وصية غيرت الكثير

آلبہآرنہ/20 الجزء الثاني

مرحبا حبايبي

وصيه*غيرت*الكثير

البارت*20

آلكہآتہبہهہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕

مهرة: اليوم عمليت زينب امس حجيت وياهه حيل ظايجه وتبجي لأن سلام بعده زعلان عليه
كلت خل احجي وياه بلكي سامحه ما اكدر اشوفه هيج تبجي
دكيت عليه بسرعه رد
: هلا بهل صباح
: هلا سلام
: هلا بيج بس لا شتاقيتيلي
: اكيد لا اريد احجي وياك بخصوص زينب
:شبيه
:ترى اليوم عمليته شلون تظل زعلان عليه مو خطيه حيل مقهورة
:شني هي ودتج عليه
:لا والله اصلن ما تدري احجي وياك
:مهرة السالفه البيناتنه جبيره
:اني ادري بيه صح زينب غلطت غلط جبير بس لازم نسامحه اول شي أحنه أهله لازم ننصحه ونصلحه مو نتركه وثاني شي زينب ندمت ومعترفه بخطئه وكل احنه نخطئ ودفعت ثمن فعلته عانت هواي وتعلمت الدرس
:ترى واحد غيري يدفنه فوك عيبته خسرت صاحبي وخربت علاقتي بيه وظلمتج هواي وهم خسرتج وتوه جايه تحاجيني وتعترف بالسوته ترى السالفه ابد مو سهله
:عليك الله انسه السالفه وتراظو
:صعبه نرجع طبيعي
: سلام خاف ناسي هاي زينب اختك الوحيده مدللت بيتكم الماترفظوله طلب انت جنت تعامله عبالك بنيتك تذكر بعرسه شلون حظنته وبجيت كدام الكل مع العلم هي ما رايحه بعيد يمكم لا تخلي غضبك منه ينسيك محبتك وعطفك عليه أنت جنت اكثر واحد مداريه لا تعوف اخيتك وهي بأمس الحاجه لكل نفر بيكم وانت معزتك بكلبه تختلف
اتمنى تاخذ كلامي بعين الاعتبار وتروحله كبل لا تسوي العمليه
ظل ساكت ما كال شي كتله
: يله مع السلامه
وسديت المبايل
ورحت احظر نفسي حتى اروحله

أخذني سديد للمستشفى سلم عليهم ورجع
جانت بس هي وعلي وأمه بس شافتي حظنتني وبجت
: شبيج حبيبتي ترى العمليه سهله عليمن خايفه
هزت راسه بدون ماتحجي اني ادري تبجي مو من العمليه بس لان سلام بعده زعلان عليه
كالو لازم نحظره للعمليه دخلت للغرفه هي وعلي

زينب: لبست ملابس العمليه علي واكف يمي يحجي وياي واني بالي مو يمه كل تفكيري بسلام شلون هنت عليه وما اجه شافني كبل لا اسوي العمليه
طلعت من عالم افكاري على باب الغرفه ينفتح بقوه
باوعت للدخل اذا هو سلام
باوعلي بعطف اتقدم عليه اني كبل طاحت دموعي كل عمري متعوده على عطفه وحنانه ما متعوده على قسوته وزعله
مد ايده على وجهي مسح دموعي وحظني وكال
: انت تدرين دمعج يأذيني ليش تنزلينه
: لأن ما اتحمل تزعل عليه يا نظر عيني وروحي وسندي
: احم جا شخليتيلي ولج طلعت اني مفلس
باوعت لعلي وظحكت حجه سلام وهو يوخرني عن حظنه
: بأذن الله تطلعين بالسلامه ونذر عليه اذبح ذبيحه لسلامتج
: ما تقصر يروحي انت
حجت الممرظه يله لازم تطلعون ونجهز المريظه للعمليه
باس سلام راسي وطلع وعلي حظني كل قوته وطبع بوسه خفيفه على شفتي وابتسم بوجهي وطلع