وصية غيرت الكثير

آلبہآرتہ / 15

مرحبا حبايبي

وصيه *غيرت*الكثير

البارت*15

آلكہآتہبہهہ*كہؤثہر حہسہنہ

قراءه ممتعه
♕
♕
♕
♕
♕
♕
♕
♕
♕
♕

علي: شبيك طفرت جنك واحد مكروص
كلبت عيوني ورجعت كعدت وهو هم كعد بالجهه الثانية باوعت لسلام مستغرب ليش ما سلمنه واحد على الثاني
شعنده علي هنا معقولة جاي يكل لسلام واذا كالة اني مامسوي شي غلط
انتبهت لعلي يباوعلي بخزرة ووجهه مايكصة الطبر
سلام: بلة شوفني الأوراق
علي: هاك ابوي يكول خل يتأكد منهن مامطمن لهذا صاحبه يكول اشك مزورات
أخذ سلام الأوراق بقة يباوع بيهن شوية بعدين كال
: اي مزورات همزين عمي ماماشي بيهن جا ألاصت وعلي اقل شي ينسجن بسببهن ست أشهر لو ألكف
: همزين كال اخذهن لسلام يشوفهن
: اي جا راح بيه هلوكت مابيه امان
: اي اقرب الناس لك تطعن بيك
باوعتله بخزره جان يباوعلي بغضب
: يلة سلام اترخص اني
: لا يابه وين رايح ابقه على العشى
: مشكور خوية بس عندي شغل ما اكدر غير مره
كام حتى يروح وسلام طلع وياه دقيقه ورجع
صبلنه جاي وكال
: صاير شي بينك وبين علي
: لا
: جا ليش ما سلمتو
: ماشفته شلون حجة من طب وتريد اسلم علية
: بس صدك انت شبيك من شفتة هيج طفرت
: ماكو شي ويله سد طاريه
: اكلك بهذا الشهر راح ابدي بالبناء
: خير انشاء لله
: علما يخلص البيت اصير سنه وراه لازم اجمعلي مهر ومن هاي السوالف واخطب هبه
: الله يتمم على خير
: امين

مرت الأيام والأشهر وصار سنه اني وزينب سوه مايوم زعلتني او عاندتني حبي جان كلما يمر يوم يزيد وشخصيتة الهادئة خلتني اعشقة دائماً نلتقي من تجي لبيتنة او اصير مناسبة صار حبه يمشي بشرايني مايكمل يومي اذا ما احجي وياهة ما انام اله على صوته السنه تدرس سادس وهي ناوية تروح طب يرادلة جهد لازم حتى اني اقلل مكالماتي وياهه حتى تدرس عدل
سلام خلص بنيانه كلش فرحان كال هليومين اخطب هبه فرحان كلش خطيه ربي يتممه ويفرح وياخذ رويحته على كولته

: ولج زينب راح انجلط ولج كل طابوكه تنحط بهذا البيت احسة تنحط على كلبي خوب من لبخه حسيت الجبنتو بشرايني
: خرررب يومج حتى حزنج تحشيش هههههه
: لا تظحكين لا اكوم ادوس ابطنج ولج راح اموت بس اي انت شرايحلج حبيب الكلب مكابلج وميت عليج مو مثلي عاشك غيري يبوووو
: لا والله شنو شرايحلي غير كلبي معصور عصر عليج
: بس حقه سلام شيحب بية اذا الوجه ازرك وين هبه وين اني اني زركه هي شكره 
: لا مهرة لا تقللين من نفسج انت كلش حلوه سمارج لايكلج وعيونج غير يوكعن الطير بس شعرج وسواده يسواله ألف شكره مثل هبه
: اي عود اصبغي بيه هو غير اني اسلك علية جا شلون سلام غير حلكه محمر وحده وخدوده ورديات ياربي شكد شايلة بياظ والأصابع يبوووو ينكرطاً كرط خايبه خل انتحر احسلي
: انجبي اني ما ارظه هيج تحجين على روحج بعدين كل واحد جمالة يختلف وهي صح كلش حلوه بس روحة مو حلوة مثلج
: خيه شتفيد الروح هسه الشكل يمشي كليلي شوكت يخطبه
: ما ادري والله
: ومرض اكو وحده ماتدري اخوه شوكت يخطب
: جا شمدريني ما حاجي بعده
: البيت وخلص اكيد ما ظل شي على زواجهم ولج وين اروح وين اولي اهج اي اهج هذا احسن حل
: على كيفج وية روحج دموعج نشفن شوفي عيونج كل وحده هلكبره صارت وهنه ماشاء اللة ماخذات كل وجهج
: يطبهن مرض خل يولن ولج والله اتخبل اذا اشوفهم ينزفون اموت ما اتحمل
: اسم الله يعمري اوووووف يربي
لمت روحه بحظني وزادت شهكاته محد جان بالبيت امي طالعة يم اعمامي وسلام وكرم بره
: ولج انوب بيته بانية بصف بيتنه حايط على الحايط يمه كلبي
حظنته حيل وكمت ابجي على بجيه