جيتني من أقصى دنياي...وصرت الدنيا بعيوني

البارت-56

-
أنتهى اليوم الحلو اللي ملى بقلب كل واحد منهم شعور ولقاء حلو وحب أبدي وانتهى بأنتصار حب ضيّ وسَهم اللي باقي مخبينه ومااعترفوا لبعض فيه طلعوا من القاعة وراحوا للفندق ،ولكن مو كل اليوم بينتهي بشكل حلو طلعوا من القاعة وتوزعوا بالسيارات التفت عِنان لدلال:اقول وين سُلاف ماطلعت معكم؟
دلال استغربت: ماشفتها اصلًا اليوم جت عندنا وسلمت على ضيّ واختفت بعدها
عِنان حس الخوف بدأ يتملكه : شلون يعني ماشفتيها وينها ماجلست معكم. وين بتروح يعني اكيد انها داخل ادخلي شوفيها لي
دلال نزلت أغراضها بالسيارة : زين الحين ادخل اشوفها انا والبنات انت انتظرنا
طبعًا عِنان معه البنات وحمد معه الأمهات وفواز وتركي معهم الآباء وهتان ومازن وباقي العيال راحوا مع بعض والكل مشى وراحوا للفندق الا عِنان والبنات بعد نص ساعة وهم يدورون وكل البنات تفرقوا بكل القاعة بس محد شافها ولا حس عليها دخلت اديم لغرفة العروس وانتبهت لثلاث أوراق على الكنب مكتوب عليهم من برا "لكم يابنات" "لعِنان" "لاابوي "ركضت واخذت الورق وفتحتها وجلست تقرأ ودموعها بدت تنزل مع اول الحروف...
طلعوا البنات لعِنان والتفت على طول يوم شافهم:هاه بشرّوا؟
جود: للأسف مالها آثر
دلال: طيب كلمهم اسأل يمكن معهم
طلع جواله ودق عليهم كلهم وسألهم وكان الجواب اللي يسمعه"لا ماهي معنا"
مسح على شعره بتوتر وخوف وفزّ على طلعت أديم وصوت بكائها وفزت جود: بسم الله عليتس شفيتس؟
أديم مدت لها الأوراق وهي تبكي آخذت الأوراق وشافت الأسماء استغربت: وش ذا أديم ؟
أديم: من سُلاف تركتهم وراحت مدري وين راحتت
ركض عِنان وسحب من جود الأوراق:عطيني اششوففف
اخذها وشاف أسمه بين الأسماء واخذ الورقه وجلس على طرف السيارة وفتحها وبدأ يقرأ حروفها الحروف اللي يحبها ويتمنى يقضي طول عمره معها ويتودّد لها ويعشق هواها اللي. كل مره يسمع صوتها او يشوف وجهها يزيد حبها له
بدأ يقرأ حروفها اللي قررت تنزل دموعه وتبكي أيامه وتهدم فرحته «لا أعلم لماذا تهربُ مني اللغة عندما أحتاجها
تضيعُ مني الكلمة ولا أجدها لو تعلم كم أن التفكير بك يملئني شوقٍ ولهفة ومُجرد ذكرى أسمُك اللذي أدمنته يُصيبني بالرعشة"أنت" فارسُ أحلامي الذي أمضيت سنوات المراهقة وانا اتخيل شكلهَ أُفكرُ بالحُب الذي سأمنحهُ له وبالأمان الذي سأشعرُ بهِ عندما يضُمني ألى صَدره في كُل مرةً كُنا نلتقي بها تُحاول أيهامي بأنه لقاء صُدفه واعلم انا جيدًا آنك تنتظر وصولي لتخبرني آنك جئت هُنا لأي شيئًا الا لرؤيتي واكمل معك تمثيل المسرحية وأدَعي أنني مُتفاجاةً لهذا اللقاء لهذه الُصدفه أربعة احروف نطقتها لي عيونك عصفت كياني غيرت أيامي وايقضت كُل مشاعري عشنا لحظاتٍ جميلة رسمنا أحلامٍ صغيره بدأت تكبر كل يوم معنا لماذا يهرب الحُب منا ويُخاف ان يُلام؟ ولماذا وألفُ لماذا نُحاسب على اخطاء لم نقترفها"مثل الكف اللي دفعت ثمنه وخسرت نظري"ونبكي على قصة عشقً لم نُكملها
هربتُ منك وكنتُ أتوقع آن أهرب إليك نعم إنني أحببتك تلك الفتره اللطيفة الذي كُنا بِها معًا ولكن...... كنت أتحسس الحب الذي في صوتك وأفعالك شفقةً علي فقط ولم أُريد تلك الشفقة أنا ذاهبة بعيدًا عنك بعيد جدًا أعجر الغفران لك عن الأغلاط التي ترتكبها أعجز وجدًا أن أنساها وآن أمضي حياتي وكأنها لم تترك بها بصمة كـ انظاري التي خطفتها ولم تُعدها
أتمنى ان تتمنى لي حياة سعيدة يازوجي إلى اللقاء
-
-
"زوجتك سُلاف"»
انصدم من الرسالة جمد وكأنه مو قادر يسوي ولا شي حتى البكي والصراخ الحركة صارت صعبه بالنسبه له ماكان يقدر يسوي اي شي ماحس الا بدمعه تنقط على الورقه مسحها على طول وطلع جواله ودق على براء وعلى طول وصله صوته: هلا عِنان؟
عِنان:تعال القاعه بسرعه
براء حس بصوته شي: زين جاي
سكر جواله ورجع يقرأها مره مرتين ثلاث مو مستوعب ولا هو مصدق ابد بعد دقايق وصل براء ونزل من السيارة:وش بك ياعِنان وش صاير
عِنان وهو منزل رأسه وحالس على طرف السيارة:خذ البنات ودهم الفندق
براء نزل عنده : وش فيك طيب انت وش فيه وجهك؟
عِنان حس لو يسأله زيادة بيبكي : خذ البنات ودهم براء لا تكثر اسأله
براء وقف : طيب باخذهم بس راجع لك
طلعوا البنات وركبوا مع براء وراحوا اول مامشوا أنهار عِنان وصار يبكي بدون صوت بس دموعه تنزل بشكل مو طبيعي حط الورقه بجيبه وركب السيارة وانطلق لديره على طول مشى الخط وهو شايل هموم الدنيا فوق كتفه يحس ماهو قادر يشوف الطريق من دموعه كل شي متلخبط بشكل مو قادر يستوعبه صار يمشي والطريق فاضي ومافيه غير عِنان ونَور القمره والنجوم نزل عن الطريق ومى لداخل البر ووقف سيارته ونزل ومافيه نور ينور له غير نور القمر اللي ينعكس على دمعة عيونه نزل رأسه ورفع يده ومسح وجهه نزل الفرشه اللي بسيارته والمويا وفراشه انسدح وصار يتأمل القمر والنجوم وفجأة كأنه صحى على العالم وعرف ان كل شي حقيقة وقف بسرعه وصرخ بقوه صرخ صرخه هزت جبال صار ينادي اسمها وهو يصرخ على امل تحس تسمع او تجي طلع الرسالة من جيبه وقرأها طاح على ركبته على التراب وحط يديه على عيونه وصار يبكي يبكي كأنه طفل فقد امه وصار يهمس وهو نشف حلقه من البكي والصراخ: ليه ليه تكفين يكفي ماجاني يكفي ماعشت ادري اني عشيتتس بحياة مااحد يتمناها بس قاعد اصلح غلطتي ليه تروحين وباقي غلطتي ماتصلحت ليه تتركيني ليه ليه وانا بعالجتس وببيع الدنيا كلها عشانتس ليييه "صرخ بقوه" ليييييهه ياسُلااففف لييييهه ليه هديتييي حييلييي لييه هديت حيل اللي ماينهد ليه بكيتي اللي مايبكي ياكبر ذنبتس يانجمة سماي ياكبره " رفع راسه وناظر لسماء وتنهد بقوه وهمس" يارب
التفت على جواله اللي يدق وشافه براء واتصالات كثيره منه رد عليه لانه مايحب يخوفه رد على المكالمه وحطها على أذنه بدون مايتكلم ووصله صوت براء: عِنان عمى ان شاءالله وينك فيه ماباقي مكان بالرياض مادورتك فيك
عِنان بهدوء وصوت واضح فيه البكي:ماني بالرياض
عقد حواجبه من صوته وعرف السالفه مافيه بسيطه دامها نزلت دمعة العِنان:وينك فيه بجي
عِنان: خلك عند اهلي واهلك ولا تجي
براء بحده: عِنان خل عني الورعنه وينك اقول ليه اهلنا لحالهم مافيه رجال غيري!!!
عِنان : انا رحت الديره
براء:زين جاي
عِنان: قبل تسكر تراني مو بالديره نفسها قبل الديره بكمل بـ 20 كيلو نزلت داخل البر ارتاح شوي
براء تنهد: طيب جاي الحين
سكر وعلى طول ركب سيارته وانطلق لعِنان
وعِنان؟ انسدح وصار يتأمل السماء الصافيه والنجوم والقمر وهمس بهدو: مادري باكر هالمدينه وش تكون النهار والورد الأصفر والغصون"وانتبه لطيارة تزاحم النجوم بالسماء الصافيه وتنهد "ذبلت أنوار الشوارع وانطفى ضيّ الحروف والمسافر راح......
-
بطرف الرياض بحي الحب ومدينة العشاق والفرح عند العرايس وعند الحب والشوق والحنان والحنيّه
كانوا جالسين على العشاء والكل يتأمل الثاني وكل واحد يحسد نفسه على اللي قدامه ابتسم سَهم اشر لها توقف ووقفت وسحب الكرسي وحطه جنبه عقدت حواجبها بأستغراب: شفيك؟
سَهم وهو يضرب الكرسي بخفه: تعالي جنبي ابيك جنبي العمر كله
تقدم ضيّ وجلست جنبه: ياحلو العمر اذا بيكون جنبك
قرب وباس خذها:يهمك تعرفين انك قتلتي في سنيني الهم قتلني ضحكك وجدك قتلني ليلك القاسي
ضيّ: الله الله ايش الكلام الحلو ذا
سَهم: سارقه من عبادي الجوهر
ضيّ ضحكت: اعرف
سَهم رفع حاجبه: افهم من كلامتس اني مااعرف اقول شعر!!!
ضيّ تقدمت وصارت تلعب بـ لحيته:لا تعرف بس ابي منك ياحبيبي ماابيك تسرق من الغير لااجلي
مسك يدها وباسها وتنهد بقوه:رميت أقداري في دربك وصرتي في عروق الدم كثير من الحطب حولي وعندك انكسر فاسي
ضيّ تكمل الاغنية: عيونك أخر آمالي وليلي اطول من آليم
ضحك وكملت: مو قلنا مانسرق
ابتسم وهو يناظرها: احبتس
أبتسمت بخجل: اموت فيك
-
حفظتها في خافقي حفظ المصلّي للصلاة
وداريت سمعتها وصنت العهد لأجل عيونها
-
الديره عند عِنان وبراء
طلع له فراش جنب عِنان وانسدح وصار يسحب همومه ويهل سبحته ويطلع مابداخله وعِنان كان الصمت متملكه والدمعة سيدة الموقف
براء تنهد بتملل:يااخوي تكفى قول لي وش فيك صار لي ساعة عندك واسأل واتكلم وانت ساكت
عِنان بتعب: براء تكفى اسكت
براء قام ومسكه وقومه وصار وجهه بوجهه عِنان وصرخ: ماني ساكت ماننيييي ساكتتتت تكللم وقول وش فيييك ماهي حاله ترا تكلم طلع اللي داخلك لا تتم ولا تكبت تكللمم يااخوي انا اخوك وكتفك اليمين يايمين بالله أبيع روحي لاارضاك جعلني اشيل همك عنك قول وش فيك
عِنان أنهار بعد كلام براء تقدم براء وحضنه وصار يشد على حضن عِنان وهو يبكي زيادة ويصرخ بقوه: راحت يابراء راحت واخذت روحي راحت وانا ماصلحت غلطتي راحتتتتتت
براء صار يمسح على ظهره ويقرأ عليه بعض آيات القرآن :خلاص تكفى أهدى لا تعصب اهدى شوي عشان نعرف نتكلم
عِنان نزل رأسه يمسح دموعه بكمه: راحت "تنهد بقوه"راحتتتتت
براء: منهي وايش فهمنننيييي ياخييي
جلسوا عدل وقال الموضوع كله لبراء وخلاه يقرأ الرسالة وانتبه لخاتم والواضح عِنان مااانتبه له :عِنان
رفع رأسه وطلع له الخاتم وشافه وضحك بسخرية:حتى اخر شي من ريحتي ماخلته معها ليه ليه تركتني
براء: طيب ماتعرف وين راحت مين حجزت لها وايش سويت
عِنان هز راسه بـ لا : مااعرف ولا شي ولااا شيييي
براء: شوف من خبرتي اذ محد ساعدها فأنها باقي بالسعودية ماطلعت بس احس ذا الشي غلط تدري وش احسه به احس راحت عند اهل امها
عِنان: مستحيل براء كيف بتروح هي ماتشوف عشان تروح
براء :هو مالها غيرنا وغير اهل امها من بتروح له يعني
عِنان مسك رأسه بأنزعاج : مدري مدري مددريييي
براء: خلاص يااخوي تكفى أهدى شفيك لا تسوي بنفسك كذا
عِنان بهدوء وتعب وعيونه تلمع بحزن: ليه يوم حبيتها قررت تروح ليه ماراحت من قبل لييه
براء: ترجع بترجع معليك
نزل رأسه وحطه بين رجليه: ماراح تفهمني يابراء ماراح تفهمني
رفع رأسه فوق وتذكر جود وضحكة جود وحب جود وتنهد: والله محد فاهمك كثري والله
عِنان تنهد بقوه نزلت دمعه من عينه ومسحها على طول بكمه:جت من أبعد دنياي ودنياها جتني من اقصى دنياي وصارت الدنيا بعيوني كيف تروح وتخليني بلا دنيا ؟؟
براء: بترجع دنياك وبتصير لك الدنيا دنيتين بس أنت أهدى ونحاول ندورها نطلعها نسوي اي شي
عِنان تنهد: يارب ترجع يارب
-
عند البنات
كلهم قاعدين زعلانين ويفكرون بسُلاف وينها وايش سوت وايش صار وكانوا البنات زعلانين وأديم اللي كانت تبكي بشكل مو طبيعي
وعد: بنات نقول لاابوي ولا لا؟
أديم :مو وقته خليه بكره لين نرجع الديره
دلال: بس احس احسن هنا عشان من غير ان شاءالله لو صار شي نكون يعني بمدينه وعند مستشفيات
وعد: من غير شر دلال شفيك
دلال: طيب انا وش قلت من غير شر بس يعني بنته وهربت طبيعي على الاقل بنزل ضغطه بس ان شاءالله لا بس احسن الحين تقولون له
اديم: يجي عِنان يقول له حنا مالنا دخل
وعد: صح وهو سبب كل شي
حنين: بنات خلاص روقوا شفيكم أهدوا خلونا نفكر
وخلص اليوم والتفكير باكل البال اكل والكل مو لقاي حل وسُلاف على احنجة السماء.....
-
ضيّ وسَهم
-
اي والله احبك واعشقك وابيك
وفي خاطري لك هيبة ملوك ببشوتها

واموت لك، واموت منك،واموت فيك
حط خط تحت الموت اللي تبي واموتها
-
كانت واقفه تسوي قهوة تركيه وكانت تغني وتتمايل والروقان اللي محتل قلبها بشكل كبير كانت تتمايل وعيونه تتمايل من خصرها المتمايل ابتسم وتقدم وحضنها من ورا وباس عنقها: دوم هالروقان يارب
ابتسمت له : يديمك لحياتي يارب
بعد عنها ومسك كتفها ولفها ناحيته وقربها له وصار مايفرق بينهم حتى مكان الشعره سوا مكان النفس انفاسهم تختلط سوا تقدم وباس بين عيونها وهمس:تمايلي لي وعلي وبقلبي لا تتمايلين لك لحالك وبنفسك
ضيّ اللي بدت تزيد دقات قلبها من الخجل نزلت راسها وهي تحس بحرارة جسمها من الخجل نزل ناحيتها وشالها بين يديه وكانت صغيره جدًا مقارنةً بحجم سَهم قرب وباس منطوقها وهمس:لو ضمة ضلوعك يجي عقبها الموت...لا آضم صدرك دام باقي لي أنفاس
وكملت ليلتهم بكل حب وبكامل المشاعر والشعور وبدون قهوة تركيه ليله مليانه حضن وحب وسَهم وضيّ...
-
أما سُلاف؟
حجزت أول طيارة إيطاليا وسافرت لااهل امها تبي تختلي بنفسها وتعالج عيونها وتبني حياة جديدة بدون عِنان
كان ودها تناظر للغيوم بس بلا جدوى كانت ماتدري هو ليل ولا نهار ولا ايش الوقت بالضبط التفت لشخص جنبها وتنحنحت:لو سمحت
التفت لها الرجال: هلا اختي
اعطته الجوال : ابيك تفتح لي على محادثة شخص اسمه صقر وتكتب له كلام معليش يعني بس انا مااشوف
: ابشري
اخذ جوالها وفتح على المحادثة والتفت لها: ايش اكتب ؟
سُلاف تنهدت : شكرًا لك لانك ساعدتني وحجزت لي ووصلتني لطيارة بنفسك شكرًا لك فهمتني وكنت معي بكل خطوه شكرًا لك واتمنى محد يعرف عني شي ابدًا
كتب الشخص الكلام وارسلها والتفت لسُلاف: ارسلتها شي ثاني؟
سُلاف: لا شكرًا لك
عطاها جوالها ورجعت تنسدح على الكرسي وتنتظر الوصول لإيطاليا

عاصفة الابطال 🌪️
اهلًا عسوليني "لاتنسون النجمة والتفاعل ورأيكم العسل وايش ودكم أحط بالبارت الجاي؟"
تعالوا انستا rwiiai1