وصية غيرت الكثير

آلبہآرتہ/4

السلام عليكم احبتي

وصية* غيرت* الكثير

البارت* الرابع

آلكہآتہبہهہ♕كہؤثہر حہسہنہ

قراءه* ممتعة
♕
♕
♕
♕
♕
♕
♕
♕
♕

: بين الوعي ولا وعي ظلام دامس استعيد وعيي دقائق بس ما اكدر اتحرك او حتى افتح عيوني احس بحركة يمي دائماً اسمع وحده تبجي وتبوسني وتتوسلني حتى اطيب بسرعة وشخص يكعد يمي يلزم ايدي ويبوسني منة او ايبوسني من راسي بس مو دائماً يحجي مرات
اكثر شي ايمشط شعري عطرة يترس الغرفة حتلو ميحجي بس يلزم ايدي اعرفة هو من عطرة شكد احاول افتح اعيوني احرك شي من جسمي بس ما اكدر اصلن من اوعة بس لحظات او دقائق قليلة وأرجع افقد

: مثل كل مره حسيت بية دخل اول مايجيني عطرة سمعت صوت سحبت كرسي لحظات ولزم ايدي وباسة تنهد وكال
: شوكت تفتحين عيونج وتباوعيلي بيهن هو اني بس جفون وطار عقلي لو اشوفهن وانت تباوعيلي شيصير بية جااا غير اكوم أهلوس
يحجي وهو لازم كف ايدي حاولت احرك ايدي بس ما اكدر وأصلن بديت افقد ظغطت على نفسي كلش وكدرت احرك الأبهام وأظغط بية على ايدة وبعدهة فقدت ومحسيت بشي

سديد: مثل كل يوم انتظر اماني تطلع من المستشفى وأروح اشوفهة ما ادري شلون حبيتة وهي بهاي الحالة من اصفن اتعجب على كلبي شلون كدر يعشك وحده شبة ميتة
كعدت يمة لزمت ايدهة وبستة اباوع لملامح وجهة بس اريدهة تصحة اريد اول شخص اشوفة هو اني حجيت وياهة وماحسيت غير حركت اصبعة الأبهام ظغطت بية على ايدي بس بحركة جداً خفيفة هنا ماظل عقل براسي طفرت من مكاني حاجيتة حاولت اصحيهة بس ما استجابت ألية طلعت ركظ للطبيب دخلت علية بدون ما ادك الباب اتفاجئ من دخولي وعقد حاجبة
سديد: دكتور ساره حركت اصبعة
الدكتور: انت متأكد
سديد: اي دكتور صدكني توه ظغطة بأصبعة الأبهام على ايدي
الدكتور: اوك راح اشوفهة
طلع الدكتور وطلعت وياه دخل لغرفتة ردت ادخل منعني
الدكتور: من رخصتك
سديد: تتأخر
الدكتور: ربع ساعة مو اكثر لازم اسويلة فحوصات
نهة كلامة ودخل وسد الباب ظحكت واني ممصدك طلعت من المستشفى ركبت سيارتي ومشيت لبيت أماني حتى ابشرهة اول ماوصلت للبيت طفيت السيارة ولزمت الباب حتى انزل بس تراجعت اذا دخلت هسة وحجيتلة شنو راح اتكون ردت فعلة اكيد تنزعج لأن اشوف ساره وماراح ترظة ومن تكعد من الغيبوبة اتبعدهة عني مالازم احجي واظيع ساره من ايدي

رجعت شغلت السيارة ورجعت للمستشفى بقيت انتظر الدكتور يطلع خمس دقايق وطلع ركظتلة واني كلي امل
سديد: ها دكتور بشر
الدكتور: فحوصاتة زينة بس منكدر انحدد وقت كعدتة من الغيبوبة
سديد: بس هي حركت اصبعة
الدكتور: مو شرط تكعد بسرعة بعد ما حركت اصبعة ممكن باجر او بعد ساعة او شهر او حتى سنة
سديد: دكتور انت شكاعد دكول
الدكتور: اني ما انطيك امل كاذب ما اكدر اعرف شوكت تنتهي الغيبوبة
سديد: دكتور ممكن طلب بس متردني
الدكتور: تفظل احجي
سديد: ساره زوجتي ازوجنا عن حب وهي ماعدهة غير اخواتة وهنة ايحاولن ايبعدنه عني بسبب فرق الطبقات وهي صح تحبني بس تتأثر بكلامهن واني ما اريد اخسرهة اريدك ماتبلغ اخواتة انو هي حركت اصبعة او حتى اذا بلغتهن ما اريد يعرفن اني جنت موجود لأن هنة مانعات اشوفة ارجوك دكتور لاتردني اني ما اريد اخسر زوجتي
الدكتور: ولا يهمك مراح يعرفن اطمن