_بس كدا احنا مخلصناش منها وسهل تيجي تقرفنا تاني
_لما تيجي هنتعامل متقلقيش ..
ساد الصمت بينهما، وانتبها لياسمين وهي تخاطب زياد قبل أن يلعب دوره :
_متحطش اصفر، حط له رقم لونه أزرق عشان معهوش اللون ده
كانت تقصد عز بحديثها ؛فهو الذي يلي زياد في اللعب، فصدح احتجاجه :
_لا ده غش ده! ، دي بتجسس على ورقي
أجابه زياد :
_انت اللي مبتخبّيش ورقك ياحبيبي، متحمّلناش نتيجة غباءكوضع زياد ورقة برقم اثنان ذات لون أزرق، فارتفع هتاف الانتصار من عز وهو يضع ورقة من نفس الرقم ولكن بالأصفر :
_شوفتوا قلّة السلكان بتاعتكوا ! ، بالنيّات اصلها
همهم الجميع بضحكات خافتة، قبل أن يلتفت فخر مع جهاد بحوار جديد وهي تقول :
_عايزة اطلب منك طلب هيضايقك
رمقها بتعجب :
_استر ياربسكتت قليلًا ثم أفصحت عن مبتغاها مباشرةً :
_عايزاك تعلّمني السواقةترقبته بقلق، فقطب حاجبيه بتساؤل :
_وايه اللي هيضايقني في كدا ؟!
_ما انت هتعلّمني على عربيتك !
سارعت بإخفاء وجهها بكفّيها لتتفادى رد فعله المتوقّع، بينما انتفض فخر بجلسته متأهبًا للصياح ولكنه حبس اعتراضه في جوفه لكيلا يلفت نظر الجميع، وأجابها بحنق :
_هعمل مسمعتش حاجة
تطلعت له بحزن برئ وقالت :
_انت بتحب العربية اكتر منّي؟!أجابها بتحذير :
_متدخلهاش من السكة دي عشان مش هتجيبتقمّصت نفس النظرات اللطيفة التي تخدعه بها كلما طلبت منه شيئًا، ونطقت جملتها المعتادة بدلال :
_عشان خاطري ياخوخة لو سمحت
صار يحرك رأسه يمينًا ويسارًا أكثر من مرة :
_متحاوليش لأ مش هياكل معايا الجو ده خلاص شطّبنا
لم تستسلم وبقت تحدقه بأعين بريئة وابتسامة ناعمة جدًا وحملت ملامحها كل الرقّة الموجودة بالعالم ، اغتاظ من نفسه لتأثره بها رغم معرفته بأنها تتلاعب به وحدجها بغضب مكتوم، فاتسعت ضحكتها و رددت معه العبارة التي أيقنت أنه سيلفظها، وهتفا معًا بنفس اللحظة :
_بكرهك ياچيچي!
ضحكت وأردفت بثقة :
_عادي ياروحي انا عارفة إنك تقصد العكس .... ها؟ موافق صح؟
زفر بملل وأجاب بامتعاض :
_هفكر ..
كانت على وشك التحدث فأوقفها قبل أن يستمع لحرف :
YOU ARE READING
تُرَاب أمْشِير (مكتملة)
Romanceدائمًا ما نبحَث عن الحُب .. ونادرًا ما نَعثر عليه .. ولَـكـن في أغـلب الأحيان عندما نجدُه نتركُه يَفلِـت من بين أيدِينا دون وَعي، وبِمنتهى الحَماقة .. ونـظلّ نندم ونحاول استرجاعه .. فهل سَننجَح؟ 🔺خالية من أى تجاوزات أو مشاهد خارجة🔺 (اجتماعي، روما...
43- (نَـسَـمَات بَـرمُـودَة)
Start from the beginning