وصية غيرت الكثير

آلبہآرتہ/4 الجزء الثاني

مرحبا حبايبي

وصيه*غيرت*الكثير

البارت*4

آلكہآتہبہهہ♕كہؤثہر حہسہنہ

قراءه*ممتعه
♕
♕
♕
♕
♕
♕
♕
♕

يزن: هه طلقه براسه هو يموت واني اعدام وتدرين بيه مسودن وأسويه هيه حياه وحده لونعيشه مثل مانريد لو نموت بس جربي حظج وياي وشوفي
حجاهه وطلع
اني شبيه ليش هيج اتصرف وياه اريده وخايفه من مستقبلنه الثقه شي مهم واني انسلبت ثقتي بيه
فززني صوت مصطفى من صفنتي
: هو هذا الذاك اليوم خابرج
: اي هو أسمه يزن
: صدك خطيبج
: لا بس على اساس يخطبني وصارت مشكله بينه واني ابتعدت عنه
: انت تحبينه
باوعتله وظليت ساكته
: شصاير بينكم وهيج متخاربين
: صارت شغله هزت ثقتي بيه مع العلم جابلي دليل برائته بس مو بيدي اني صعبه ارجع اثق بواحد نهزت ثقتي بيه
: بس من حجيه ذاك اليوم مبين يحبج
: اني ظايعه لا اكدر بدونه ولا اكدر اعوفه باقيه بالنص

مهرة: اندك الباب لبست شال وصحت منو
اجاني صوت كرم شعنده جاي اني من يوم كال يحبني ابتعدت عنه
فتح الباب الجبير وطب بيده علاليك
: شلونج مهرة
: الحمدلله انت شلونك
: بخير هاج هذا مسواك وداه سلام
اخذت العلاليك ومشيت بيهن للمطبخ حتى ما كتله تفظل اخاف يصير شي اني بغنه عنه
توني خليت العلاليك بالثلاجه كمزت على صوته
: هاج ذني همين
: يمه كمزتني
: هاي شبيج
: عبالي رحت
: غير اكو بعد مسواك رحت جبته من السياره
: شمدريني عبالي بس هذول
: يله اني رايح
دار وجه ومشه وصل باب المطبخ ولتفتلي وكال
: انت ماتردين اطب هنا مو
: لا ليش ما ارظه البيت بيتك
: اني ادري السالفه القديمه ابالج وتخافين اسوي شي يظر زواجج بس لا تخافين باليوم الصرتي على ذمت سلام صرتي بحسبت اختي حالج حال زينب
ظليت ساكته ماكلت شي خله وراح

اول ماراح دك مبايلي
: هلو سلام
: كرم وصل المسواك
: اي بس احنه عدنه مسواك
: ادري هذا لان صحباني اليوم يتعشون يمي سويلهم عشه جايين من غير محافظه
: سلام تحجي صدك غير دكول من وكت شلحك هسه
: شمدريني كبل ساعه خابروني
: جا ماخابرتني كبل ساعه
: اكلج لا تظلين تسربتين هيه شيرادله اجي الكه كلشي جاهز وعلي اذا تفشلت كدامهم ماتلومين اله نفسج
: فوك ماتوك يله دكول تغلط
: مهرة لسينج ترى يعم عليج
: جيب خبز من بره لو اصير صاروخ ما ألحك اخبز واسوي عشه
: اي ديله وما اريد نقص ياويلج
: والله اذا صار نقص مو صوجي
: خوش يصير خير
حجاهه وسد الخط هذا صدك يحجي شلحك هسه
كمت أركظ ركض الوكت رايح مستحيل ألحك

دكت الساعه بالسبعه خلصت كلشي الحمدلله ولا توقعت اخلص بقتلي تحظيرات قليله طب سلام
باوعتله ودرت وجهي
: وسم ماتسلمين
: والله اخاف اسلم وتغلط عليه
: ولج مهرة اتقي شري
: والله على هاي التعبه اطلعني اتونس
باوعلي صفح وكال: بيت أهلج ذاك وروحي تونسي بيه
: كل هذا التعب التعبته وتستكثر عليه طلعه
: مو صانعه الذره
: سلام شبيك والله اطلعني ترى تعبت اركظ منا وارد منا
: غصبن عليج ورجلج فوك راسج
: انت ليش هيج تعاملني ولا جن مرتك ترى حتى الخدامه مايعاملونه هيج
: انت بعيني حتى الخدامه اعلى مرتبه منج
ظليت اباوعله والدمعه تعلكت بعيني هذا الأنسان الحبيته وسميته سلطان كلبي مسترخصني وما اسوه شي عنده
عفته واكف بالمطبخ وطبيت جوه ظل يصيح وراي ماهتميتله اذا هو هيج شايفني اني مو رخيصه بعين نفسي
طبيت للغرفه طاحت دموعي توني مسحتهن جان يجفت عليه يلزمني من زندي ويفرني عليه
: انت ليش مو ادميه من اصيح تظلين واكفه بمكانج مو تعوفيني وتعرحين
: ما اشتغل عندك
: تشتغلين عندي وغصبن عليج
: مو بكيفك
: مهرة لسانج أكصه
نترت ايدي منه وحجيت
: كافي عاد سلام هواي لحيت بس كون تريدلك شغله اجلب بيه وتظل تعارك
ماحسيت غير ظربني راشدي فر وجهي بيه
طاحت دموعي كدامه وهذا الشي كلش اكره ما احب يشوف ظعفي بس ما كدرت حيل هظمني
دفعته من صدره وحجيت بعصبيه
: اني مو حيوان كلما ظجت ظربتني حرام عليك شوف نفسك شلون تعاملني حتى البهايم ألهن تقديرهن اله اني ادنه حتى من الحيوانات عندك ماميته عليك ولا اريد تحبني واخر همي اصلن
بس احترمني واجبك تحترمني
راد يحجي دك مبايله
: الووو
........
: هلا بيكم هلجايكم دقايق واوصل
سد المبايل وباوعلي وكال
: وصلو حظري كلشي وما اريد نقص
: بس للخدامه
خزرني وطلع
ظربت بثنين اديه على وجهي بحركه وبجيت همده حظي وهمداني على هذا الحب العقيم