وصية غيرت الكثير

آلبہآرتہ /7

مرحبا حبايبي

وصيه*غيرت*الكثير

البارت*7

آلكہآتہبہعہ♕كہؤثہر حہسہنہ

قرأه*ممتعه
♕
♕
♕
♕
♕
♕
♕
♕

احلام: هلا ومرحبا هلا بيجن البيت بيتجن
تفظلن حبيباتي
اماني: شكراً خالة
استقبلتنة خالتي ام اسد بالباب هي وبتة مهرة وساره
سلمت علينة مهرة واخذت الجنطة مني وساره اتصرفت طبيعي باستنة اني وريم وهي مبتسمة بهدوء عكس مهرة الجانت طايرة

ترحيبة هي وخالتي جان حار ومبين صدك فرحانات بوجودنة
دخلنة جوة كعدنة بالصالة عمو رضا مدري وين راح
اجتي ساره كعدت يمي لميتة لحظني بكل حب

احلام: خالة متعشيات انسويلجن عشة
اماني: لا خالة متعشيات شكراً اعذرينة ادري راح انثقل عليكم
احلام: لا تحجين هيج ترى ازعل شنو اثقلن علينة حالجن حال مهرة
اصلن وجودجت راح يونسنة
مهرة بهمس: ايونسنج لو تردين ازوجين ولدج بروسهن
كرصتني من فخذي خلتني اطفر من مكاني
باوعلي البنات بستغراب
كتلهن راح اجيب مي واجي

شوية ودخل عمو رضا وسديد وياة وجان ظايج
رضا: ها بوية اختاريتن غرفة
احلام: لا بعدهن
رضا: ياخذن غرفت مهرة لأن ريم صعبة علية تصعد وتنزل يبقن جوة 
أماني: لا عمو شلون ناخذ غرفت مهرة
مهرة: عادي حبيبتي اني اخذ الغرفة الفوك
سديد: اي انت وساره
أماني: ليش ساره تبقى ويانة
سديد: اني اريدة تبقة قريبة علية
اماني: اعتقد انت مو بغير كوكب
سديد: كلامي مايتغير
اماني: من اصير زوجتك عود قرر
قبل ليرد سديد ايد عمو رضا كلامي فنفض سديد ايدة بقوة وطلع

بقينة كاعدين شوية وبعدين اخذتنة مهرة للغرفة مالتة
الطابق الأول جان متكون من تلث غرف اما الطابق الثاني ما اعرف
مهرة: هسة هاي صارت غرفتجن
اماني: اني اعتذر لأن اخذنة غرفتج
مهرة: لا حبيبتي عادي احلا شي ماعدت البنت الوحيدة بالبيت
ريم: لعد الغرف الباقيات ألمن
مهرة: وحدة لأمي وابوي والثانية لخوي يزن
اماني: عندج اخو ثالث عبالي بس اسد وسديد
مهرة: هو ابن عمي بس عايش ويانة من هو وزغير
حالة حال اسد وسديد
اصلن مايرضة احد ايكلة انت مو ابن حجي رضا
متعلق بينة كلش احنة عائلتة الوحيدة
ريم: لعد ليش معايش وية أهلة
أماني: ريييم
مهرة: لا عادي خل تسأل هي صارت وحدة من العائلة
ساره: ما شفتة لعد وين هو
مهرة: هو ملازم اول وحالين بلدوام بعد سبوع يلة يجي صارلة شهر من صعد عدهم مهام ما ادري شنو

ريم: انت شكد عمرج
مهرة: اني بكد ساره
أماني: يعني بعدج تدرسين
مهرة: لا تاركة اني ما احب المدرسة
اماني: لا ليش الشهادة بهذا المجتمع تلعب دور
والأستقلال حلو
مهرة: ادري بس اني ما احبة شأسوي
ما اكدر اغصب نفسي على شي ما احبة