قبل القراءة متنسوش الفوت والكومنت..
وترفعوا ريتش الفصول اللي فاتت فضلا...
____________
الجزء الأول من #الخاتمة
《قلب_مغلق_للصيانة》
بقلم #fatma_taha_sultan
_________________
اذكروا الله
وأدعوا لاخواتكم في غزة🩷
________________
أحبّك بقدر ما شعرت بالإطمئنان معك بعد أعوامٍ من الخوف..
#مقتبسة
«إن الحبّ لا يسأم ولا يمل ولا يعرف الفتور، ولا بد أن تلحّ في حبك حتى تظفر بمن تحب أو تفنى دونه».
#مقتبسة
" أتى حاملاً معهُ الحياة "
وهذا أشد وصفاً طابقَ قلبي منذُ قدومِه ✨.
#مقتبسة
امــــرأة مُمتلئـة بالحنية ، تنطقُ عَينيها ما لا يُحكى .
#مقتبسة
_____________
هدر عبد الكريم في عنفٍ:
-بنتك ترفع عليا قضية خلع يا أيمن؟!.
تمتم أيمن في نبرة هادئة:
-خلاص يا عبد الكريم ملكوش نصيب مع بعض ما بقالكم شهور هي في البيت عندي وأنتَ بتيجي مش عايز تطلقها وهي مش عايزة ترجع فده أنسب حل.
ثم أسترسل حديثه في ضيقٍ:
-وبعدين مش دي المشكلة، في مصيبة أكبر.
صرخ عبد الكريم مُنفعلا:
-هو في مصيبة أكبر من كده؟!.
هتف أيمن مفجرًا القُنبلة:
-البشمهندس اللي خليناه يعمل كل حاجة فص ملح وداب......
هتف عبد الكريم في صدمة وهو ينظر له بعدم فهم:
-يعني أيه فص وملح وداب يا أيمن؟!.
غمغم أيمن بهدوء وهو يشرح الأمر:
-روحت النهاردة ملقتش حد بيشتغل، وهو كان واخد إجازة اسبوع علشان ولادة مراته روحت اشوف في ايه لأن عدى عشرة أيام ومحدش بيجي يعمل حاجة لقيته كان مأجر المكتب ورجعه لصاحب العمارة واختفى ومحدش يعرف عنه حاجة.
ثم أسترسل حديثه في خبثٍ:
-اختفي بعد ما خد أخر جرعة من الفلوس وفلوسه بقت كاملة.
صرخ عبد الكريم في غضب شديد:
-ازاي يعني مش موجود؟!!! ازاي تدي الفلوس دي كلها لواحد مرة واحده من غير ما يسلم الحاجة مظبوط؟!.
أردف أيمن في نبرة عادية وهو يدافع عن نفسه:
-أعمل أيه يعني؟!! ده كان مول طبيعي يحتاج فلوس كتير والإجراءات والتراخيص هو أحنا كنا بنبني عمارة؟! ما لازم اديله زي ما يطلب، وهو كل ما يطلب كنت بديله دفعة من عندي ودفعة من عندك.
هتف عبد الكريم في انفعال شديد:
-العمل أيه؟! أنا بعت كل حاجة ده كان ناقص أبيع عربيتي وشقتي علشان ال***.
