"ဟင့်အင်း၊ သက်သာပါတယ်ဗျ"
Baekhyun မြင်နေရတဲ့ ဦးရဲ့မျက်နှာဟာ အရင်နေ့တွေကလောက် ကြည်ကြည်လင်လင်ရှိမနေပါ။တစ်ခုခုကို စိုးရိမ်ပူပန်နေသလိုမျိုးဖြစ်နေသည်။
"အဖျားကြီးပြီး သတိတောင်မေ့တဲ့အထိ ဘယ်လိုဖြစ်ရတာလဲ ကောင်လေးရယ်၊ မနေ့ညကတည်းကဖျားနေတာမလား"
".................."
မှန်သည်။Baekhyun မနေ့ညက အိပ်ခါနီးကတည်းက ဖျားချင်ချင်ဖြစ်နေတာပင်။သို့သော် အရေးမထားမိဘဲအိပ်လိုက်ရာက ညတရေးနိုးလာတော့ Baekhyun အတော်လေးဖျားနေပြီဖြစ်သည်။သို့သော်လည်း ထပ်ပြီး စောင်ခြုံကွေးကာ ပေတေအိပ်လိုက်ရာက မနက်မိုးလင်းမှာတော့ အခုလိုမျိုးသတိမေ့သွားရတဲ့အခြေအနေပါဖြစ်သွားခဲ့တာပင်။
"မနေ့က နေပူကြီးထဲ ကိုယ်တို့ဆီစွတ်ပြုတ်လာပို့လို့များလား"
"အဲ့..အဲ့လိုမဟုတ်ပါဘူး"
Baekhyun ကပြာကယာငြင်းလိုက်မိသည်။Baekhyun ဖျားရတာက ဦးတို့ကြောင့်လုံးဝမဟုတ်ပါ။မနေ့ကညနေပိုင်း ဦးတို့ဆီကပြန်လာပြီးနောက် Baekhyun ရေကိုအချိန်အတော်ကြာစိတ်ကြိုက်ချိုးလိုက်မိပါသည်။ခန္ဓာကိုယ်တစ်ခုလုံးအေးစိမ့်စိမ့်ဖြစ်လာမှသာ ရေချိုးတာကိုရပ်လိုက်တာဖြစ်သည်။
"မနေ့က ရေအကြာကြီးချိုးလိုက်မိလို့ဖြစ်လိမ့်မယ်ဗျ"
"အင်း၊ အအေးပက်ပြီးဖျားတာလို့တော့ Hanwool ပြောတယ်၊ ဆေးနှစ်လုံးလည်းထိုးပေးသွားတယ်၊ သောက်ဆေးတွေလည်းပေးထားတယ်"
"ကျွန်တော့်ကို ဒေါက်တာကုပေးတာမဟုတ်ဘူးလားဟင်"
Baekhyun မေးလိုက်တော့ ဦးကအသာပြုံးလိုက်ပြီး
"အဖျားရောဂါနဲ့ပတ်သတ်ရင် ကိုယ်လုံးဝမသိတာမျိုးတော့မဟုတ်ပေမယ့် အထွေထွေရောဂါကုဆရာဝန်ကတော့ ကိုယ့်ထက်ပိုသိတာပေါ့"
ဦးရဲ့စကားကို Baekhyun စိတ်ထဲမှာ တွက်ချက်ပြီးအဖြေထုတ်လိုက်တာက ဦးဟာ ဖျားနာရောဂါကိုကုသပေးတဲ့ဆရာဝန်တစ်ယောက်မဟုတ်ပါ။နောက်ပြီး Baekhyun သိရသလောက် ဦးက အမျိုးသမီးလူနာတွေကိုသာ ကုသပေးတာများသည်။ကလေးလည်းမွေးပေးပါသေးသည်။
YOU ARE READING
Perfect Love [onging]
Fanfiction"ဘာလို့ချစ်တာလဲဟင်" "မချစ်ရမနေနိုင်လို့ ချစ်တာ" "ဘာလို႔ခ်စ္တာလဲဟင္" "မခ်စ္ရမေနနိုင္လို႔ ခ်စ္တာ"
Perfect Love-7
Start from the beginning
![Perfect Love [onging]](https://img.wattpad.com/cover/353765176-64-k737199.jpg)