ဒေါ်ခင်သမီးဖြစ်သူအကြောင်းကိုရောက်လာသည့်လူစေ့လိုက်မေးဖြစ်ပါသည်။ ဒါမှသမီးလေးဘယ်လိုတွေနေနေလဲဆိုတာသိချာသိရမှာလေ။ အကြာကြီးမေမေကပစ်ထားမိလို့ မေမေတောင်းပန်ပါတယ်သမီးရယ်။
"လွန်းငယ်ကအခုအလုပ်ရနေပြီအန်တီဲရဲ့ အကိုခွန်းစေရာအလုပ်မှာလေ လွန်းလေးကအရမ်းတော်လို့အကိုခွန်းစေရာကအမြဲချီးကျူးနေတာ "
ဒေါ်ခင်ပြုံး၍သမီးရွှေကူရဲ့စကားတွေကို နားထောင်နေလိုက်တော့သည်။
"ရွှေကူနဲ့လဲနေ့တိုင်းဖုန်းပြောဖြစ်တယ် လွန်းငယ်ကပြောတယ်သူအရင်လိုလူမမာတပိုင်းမနေတော့ဘူးတဲ့ အလုပ်ကြိုးစားပြီးအန်တီပြန်သတိရလာရင် မိသားစုတွေပျော်ပျော်ရွှင်ရွှင်နဲ့အန်တီတို့ကိုလိုလေသေးမရှိအောင်ထားမှာတဲ့"
မျက်ရည်တွေစီးကျလာသည့်အန်တီ့ကို ရွှေကူ tissue လေးယူ၍သုတ်ပေးလိုက်တော့သည်။
"လွန်းငယ်ကနယ်ဘက်ရောက်နေလို့ပါ မဟုတ်ရင်အန်တီသတိရလာတာသာသိရင် ချက်ချင်းပြေးလာမှာအန်တီရဲ့"
"အေးပါကွယ် သမီးလေးအဆင်ပြေပြီဆိုအန်တီကျေနပ်ပါပြီ အရင်လိုတငိုငိုရီရီဖြစ်နေမှာအန်တီကစိုးရိမ်မိတာ "
"လွန်းငယ်ကအခုဆိုရင့်ကျက်နေပြီလေ သမီးကိုတောင်အကြံတွေပေးပြီး သင်ပြပေးနေတာအခုဆို "
ဟုတ်မှာပါ သမီးလေးကမေမေဒီလိုဖြစ်သွားတော့ မရင့်ကျက်ချင်ပဲရင့်ကျက်သွားရတာမျိုးနေမှာ။ အရင်ထဲကမိဘတွေစကားနားထောင်ပြီး မိဘနှစ်ပါးကိုအရမ်းချစ်တဲ့သမီးလေးကအခုဆို ရင့်ကျက်နေပြီတဲ့လားကွယ်။ မေမေကြောင့်သမီးလေးပင်ပန်းနေမှာ။
"အကိုလေးဗိုက်ဆာရင်သွားစားလေ"
"ကောင်မလေးကရော"
"ရွှေကူကဗိုက်မဆာသေးလို့"
"အဲ့တာဆိုခဏနေမှစားကြတာပေါ့စောသေးတယ်အခုက"
"ဟုတ်ကဲ့"
အကိုလေးဘေးဝင်ထိုင်၍ ယူလာသည့်ပန်းသီးလေးကိုအခွံသင်လိုက်တော့သည်။ ဓားလေးကအသစ်စက်စက်လေးမို့ရွှေကူသတိထား၍ အခွံသင်နေသည်ကိုဘေးမှမျက်မှောင်ကြီးကျုပ်၍ အကိုလေးကကြည့်နေလေတော့သည်။အကိုလေးရောရွှေကူ့လို မျက်လုံးမှုံနေလို့များလားဟုတောင် ထင်မိပါသည်။
Part 💭 20 (U&Z)
Bắt đầu từ đầu