حنين ( ابتسمت و حنات راسها )
شافت مربام فجورية مزال مبتسمة : تحسنات على قبل لا ؟ كانت تتشوفني ماتتعقلش عليا و تتخاف دابا تتورينا الضحكة...
جورية : الحمد الله تتحسن ، و تريح قلب حبابها عليها...ضروري تجمع مع الخلق و تندامج مع المحتمع ...
مريام : وي لاحظت تتقدر تبقى واقفة بوحدها بلا بيك ...
جورية : و بلا حتى عبد الهادي ، وخا تحسنات مزال مايرتاح ليه القلب ...
نطقات صفاء : مزال جالس التحت ؟
جزرية : علاش يرتاح ليه البال ؟ ماكتعرفيش عبد الهادي ...
مريام غي تتسمع مابغاتش تدخل فحوارهم عينيها على حنين لي تتسرق منها شوفات و غي تتحصلها مريام تتحني عينيها حشمانة....هزات يديها و سرحاتهم على شعرها بدفىء تتحاول تجبد ليها لسانها و تسمع صوتها ...
_ سميتك زوينة احنين شكون سماك ؟؟
حنين ( شافت فيها و حنات عينيها في صمت )
مريام ( عينيها مبتسمين تينشرو الدفىء ) مابغيتيش تدوي معايا ؟ نمشي بحالي ؟
حنين ( هزات راسها لا بالزربة )
مريام : و علاش ماتتهدريش و تسمعيني صوتك نشوفو واش حتى هو زوين بحالك و بحال سميتك....عارفة شنو سميتي انا ...
حنين ( هزات راسها بالايجاب )
مريام : قولي نسمع ...
حنين ( بصوت خافت ) مريام ...
مريام : طلع حتى صوتك زوين بزاف و نتي ساكتة مخبياه علينا....
حنين عضات على شفايفها مبتسمة تتشوف فجويرية لي تتشوف فيها مبتسمة تتسمع ، و فصفاء معلية حاجبها فجويرية و مرة فالخادمة لحد الان مزال مستغربة و تتقول هاذو شنو كيطبخو...شنو كدير زكية مع مريام !! زكية ماشي اي خادمة زكية اليد اليمنى للأم ديالها و بلا والو كانت معروفة زمانها تتموت على عبد الهادي ..بقات غي تتشوف و تفكر مافهمات والوو! واول حاحة جات لبالها هو الام ديالها حطات العين على مريام ،دارت ابتسامة استهزاء و شافت فجورية لي شافت فيها بحال تتقول ليها انا مالي علاش تتشوفي فيا هكاك...
صفاء ( ببرود ) كنت عارفة ماترتاحي حتى ديري لي فبالك ..
جويرية ( بابتسامة ) دخلت بالخير ماشي بالشر ! وصلت ليها الوصف و الباقي عليها هي...
صفاء : حطيتو عليها العسة من دابا...شكون قالك غتوافق و لا عبد الهادي غيوافق ...
جويرية : مدام عجباتني اذن غتعجب عبد الهادي و غتعجب الحاج ...
صفاء : عبد الهادي ماشي مرة ماشي ثنين شافها كون بغاها كون تحرك هو و دار خطوة للقدام مايحطش الموضوع بين يديكم ...
جويرية ( بانزعاج ) عبد الهادي ولف الوحدة ، ولف فراشو ماينعس فيه حد غيرو و ريحة بيتو ماتخلط مع ريحة النسا .. كنت كنخمم اذا بقى هكا كيفاش غيولي ؟؟؟ حتى فرحت ملي عرفت راه فبالو فكرة الزواج سمعتو بودنيا قالها للحاج غي مالقاش البنت لي باغية بالمواصفات لي باغي...بنات عائلتو ماباغي حتى وحدة فيهم حيت بلا حجاب و ماباغينش يتحجبو اوى ؟؟؟
STAI LEGGENDO
🍁قيد العراقي 🍁 (طور التنزيل )
Avventuraقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
part4
Comincia dall'inizio
