သက်တံ့ရောင်ခြယ် မေတ္တာစံအိမ်ငယ်
အပိုင်း 10
မျိုးရိုးထင်ရှားသည် ရင်းနှီးနေသော အိမ်ရှေ့တွင် ရပ်လိုက်ပြီး မထိန်းနိုင်ဘဲ အော်မိသွားသည်။
“ အမေ သားတို့လာတယ် ”
သူ့ အသံအဆုံး အရွယ်နှင့်မလိုက်အောင် ဖျတ်လတ်နေဆဲ ဒေါ်ရွှေရတနာသည် တံခါးဝဆီ ရောက်လာပြီးနောက် မျက်စောင်းဝင့်လျက် ပြောလာ၏။ မျက်နှာထက်တွင်တော့ သားဖြစ်သူ ရောက်လာသည့်အတွက် ပျော်ရွှင်နေဟန် အထင်းသား ။
“ နင့်အသံချည်းပဲ …မကြီးမငယ်နဲ့ ”
မျိုးရိုးထင်ရှားက အမေဖြစ်သူကို သွားဖက်လိုက်သည်တွင် အမေဖြစ်သူက ပြန်တွန်းထုတ်နှင့် သားအမိနှစ်ယောက် ရယ်မောပျော်ရွှင်နေကြစဉ် မှော် တိတ်ဆိတ်နေမိသည် ။ ထိုနွေးထွေးမှုများက သူနှင့် မသက်ဆိုင်ပါပေ ။
ဒေါ်ရွှေရတနာသည် သားဖြစ်သူကို တွန်းထုတ်လိုက်ပြီး မှော့်ကို ကြည့်၍ ပြုံးကာ မေးလာ၏။
“ ကြက်ဥပူတင်းရော ”
မှော် တိတ်ဆိတ်နေမိသည် ။ သူ မည်သည့်လေသံ သုံးရမှန်းမသိ ။ ပုံမှန် အငေါ်တူးသည့် လေသံလည်း မသုံးနိုင် ။ သူ မည်သို့ ဖြစ်သွားသည်မသိ နူးညံ့သော လေသံနှင့်အတူ လင်ရိ ပြောနေကျ ပုံစံအတိုင်း ပြောပေးလိုက်မိတော့သည် ။ သို့သော် နေသားမကျစွာ အထစ်ထစ် အငေါ့ငေါ့။
“ ဟို နောက်တစ်ခေါက်မှ ယူလာခဲ့ပါ့မယ် အ…အမေ ”
ဒေါ်ရွှေရတနာ၏ မျက်နှာထက် တမျိုးတမည် ဖြစ်သွား၏ ။ သို့သော် အမြန် ပြန်ထိန်းလိုက်ပြီးနောက် သူ့ကို တွယ်ကပ်နေသော သားဖြစ်သူကို တွန်းထုတ်လိုက်ပြီး
“ ရှား အမေ အခန်းထဲမှာ ဖုန်းကျန်ခဲ့လို့ သွားယူပေးပါလား ”
မျိုးရိုးထင်ရှားသည် အမေဖြစ်သူကို ကလေးအရွယ်ကလို တွယ်ကပ်နေရခြင်းကို စွဲလမ်းကာ ထပ်တွန့်တက်လိုက်သည် ။
“ အမေကလဲ ”
ဒေါ်ရွှေရတနာသည် အတင်းတွန်းထုတ်ရင်း
“ သွား သွား ငါ နင့်အဖေဆီ ဖုန်းဆက်မလို့ ”
ထိုအခါမှ မျိုးရိုးထင်ရှားလည်း အမေဖြစ်သူကို သိလိုက်ပါပြီ ဆိုသော ရွှတ်နောက်နောက် အကြည့်တစ်ချက် ပေးပြီးနောက် အိပ်ခန်းရှိရာဘက် ဦးတည်လိုက်သည်။
YOU ARE READING
After the host was gone, our love story began
Romanceမျိုးရိုးထင်ရှား × မဟူရာမှော် After the host was gone,our love story began! Title - သက်တံ့ရောင်ခြယ် မေတ္တာစံအိမ်ငယ် သူ၏ ဘဝသည်ကား မိုးသက်မုန်တိုင်း အတိဟု ပြော၍ရသည်။မိုးသက်မုန်တိုင်းတို့ပြီးလျှင် သက်တံ့ပေါ်သည်မှာ လောကနိယာမမို့ သူသည်လည်း နွေးထွေးရာ သက်...
