وصية غيرت الكثير

آلبہآرتہ/2

السلام عليكم

وصية* غيرت* الكثير

البارت* الثاني

آلكہآتہبہهہ♡ كہؤثہر حہسہنہ

قراءه* ممتعة
♕
♕
♕
♕
♕
♕
♕

اماني: لازم اروح للبصرة
ريم: ليش شنو موجود بالوصية؟
اماني: لو مو اعرف خط بابا جا ماصدكت الموجود
ساره: شنو الموجود خوفتيني
اماني وهي تبجي: لج بابا ماكل حق صديق عمرة ولازم ارجعة ألة والا بابا يبقى يتعذب بكبره
رشا: شنو هذا الكلام واعية انت
اماني: هاج اخذي الوصية وقري
اخذت رشا الوصية حتى تقراها كلتلة ساره اقرية بصوت عالي حتى نسمع
رشا:(اذا صارت هاي الوصية بديجن يعني اني ما كدرت اسوي الأريدة ولازم انتن اتكملن اعرف الموظوع راح يصدمجن بس لازم تعرفن
بابا اني قبل 30 سنة دخلت بمشروع وية صديق عمري اني خليت كل فلوسي وهو هماتين سوا المثل ومن شفت المشروع نجح وكام ايدر ذهب لعب الشيطان براسي وطمعت ان ايكون كل هذا المال ألي وبني ادم خطاء اني ما اريد ابري روحي كدامجن لأن الحقيقة كما هي اني اخذت فلوسة وفلوسي وأجيت لبغداد يعني سرقتة وختفيت وفتحت المشروع هنا وبدء الشغل ايدر ذهب وتعرفت على امجن وزوجتة ولا شفت صديقي ولا سألت عنة جان دوم من اخلي راسي على المخدة ظميري ايذكرني بس اني اسكتة ومرت السنين وصرتن انتن وكبرتن وكبرت اني وما عدت اسكتة لظميري صح متأخر بس الأنسان مو معصوم اريد منجن ترحن للبصرة وتنطن المبلغ لصديقي وعتذرلي منة لأن اكيد اذا وصلت الجن الوصية اني مموجود خلنة يبريني الذمة ويحاللني
العنوان تلكنة عند ابو سجاد والمبلغ هو يعرفة واعتذر منجن اكيد انصدمتن بية بابا سامحني .)

ساره: ما اصدك هذا كذب
رشا: لج هذا خط بابا واكيد عمو ابو سجاد ميكذب علينة
ريم بصدمة: يعني بابا حرامي
ساره: شنو هذا الكلام منتبة لروحج شكاعدة تحجين لج هذا بابا
اماني: كافي بنات كافي
درت وجهي على عمو ابو سجاد وكملت كلامي
اماني: عمووو اريد العنوان وكلي شكد المبلغ حتى ناخذة ويانة
طلع ابو سجاد ورقة وانطاهة الي فتحتة ونصدمت من المبلغ كتلة
اماني: كل هذا المبلغ بابا ماخذة هذا نص ثروتنة
ابو سجاد: لا عمو المبلغ قليل بس بما شغلة ابوج لازم ايرجع الأرباح وياة وبهيج ايرجع الحق لأصحابة كامل
والمبلغ ميروح وياجن ترحن هناك تحجن وية صديق ابوجن وبعدين المبلغ ينسحب من احد مصارف البصره
وهسة شوكت تقررن ترحن
اماني: من باجر نطلع لازم بأسرع وقت حتى بابا يرتاح بكبره
ابوسجاد: تردن اجي وياجن
اماني: لا عمو اروح ابحدنة انت عندك اشغال
ابو سجاد: اوقف كلشي لحسابجن
اماني: لا عمو مشكور
ابو سجاد: لعد اترخص اني تصبحن على خير وباجر اتواصل وياجن

طلع عمو ابو سجاد وبقينة وحده صافنة على الثانية ودموعنة تجري ممصدكين كل شوية افتح الوصية واقراهة لازم باجر اروح للبصرة ما اريد بابا يتعذب اكثر
ساره: شوكت اروح
اماني: باجر بعد الصلاه لأن الطريق كلش طويل
رشا: اروح سوه
اماني: بس الطريق طويل خل اروح بس اني وريم
رشا: لا اماني كلنة اروح هاي وصيت بابا وهو ممحدد منو اتنفذة واني ما اتركجن اتروحن بلياي
ريم: بس مهند مراح يقبل اتروحين ابحدج اكيد ميعوفنة ويحاول يجي ويانة
رشا: لا ما اريد يعرف بالموضوع مو قصت استحي من السواه بابا بس ما اريد احد يعرف شي سيء عن بابا
اماني: يعني شلون مدكليلة
رشا: مراح اتصل بية باجر واذا هو اتصل اكلة بروحتنة للبصرة بس ما اكلة على الموظوع
ريم: يلة خل انكوم انام باجر ورانة طريق طويل
ساره : هستونة كمنة ودك جرس الباب كتلهن اني افتحة طلعت وهنة طلعن وراي صحت منو اجاني صوت احمد كال
احمد: افتحي هذا اني
باوعت للبنات مستغربة جيتة فتحت الباب وكتلة
ساره: اهلاً احمد شلونك
احمد: تمام انت شلونج
ساره: الحمد لله بخير
احمد: شنو راح ابقى بالباب
استحيت منة وكتلة اتفظل
دخل وسلم على اخواتي ردن علية السلام وكلتلة اماني تفظل
احمد: زاد فظلج بس اني مكاعد اجيت اريد احجي وية ساره بموظوع مهم خمس دقايق وأروح والأفظل احاجية هنا بالحديقة
اماني: على راحتك يلة بنات خل ندخل وانت ساره شوفي احمد شيريد