وصية غيرت الكثير

آلبہآرتہ/6

مرحباحبتي

وصيه*غيرت*الكثير

البارت*6

آلكہآتہبہهہ♕كہؤثہر حہسہنہ

قرأه ممتعه
♕
♕
♕
♕
♕
♕
♕

: بعدما تركتني اماني لوحدي وراحت حتى اجيب ساره بقيت كاعده بالصالة اباوع فلم شوية وسمعت صوت واحد طفر من مكان عالي

عزلت التلفزيون بسرعة ودفعت الكرسي من تايراتة وفتحت الباب على كيف

شفت واحد لابس اسود وملثم متت من الخوف سديت الباب وقفلتة

دورت على مبايلي شفتة على القنفة دفعت الكرسي بسرعة وتصلت على اماني قبل لترد كام يفتح اباب الصالة

بعدما ردت اماني وحجيتلة بس ميتة خوف طلبت مني ادخل للغرفة واقفل الباب وكالت راح تجي
اني مدري شبية انثولت نسيت ادخل للغرفة لو مكايلتلي اماني بقيت بالصالة

دخلت للغرفة وقفلت الباب مر شويت وقت بس قريت الشهادة ألف مرة
كلت هاهية راح اموت
دقائق وسمعت صوت مشي بالبيت اني هنا متت الة شوية كمت من الكرسي ونسيت ما اكدر امشي

رجعت اتصلت بأماني كلتلي راح نوصل مبقة شي هي وعمو رضا واسد وسديد بعدني احجي وياهة
وشفت يدت باب الغرفة اتحركت

ماسيطرت على نفسي وصرخت ووكع المبايل من ايدي
انتركت اليدة وسمعت صوت ركظ بالبيت

حاولت اوصل لمبايلي بس وكعت من الكرسي على راسي بقوة دخت وحسيت شي حار ينزل من كصتي لمستة رطب من شفتة طلع دم بجيت من الخوف وزحفت لمبايلي لكيتة مقفول قفل عام فتحتة ونتظرت ايحمل حتى اتصل بأماني

وقبل لا اتصل سمعت صوتة يم الباب هي وعمو رضا
: ريم حبيبتي انت بخير افتحي الباب
حجيت واني ابجي
: اي مابية شي بس هاج المفتاح من جوة الباب اني واكعة ما اكدر افتح الباب

دفعت المفتاح من جوة الباب بس مجاي يطلع الفتحة زغيرة
: مجاي يطلع المكان ضيق
: حاولي حبيبتي ترفعين نفسج بلكي تكدرين
قبل لا ارد سمعت صوت اسد كال
: ريم وخري عن الباب راح اكسرة

زحفت بعيد وكتلهم يلة ابتعدت
انظرب الباب مرة ومرتين وتلاثة بس ما انفتح
سمعت اسد كال
: سديد اني وياك خل نظربة سوة
ثواني ورجعو ظربوة وكذلك مانفتح ظلو يظربون بية حتى انفتح

دخل الكل واجت اماني علية وهي خايفة لزمتني من وجهي وبجت
: يروحي مابيج شي متت من الخوف عليج
: لتخافين مابية شي

حظنتة بقوة واني خايفة من خسارت ريم  من اتصلت بية واني كلبي وكع من صدري والف حسبة اجت ابالي لحد ماشفتة بخير

ابتعدت عن ريم على صوت عمو رضا
: الحمدلله على سلامتج بوية ريم
: الله يسلمك عمو
حجة اسد: كدرتي اشوفين وجة الحرامي
: لا ما شفتة اني سمعت صوت قوي مثل واحد طفر من السياج فتحت الباب على كيف شفت واحد ملثم قفلت الباب بسرعة حاول يفتح باب الصالة وكدر وبعدين اجة حتى يفتح باب الغرفة بس من سمع صوتي شرد لان سمعت صوت ركض
اسد؛ هذا مراقب البيت ومن شاف اماني طلعت عبالة محد موجود ودخل
رضا: يمكن ايعيده  لازم انسوي احتياط
اماني: شلون يعني
رضا: ما ادري بس لازم نلكي حل الليلة راح اخلي اسد ايبات يمكم وباجر الله كريم
اماني: لا عمو مشكور ميحتاج واصلن احنة راح نقفل البيبان وندخل للغرفة
اسد: محد منتظر موافقتج
قبل لا احجي حجة عمو
رضا: مو جانن مقفولات وفتحهن بوية الحرامي مايعصي علية قفل ومفتاح
سكتت بعد شكول خلي العناد على صفحة لايرجع الحرامي وحنة بوحدنة
رضا: يلة بوية اني اروح واسد يمكم
اماني: لا عمو اكعد شوية خل نظيفك
رضا: شكراً عمو مايحتاج