الكثير

البارت*25

آلكہآتہبہهہ♕كہؤثہر حہسہنہ

قراءه*ممتعه

♕
♕
♕
♕
♕
♕
♕
♕
♕

الرؤيه كدامي ماواظحه أشوف بغشاء احس ظربات خفيفه على وجهي  لحظات وتوظح كلشي سلام كدامي بدون قميص يحاول يكعدني
بس شفته طاحت دموعي جريت الجرجف غطيت جسمي ودرت وجهي عنه
هو كبل لبس هدومه وطلع
كمت اني لملمت شتاتي ورحت للحمام حتى نسيت اخذلي هدوم
كبل شغلت الدوش وكعدت جواه ما اكدر حتى اوكف اباوع للكاع صار بيه دم
تذكرت لحظات أغتصابه معقوله هذا هو الانسان الحبيته هذا هو سلطان كلبي المارظيت بيوم اتنازل عن حبه واحاول انساه واني جنت فاقده الأمل بيوم ننجمع
تاليه باحلا يوم بحياتي هيج يسوي
كمت ابجي بلا وعي واظرب على وجهي من حركت كلبي
ليش ليش هيج يصير وياي اني بذات ليش حبي هيج صعب ياربي
كمت ما اعرف منين الوجع من كلبي لو من جسمي
حتى مشي بالكوه اكدر امشي الالم أكلني
من شفت الدم انكطع كمت طفيت الماي
باوعت بالحمام اكو روب ومنشفه بيض
نشفت شعري ولبست الروب وطلعت بالكوه امشي
ودموعي ماتوكف

جان هو راجع للغرفه كاعد على الكرسي ومدنك ولازم راسه بديه
فتحت جنطتي وطلعتلي هدوم ورجعت للحمام ابدل
هم جان طايح عليه دم شسوي هسه حتى لوازم ماعندي
طلعت اشوف شي بالجنطه يفيدني
دبرته شلون ماجان رجعت كعدت على المقعد كدام المرايه توجعت حيل متأذيه مشطت شعري شلون ماجان لان كاعده على اعصابي وماعندي حيل حتى اظل واكفه
ندك الباب كام فتحه جايبين جراجف اخذهن وسد الباب شمرهن على الجربايه ووخر القديمات لان انعدمن دم
انوب اخذله هدوم وطب للحمام
كمت اني اخذتلي مخده وجرجف طفيت الظوه ونمت على القنفه جانت شويه جبيره
كلبي يوجعني منه ما اريد انام يمه

شويه وحسيت عليه طلع
ظليت بس ابجي شكد حاولت اسكت بس مو بيدي ما اكدر حيل نجرحت منه كمت اناشغ بصوت عالي خليت ايدي على حلكي كاتمه الصوت
وهو لا حس ولا خبر شكد نقهرت هسه حتلو مايحبني بس مو لهدرجه
ظليت للصبح كاعده يمكن نمت بس ساعتين
ساعه ابجي ساعه افكر اذكرت كلام أسد واماني حذروني من هذا الزواج بس كل الصار واني ماندمانه
الحب الحقيقي لازم نتعبله واني راح اتعب واتحمل كلشي واخليه يحبني

بين دمعتي وتفكيري غفيت
فزيت على صوت الباب يندك فتحه سلام وأخذ الريوك خلاه على مائدة زغيره وباوعلي وكال
: صباح الخير
درت وجهي عنه ومارديت عليه
: يله كومي تريكي
: اكل انت اني شبعانه
حجيته وكمت للحمام شفت روحي طايح عليه دم بس مو كلش هواي بدلت وغسلت وطلعت لفيت شالي وطلعت عباتي خليته على القنفه
كام هو غسل وبدل حجه وهو يمشط
: شو مطلعه عباتج وين تردين
: جا شني ما نرجع للبيت
: وياهو كالج اليوم نرجع
سكتت ماحاجيته
: ولج ولا متعود عليج ساكته شنهي كصو لسانج كبل لا تعرسين
باوعتله وحجيت بقهر
: انت شنو من بشر شنو من كلب شايل بعد كل السويته تحجي وياي طبيعي جنك مامسوي شي
: لو تشوفين زينب ليا حاله وصلت بسبب اخوج جا ماحجيتي هيج
: وانت شني التعرفه عن حيات زينب وأسد غير اليعرفه الكل حتى تحكم
: والله اليعرفه الكل كافي
: واني شني ذنبي من كل هذا
: انت اخت أسد
: انت كلته أخته يعني مو هوه ليش تعاقبني بأغلاط غيري ترظه هذا الشي يصير ويه زينب وتتعاقب على شي هيه ماسوته
: زينب عاشت الاسوء كافي تخله عنه اكثر واحد حبته وبعدين شني انت وجيبين روحج لزينب
: بس موذنبي اذا عاشت شي مزين والزلمه الزين يعرف ياخذ حك أخته زلمه لزلمه
طفر عليه وكظني من متني وكال وهو راص على سنونه
: شنهي قصدج اني مو زلمه
: البعبه صخل يمعمع شني شوكت كلت انت مو زلمه
ركعني راشدي خله اذني تصوفر كبل طاحت دمعتي اوووف منهن يارخصهن بسرعه يطيحن
باوعتلة واني لازمه خدي عافني وطلع وهو معصب
بس طلع نهديت بالبجي